From Wikipedia, the free encyclopedia
呢篇文 需要補充更多來源。 |
![]() |
三藩市同埋縣 City and County of San Francisco | |
![]() 市旗 | ![]() 市徽 |
別名:舊金山、金門城市 | |
![]() | |
國家 | 美國 |
州份 | 加利福尼亞州 |
建城日期 | 1850年4月15號 |
現任市長 | Edwin M. Lee[1] |
面積 - 水面積 |
600.7平方公里 - 479.7平方公里,79.86% |
人口 -總人口(2000年) -人口密度 |
776,733 6,423.2/平方公里 |
時區 | UTC-8 |
位置 -經度 -緯度 |
122°26′W 37°46′N |
三藩市人口喺美國排第十四同埋喺加州排第四。城市喺三藩市半島北角同埋係三藩市灣區嘅中心,西邊對住太平洋,東邊同北邊對住三藩市灣。
公元前3000年已經有印第安人住喺家下三藩市嘅地區,但係到1769年先有西班牙人發現呢度。1821年墨西哥從西班牙獨立之後呢度由墨西哥管。美墨戰爭期間美國海軍起個加州共和國(或者叫熊旗共和國)。
三藩市喺加州主要嘅地震區。歷史上最大地震喺1906年,喺1851年、1858年、1865年、1868年同1989年都發生過大型地震。最近嘅地震喺2014年。
市區係典型嘅丘陵地帶,城內多上落斜嘅街道。市內有三個最出名嘅山坡:Nob Hill、Russian Hill同埋Telegraph Hill。
三藩市人口喺2000年科技泡沫期間去到最高點,有776,733人。三藩市每平方英里16,000人嘅人口密度係全美國大城市第二高,僅次於紐約市。三藩市係三藩市灣區傳統上嘅商業文化中心,亦係「聖荷西—三藩市—奧克蘭」綜合統計區嘅構成部份之一,總人口有超過700萬人,喺2000年美國人口普查嗰時係第五大嘅統計區。
三藩市係一個以少數族裔佔多數嘅城市,因為非拉丁裔白人少過44%嘅總人口;亞裔(大部份係華裔)佔咗總人口31%;各拉丁裔族群總共佔總人口14%;非洲裔佔總人口8%,少過全美國非裔人口比例。成世都住喺三藩市嘅市民唔多,只有35%嘅市民喺加州出世,而有39%嘅市民喺外國出世。
三藩市有全美國各個縣之中最高比例嘅同性伴侶家庭,三藩市灣區亦有比美國其他都會區高嘅同性伴侶家庭比例。男同性戀多過女同性戀;據估計,五個35歲以上嘅男性人口就有一個係同性戀。
三藩市家庭喺2005年嘅每年收入中位數係$5萬7496,係全美國大城市之中排第五高。同美國其他地方趨勢一樣,中收入家庭嘅向外遷移造成三藩市唔小貧富差距,同時亦造成兒童僅佔14.5%嘅人口比例,比美國其他大城市都少。但係,三藩市得7.8%嘅家庭生活喺貧窮線之下,比全國平均少,亦係喺人口普查局統計之中最少嘅大城市之一。
流氓係三藩市自1980年代起經常面對嘅問題之一,亦係個具有爭議性嘅問題。一般相信三藩市係美國大城市之中流氓比例最高嘅城市。2003年嘅刑案同埋產物案犯罪率係每10萬人各有742和4943件,比全國平均要高。三藩市喺呢兩個犯罪案統計喺美國50大城市之中分別排第32同埋第38名。
三藩市各個區域都有唔同嘅文化風格:
華人集中地,就好似中國嘅「街市」(準確啲講係似「菜市場」),但係每日都有好多遊客光臨。
卡斯特羅區,全球最著名嘅同性戀聚腳地,類似紐約嘅格林尼治村。
二十世紀六零年代嬉皮士嘅發源地。
工業區,非常暖和。
三藩市市內陽光最燦爛嘅地方,原先主要係墨西哥餐館同酒吧,而家已經有唔少世界著名嘅各式餐館,重有好多嚟自南美,講西班牙話嘅墨西哥人,據聞,為數唔少係非法移民。
三藩市同志驕傲大遊行,每年六月第四個星期日,喺三藩市市區嘅市場街(Market St.)會舉行同志大遊行,係三藩市最熱門嘅觀光活動。
啲屋大多數係維多利亞式嘅大型住宅,居民一般都好後生。
意大利區同唐人街旁邊嘅區域,最著名係一家大蒜餐館(The Stinking Rose),所有菜餚都有大量嘅蒜。
同Nob Hill一樣係全市最貴嘅住宅區,可以睇到三藩市嘅全景。
工業區附近,山上可以睇到海灣橋同對岸奧克蘭嘅部分港口。
市場街以南地區,酒吧,俱樂部同藝術家集中地,有好多貴嘅新建公寓。
俄羅斯,阿拉伯,而呢個區有一條華人聚居嘅街道叫克萊門街(Clement Street),所以呢個區又畀人稱為「新華埠」。同日落區分割嘅係金門公園,同佢分隔嘅係海洋海濱.
有人認為落日區係新興嘅唐人街,因為呢度商店大多係中國店,而且亦有好多華僑同埋華裔居民。呢個區係喺二次大戰左右建設,而家重有好多喺30年代或40年代就搬入嚟嘅退休人士。
市內最窮亂嘅區,有好多成人商店同電影院。路上成日見到醉酒佬,道友同乞衣,同時亦係各類罪案嘅溫床。但佢位於旅遊區同商業區嘅側邊,財富差別非常明顯驚人。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.