提示:呢篇文講嘅唔係
β。
ß(大階:ẞ)係個拉丁字母,德文專用,佢係所謂 「長 s」(ſ )同所謂 「短 s」(s)嘅連結字,但係因為喺古黑體,當兩種細楷 s 連寫嘅時候個短 s 會斬半,變成同細楷 z 一樣樣,所以成日被人以為係 sz 嘅連結字[1]:18,21,而今喺德文 sz 亦都變咗個字母嘅其中一個名。
個字母原本冇大楷,寫大楷就要將連結字拆返開,寫 SS[2];2017年德文嘅正字管理局(德文:Rat für deutsche Rechtscheibung)通過 ß 可以寫大楷[3]。