省

省（粵音：saang²）係一個行政區級別，而家係中華民國同中華人民共和國嘅一級行政區。佢亦係一啲國家，例如加拿大，嘅一級行政區。但「省」唔一定係一級行政區，法國同意大利嘅「省」，就係二級行政區。亦唔係所有國家都有稱為「省」嘅行政區。

「省」亦可以做政府行政機關嘅名，中國隋朝到元朝，同而家嘅日本，就係咁做。

省原本為大隋三省，尚書省、中書省、門下省，亦即皇帝之下，至高統治機關。去到大元中書省下設行中書省，自此省變治國分界。