也門

也門共和國（簡稱：也門，阿拉伯文：الجمهورية اليمني‎ ）係西南亞國，喺阿拉伯海同埋紅海邊、阿曼同埋沙地阿拉伯之間。1990年5月由阿拉伯也門共和國（北也門）同埋也門民主人民共和國（南也門）併埋。面積52萬8千平方公里，劃分爲21個省同1個直轄市，人口2,980萬，絕大多數係阿拉伯人，官話係阿拉伯話，國教係伊斯蘭教。首都薩那人口295萬7千。

也門旗

嗰度盛行分離主義，成日傳出恐怖襲擊事件，直接或間接令嗰度成為中東地區最窮同埋最危險嘅國之一。

2011年1月，可能係受到喺北非同埋西亞好多國（包括突尼西亞、埃及）發生嘅一系列民主運動影響，也門首都有幾千人參加抗議活動，反對當時嘅薩利赫（阿拉伯文：علي عبد الله صالح）總統。薩利赫喺同年11月宣佈放棄總統權力。

2014年，胡塞組織同也門政府矛盾激化。2015年3月，哈迪（阿拉伯文：عبد ربه منصور هادي）總統領導嘅也門政府流亡沙特阿拉伯。同月沙特阿拉伯、阿聯酋等國組成聯軍介入也門問題，也門局勢升温。2022年2月，聯合國安理會通過第2624號決議，向胡塞組織實施武器禁運等制裁。

出面網頁

• 也門嘅官方網站
• 〈国家概况 — 中华人民共和国外交部〉 (簡體中文)。中華人民共和國外交部。
• 〈葉門共和國 Republic of Yemen - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Yemen - United States Department of State" (英文). 美國國務院.
• 也門喺中央情報局《世界概況》嘅資料 （英文）
• 〈イエメン共和国 ｜ 外務省〉 (日文)。日本外務省（日文：外務省）。
• "Yemen - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.