龍雲

龍雲（1884年11月19號—1962年6月27號）原名登雲，字誌舟，彜族人，彜族名納吉鳥梯。喺雲南昭通出世。係中華民國嘅政治同軍事人物，雲南地方軍閥嘅舊首領，做過中華民國雲南省政府主席，主政雲南17年，被稱為「雲南王」。

龍雲
龍雲將軍
出世	1884年11月19號 大清雲南昭通
死	1962年6月27號 北京市
職業	雲南都督侍衛隊長 滇軍第五軍軍長 國民革命軍第三十八軍軍長 雲南講武堂校長 中華民國雲南省主席 國民黨中央軍事參議院院長 國民黨中央戰略顧問委員會副主任 中華人民共和國西南軍政委員會副主席 中華人民共和國中央人民政府國防委員會副主席 民革中央副主席 中國人民政治協商會議第五屆全國委員會常務委員
出名原因	「二六政變」嘅發動者
配偶	阿夙夫人（元配，1882-1918）

保護西南聯大

龍雲主政雲南17年期間，畀咗雲南境內知識份子批評中央嘅言論自由，亦保護西南聯大嘅學術自由，《炎黃春秋》雜誌寫道：

西南聯大所以被稱為民主堡壘，其原因是多方面的……但還有一個必不可少的客觀有利條件，這就是聯大地處雲南昆明，而當時雲南省主席龍雲對愛國民主運動持比較開明的態度，他自己也於1944年秘密加入民主同盟。有人說：如果西南聯大在四川或其它蔣介石可以直接控制的地方，西南聯大就不可能保持學術自由、兼容並包的原則，也不可能成為民主堡壘。這句話是符合實際的^[1]。

打成右派

喺1957年嘅反右運動中，龍雲因為批判時事，對中共嘅老大哥蘇聯嘅專制嚴厲批評，被劃為右派份子，亦被列為中國少數民族出名嘅六大右派分子（龍雲〈彜族〉、黃現璠〈壯族〉、歐百川〈苗族〉、馬松亭〈回族〉、向達〈土家族〉、王毅齋〈回族〉）之首^[2]，1962年6月27號喺北京市病逝，死嗰時78歲。

註

1. 〈黎勤、李淩：《龍雲與民主堡壘西南聯大》，載《炎黃春秋》—2005年第4期〉。原著喺2016年3月6號歸檔。喺2013年8月3號搵到。
2. 〈龍雲/2011-12-30 - 雲南省人民政府門戶網站/www.yn.gov.cn〉。原著喺2013-09-13歸檔。喺2013-08-03搵到。

出面網頁

• 雲南王龍雲的被困同出逃 / 貴州都市報數字報-2011年10月17日