港鐵車站 From Wikipedia, the free encyclopedia
![]() 九龍塘站觀塘綫2號月台 | |
站名 | |
中文名 | 九龍塘站 |
英文名 | Kowloon Tong Station |
站代碼 | KOT |
基本資訊 | |
座標 | 22.337021°N 114.176168°E |
車站色 | 天藍色 |
途經路線 | 觀塘綫 |
站服務時間 | 0520-0121 尾班車時間 |
接駁交通 | 巴士、小巴 |
車站結構 | |
站類 | 地底/地面 |
月台類 | 1島式月台 2側式月台 |
月台數 | 4 |
出口數 | 11 |
其它設施 | 其它無障礙設施 |
地圖 | |
![]() |
喺兩鐵合併前,呢個站曾分別由九廣鐵路公司(九鐵公司)同埋地鐵公司管理;而喺2007年12月2號兩鐵合併後,九龍塘站嘅九廣東鐵部份,由九廣鐵路公司租畀港鐵公司做鐵路營運之用,並合併成同一個車站管理。
九龍塘站共設有3個地底大堂,其中東鐵綫用北面以及南面大堂,兩者都有轉乘通道連接喺沙福道地底嘅觀塘綫大堂。自兩鐵合併後,原本獨立運作嘅東鐵綫北面大堂、南面大堂同埋觀塘綫大堂嘅轉乘通道劃分成收費區連接,令轉車乘客唔使用閘機轉車。現時設立一條非收費區通道,方便乘客來往東鐵綫北面大堂同埋觀塘綫大堂,但原有觀塘綫大堂嘅非收費區一分為二,乘客喺站內唔可以喺「B出口同C出口」、「A出口同E出口」同埋「D出口」之間相互直接貫通,需要途徑地面通道或入閘往返兩端非收費區。
九龍塘站內提供不同類型嘅商店畀乘客買嘢或食嘢,例如有7-Eleven便利店、OK便利店、萬寧、餅店以及恒生銀行等服務,所有商店主要分佈喺觀塘綫大堂、東鐵綫北面大堂同埋南面大堂嘅收費區內。此外,喺東鐵綫H出口及G出口亦設有幾間商店。由於港鐵收費區入面唔准食嘢,因此大部份食肆都唔喺收費區入面。不過東鐵線範圍亦曾經開過小食店,賣滷水雞髀同腎。
此外,九龍塘站亦有唔少自助服務設施畀乘客用,包括匯豐銀行、恒生銀行同埋中銀香港嘅自動櫃員機、自動售賣機、自動照相機等。車站內更設有香港郵政郵箱以及「iCentre」免費上網服務設施,方便乘客喺車站內寄信同埋上網。車站更設有「e分鐘着數」機,畀乘客登記為港鐵友禮會會員、查閱積分、換領獎賞同埋買互聯網用代幣同埋點數卡。
九龍塘站觀塘綫月台位於沙福道地底,設有1個島式月台,並裝有月台幕門。而東鐵綫則設有兩個地面側式月台,同觀塘綫月台成直角排列。乘客轉車需要通過大堂及轉乘通道。
東鐵綫月台更提供通往地面嘅直接出口(H出口喺東鐵綫1號月台,G出口喺東鐵綫2號月台),喺非收費區設有售票機及客務中心,乘客唔使通過大堂就可以直接到達月台。
東鐵綫 | ||||||||
|
觀塘綫 | ||
黃埔 - 何文田 - 油麻地 - 旺角 - 太子 - 石硤尾 - 九龍塘 - 樂富 - 黃大仙 - 鑽石山 - 彩虹 - 九龍灣 - 牛頭角 - 觀塘 - 藍田 - 油塘 - 調景嶺 |
九龍塘站目前係成個港鐵系統入面第五繁忙嘅車站。由於九龍塘站係東鐵綫同觀塘綫唯一一個轉車站,由朝到晚都有大量新界東部、北部同市區嘅居民喺呢度轉車往來市區同新界。加上車站周邊學校林立,香港城市大學、香港浸會大學同香港專業教育學院都喺附近,所以喺返學放學時間都非常繁忙。車站旁嘅大型購物商場又一城,亦為個站帶嚟唔少人流。以前原地鐵及原九鐵嘅收費區未合併之前,更有唔少非乘客取道車站大堂來往窩打老道一邊同又一城一邊,但收費區合併後呢啲人流需要改用車站外嘅地面通道及行人天橋。2009年8月16號後,由於尖東站變成西鐵綫中途站,原本可以搭東鐵綫直達尖東站嘅新界東乘客,要喺紅磡站轉西鐵綫先可以去到尖東站,令部分北區居民改用本站過海,相信人流亦因此而有所增加。
前地鐵部分嘅九龍塘站響1979年10月1號隨修正早期系統石硤尾至觀塘段通車而啟用。由於當時九廣鐵路(英段)重未電氣化,現名香港城市大學嘅香港城市理工學院又未成立,嗰個站喺地鐵通車初期人流較為冷清,當時嗰個站最大客源係來往沙田居民以及喺廣播道返工嘅人。
隨住九廣鐵路(英段)電氣化完工,前九鐵部分嘅九龍塘站亦於1982年5月4號啟用,九龍塘站建立目的係作為連接前地鐵系統嘅轉車站。及後沙田,大埔同埋北區嘅新市鎮開發,唔少市民都紛紛搬入新市鎮,用九龍塘站嘅人越來越多,並開始出現飽和。九鐵分別喺1995年及2004年為車站進行改善工程。
全新嘅九龍塘轉車通道工程由九鐵同地鐵合作,2001年8月開始起,並喺2004年4月15號正式啟用,並分別配合兩鐵九龍塘站嘅改善工程。通道總長60米,由九鐵月台行去地鐵站只需約90秒,比以前大概快半分鐘。搭東鐵轉地鐵嘅市民,可以由往紅磡方向列車嘅第2卡位置,直接經新通道到達地鐵站,避免出現第5卡出口過分擠迫,當時當局預計會有3成轉車乘客選用新通道,即7000人次,可足以應付未來15年嘅需求。新通道亦設有多間商店。擴建計劃,除咗轉乘新通道外,重整多一個新大堂,面積約1,800平方米,以及喺多福道增設新出口,成個工程耗資2.8億元。
地鐵方面就耗資1億幾萬元擴建九龍塘站大堂以及提供相關嘅新設施,包括喺近D出入口嘅大堂裝置12部出入閘機、1部闊閘機,以及喺轉乘通道增設4間商店。此外,喺該站E出入口亦增設一部畀乘客用嘅地面升降機,預備將來接連位於交通交匯處上嘅教育署辦公大樓。
同時,新轉乘通道亦裝上一幅叫做「8乘8」嘅巨型壁畫,係地鐵車站藝術建築計劃嘅項目之一。嗰幅由12塊玻璃搪瓷板組成嘅壁畫係由本地藝術家李秉罡先生以電腦繪畫設計,創作意念源自中國古典書籍《易經》。
自九廣東鐵尖沙咀支綫喺2004年10月通車後,九龍塘站嘅轉乘人流得以分流到東鐵尖東站。因為尖東站只能方便去九龍南部及香港島嘅乘客,未能惠及往返九龍東西部嘅乘客。加上轉乘時間較短(尖東站轉荃灣綫要行5-10分鐘)、車費較平等原因,唔少乘客繼續喺九龍塘站轉東鐵綫。當九龍南綫喺2009年8月16號通車之後,原本可以搭東鐵綫直達尖東站嘅新界東乘客,要喺紅磡站轉多次車先去到尖東站,令本站嘅轉乘人流增加番。
月台 | 方向 | 列車班次(分鐘) | 頭班車 | 尾班車 | |||||
---|---|---|---|---|---|---|---|---|---|
平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
![]() |
|||||||||
![]() |
|||||||||
![]() |
|||||||||
![]() |
|||||||||
![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.