加
From Wikipedia, the free encyclopedia
加係數學運算一種,一般習慣會用「」呢個符號嚟表達,呢個符號又叫做「加號」。加法係四個基本算術運算嘅其中一個(其餘係減、乘同除)。
加法係將兩個量加埋做一個量嚟表示嘅運算。意指將兩組嘅量合併做一組嘅意思。假設左面有個蘋果,右面有個蘋果,將呢兩個量合併一齊,就總共有個蘋果。利用數學式嚟表達,就係。(講法係,三加二等於五。)而兩個數加埋得到嗰個數就叫做「和」(Sum)。
加法除咗係日常生活數下物件之外,喺數學上,可以處理整數、有理數、實數、虛數、向量、矩陣等數學物件。而日常生活嘅加法,係可以應到任何算術,例如分數加法、有向數等,但係去高等數學加法未必係日常加法。
如果利用高等數學嘅角度嚟睇,加法呢個處理有幾個重要嘅代數性質,例如係可溝通性(Commutative),即係話處理加法嘅次序唔影響結果;結合性(Associative),即係話處理多幾個數字,個次序都唔影響結果。又例如話,當你係到數緊物品嘅時候,其實你係進行緊加法,不停咁喺度加。加法嘅相反係減法。如果不停咁加咁多次,咁就係一個乘法。
加法係最簡單嘅數字運算,基本上加法係好多有智慧嘅生物都可以處理,例如世界上最簡單嘅加法,係簡單到連一個五個月大嘅小朋友或者非人類嘅生物都會識做。喺小學階段,基本上人人都會由十進制嘅加法學起,再去學解決其他進階嘅難題。而電腦科學家就研究點樣令到電腦做到加法。