方塊壯字
From Wikipedia, the free encyclopedia
方塊壯字又叫生字、土俗字、古壯字,係壯族人為唨書寫壯話借用漢字嘅字型或結構創造嘅文字。壯語叫做「𭨡 𮄫 」[注 1](sawndip),意指未成熟文字。訊息學界已經收錄唨一啲壯字入中日韓統一表意文字,同埋至2020年好多啲稍微生僻啲嘅壯字有收錄喺CJK擴展F區。
最頭先創造出啲壯字嘅年代仲唔明確,但7世紀佢已經存在有喺度。而家有睇到嘅最早記錄係唐代683年塊石碑《六合堅固大宅頌》,與及始建於公元697年嘅智城碑,迄今已有1300年以上嘅歷史。從民間流傳嘅經文、詩詞等書面記錄當中,1989年編寫嘅《古壯字字典》收載返大約4900個正體字壯字,而正體字佮埋異體字就有1萬幾[1] 。雖然1957年以後,壯語又有基於羅馬字嘅拉丁壯文,但係都仲係有人使用開方塊壯字[2] 。自中國大陸使用漢字嘅簡化字之後,方塊壯文啲漢字、漢字部件亦都跟埋漢字簡化埋。
宜家方塊壯文逐漸噉式微緊,個應用範圍主要係喺記錄麽公歌唱本、山歌唱本與及民間傳說嗰陣,亦都有人用佢嚟記錄壯劇劇本、藥方同埋族譜。