全國民主聯盟

全國民主聯盟（簡稱全民盟，英文：National League for Democracy，縮寫NLD）係緬甸一個政黨，喺1988年9月27號成立，創辦人包括昂季、昂山素姬，目前由昂山素姬做主席兼總書記。

歷史

• 喺1990年國會選舉中，全國民主聯盟喺489個議席中贏得406席，但軍政府唔肯交出權力。
• 喺2001年，緬甸政府容許全國民主聯盟重開國內所有辦事處。但去到2004年又被強行關閉。
• 喺2010年5月6號，全國民主聯盟俾軍政府強行解散。
• 喺2011年12月，全國民主聯盟被允許重新登記註冊並參加選舉^[1]，該黨將會參加2012年舉行嘅緬甸議會補選。美國國務卿希拉莉初次訪問緬甸敦促緬甸改革^[2]。
• 喺2012年緬甸議會補選，全國民主聯盟攞到43席，成為緬甸第二大政黨同最大反對黨。
• 喺2015年緬甸議會選舉，全國民主聯盟喺人民院同民族院分別贏咗255席同135席，攞到緬甸國會嘅控制權。但阿頭昂山素姬仍然受仔女係外國人冇得做總統或者副總統嘅憲法規定限制，於是由佢親信廷覺出任總統，昂山素姬就喺內閣入面做國家顧問。
• 喺2020年緬甸議會選舉，全國民主聯盟喺人民院同民族院分別贏咗258席同138席，攞到緬甸國會嘅控制權，不過軍方指選舉舞弊。2021年2月1號軍方發動政變，扣押國家顧問昂山素姬同總統温敏，緬甸再次俾軍政府統治。

參攷

1. 〈缅甸全国民主联盟将重新登记成为政党〉。原著喺2011年11月24號歸檔。喺2012年10月27號搵到。
2. 缅甸反对派领导人昂山素季将参加大选