十三行路

十三行路（「行」字有陰上變調，粵拼：sap6 saam1 hong2 lou6）係中國廣東省廣州市入面嘅其中一條一般嘅馬路，喺荔灣區入面，成條馬路係東西走向。西邊從杉木欄路同長樂路嘅交界開始，一直向東去到人民南路嗰頭。

十三行路 13 HANG ROAD

十三行路

性質： 一般馬路 全長： 0.315公里 行車線： 1車道，東向西嘅單行綫。 地區： 廣州市荔灣區 起點： 杉木欄路同長樂路嘅交界 終點： 人民南路嘅仁濟西路口 主要建築： 十三行服裝批發市場 廣州文化公園 新中國大廈

概要

全長315米，闊12米，1車道。成條路係單行綫，凈係可以從東邊向西邊行。

名

呢條馬路係因為清朝中葉嗰時，呢度搞咗半官半商嘅「十三行」呢間外貿仲介機構先至改咗噉嘅名。

所謂「十三行」

内文：廣州十三行

「十三行」之前就係廣州市喺明朝嗰陣嘅一間牙行^[1]嘅名，嗰時重可以嗌「卅六行」都得。到咗清朝嘅康熙廿四年（1685年），由於朝廷喺呢度整咗個粵海關，就要求間牙行團體嚟頂住啲官同外商嘅交流，先至改咗嗌「十三行」嘅民。嗰時嘅牙行就分開改嗮嗌「乜洋行」或「乜行」嘅。而入面負責做嘅嘢就包括咗幫外商嚟搞報關、納稅，同外商搞進出口嘅商品業務，同頂住官方睺實嘅外商活動。嗰時嘅「十三」就唔係凈得13間噉解，因為呢條街最多嗰陣有40——50間，最少嗰陣凈係得4間，而道光十七年就啱好有13間。而行商聚會事嘅十三行商公所遺址，就喺而家嘅十三行路中間嗰度。而1926年廣州市政府要求拆城墻嚟起馬路嗰陣，就將呢條路改咗「十三行路」嘅名重一直用到而家。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 杉木欄路、長樂路
• 興隆北路
• 人民中路、仁濟西路

特色

呢條馬路由於有間十三行服裝批發市場同新中國大廈響度，加上附近又有間文化公園，所以每日喺白天嘅7點半開始一直到晚黑嘅23點到，成日都見到運貨嘅人喺度行。一到咗上落班高峰或節假日，更加係人山人海，甚至重逼到爆咁滯。

攷

• 广州十三行路-广东地名故事
• 十三行路与十三行

註

1. 嗰時嘅「牙行」唔係解釋成鑲牙檔或牙科醫院。