千克(粵拼:cin1 hak1)或者公斤(粵拼:gung1 gan1,英文:kilogram 或者 kilogramme),係質量嘅國際標準基本單位,符號 kg,有譯啟羅[1]。佢嘅定義係國際千克原型砝碼嘅質量。
千克係國際標準裏面,唯一一項有前綴嘅基本單位,取代咗原本克嘅地位。由1983至2019年之間,千克係唯一仍然用實物,而唔係用物理性質,做標準嘅國際標準單位。2019年SI基礎單位重新定義,改用普朗克常數、光速、同銫133原子輻射周期嚟定義千克,令千克嘅定義唔再取決於人造實物。
1/1000 千克就等於 1 克,1,000 千克就等於 1 公噸。