公車上書
From Wikipedia, the free encyclopedia
公車上書,即喺公車孝廉連署上書,指康有爲喺大清光緒廿一年(1895年)同埋梁啟超等公車孝廉[註 1]聯名向北京光緒皇帝上書,反對係甲午戰爭輸畀大日本帝國嘅大清政府簽訂喪權辱國嘅《馬關條約》。咁做被認為係維新派登上歷史舞台嘅標志,亦被認為係中國群眾政治運動嘅開端。
根據好多嘅文獻證據,例如茅海建等唔少學者表示,康有爲所謂嘅組織「公車孝廉連署上書」,實則係一次自吹自擂嘅事件,剩係得80人參加連署,唔係好似康有爲話有成千幾人。康有爲嗰時召集到80個廣東人嘅連署。就喺嗰陣時,廣東舉人陳景華嘅上書都有280人嘅連署,遠勝康有爲。真正成功嘅上書,實由嗰時嘅翁同龢、李鴻藻、汪鳴鑾等京城高官發動組織,目的係阻撓簽訂《馬關條約》[1]。