中國廣州道路 From Wikipedia, the free encyclopedia
六二三路(粵拼:luk6 ji6 saam1 lou6)係廣東廣州荔灣區嘅主幹道[未記出處或冇根據]。條路沿住沙基涌北岸(南岸係沙面),路線好似個符號「┏┓」噉,西邊從黃沙大道(珠江隧道口)同叢桂路嘅交界開始,一直向東去到鎮安路、西堤二馬路同沿江西路嘅交界。
![]() |
呢篇文 需要補充更多來源。 |
全長1417.5米,闊20——36米,雙向4車道。馬路嘅南邊重有條內環路接住。
呢條馬路係喺1925年嗰陣,廣州市政府就整咗呢條馬路出嚟。喺改名嗰陣就嗌咗「六月二三路」嘅名。而呢個名係為咗悼念1925年6月23號嘅沙基慘案。
其實呢度之前係個沙基嚟嘅,喺第二次鴉片戰爭嗰陣,由於英國軍隊同法國軍隊一齊殺到廣州,結果就攞咗個沙面出去,而沙基涌嘅北邊就啤啲軍隊睺住嗮,唔畀啲中國人入去。而喺19世紀底,英國同法國嘅軍隊就响依家嘅沙面度起咗一大堆學堂、醫館、印務所同米埠呢啲建築,重越嚟越犀利添。到咗1901年嘅黃沙粵漢鐵路總站落成咗之後後,沙基度重係將廣州城同車站連埋一齊嘅其中一條通道。聽話佢哋唔想被鬼佬闔,結果廣州市政府重話:「如估响沙基度起嘅屋,重要有一定嘅規模先至得。」到咗1902年,英國軍隊重想攞埋沙基嗰度,清政府嘅朝廷話唔畀。
就係噉,到咗1925年6月23號,廣東入面嘅各界代表就去咗東較場度辦咗個五卅慘案大會,喺大會結束咗之後,就爆發咗單遊行示威,大嗌「抗議」都有。就喺嗰日晏晝,喺嶺南大學、坤維女子師範學校、聖心書院、重有執信同廣州第二小學嘅學生、同埋黃埔軍校嘅學生都嚟嗮沙基度,結果就喺沙面嘅西橋隔離嘅域多利酒店(依家係勝利賓館)入面,其中有位鬼佬先用咗手槍,向咗尐遊行隊伍鉼咗第一槍先,後嚟喺已經戒嗮嚴嘅沙面嘅西橋橋腳(沙面入面)度嘅英法軍隊,即刻亂槍猛咁鉼鉼鉼。最後搞到示威隊入面,挾埋有61個人死咗,重有170幾個人受咗傷。
而發生咗呢單慘案之後,喺1925年6月28號嘅國民黨廣州市特別黨部大會入面,其中國民黨嘅左派人士——陳其瑗就話:「唔該廣州市政府將個沙基改名嗌『六月二三路』,好唔好?」結果,呢個名就冇人反對,重通過埋添,所以呢條馬路咪嗌咗「六月二三路」嘅名喇。而「六二三路」嘅名就係喺1926年嗰陣改嘅。[未記出處或冇根據]
呢度啲路嘅順序係從西去到東嚟排嘅,其中加粗咗嘅字係主幹道:
呢條馬路嘅南邊隔條河就睇到個歐陸風情嘅沙面島,北邊重有尐歐陸風格嘅騎樓建築响度。
喺廣州有句歇後語,「沙基睇相,第位」。[1]「沙基」就係喺呢度。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.