畀人飲嘅液體食品 From Wikipedia, the free encyclopedia
飲品(粵拼:jam2 ban2),兩廣同海南叫飲料(jam2 liu5)、嘢飲(je5 jam2),係指經過加工製成適合人飲用嘅液體,例如:水、奶、汽水、酒等,主要係用嚟滿足人體機能正常需要,包括:解渴、提供營養、提神等。生物學嚟講飲品係種唔需要用牙噍嘅流質食物。人類必需倚靠水份維持生命,唔飲一個禮拜就死,人淨飲嘢唔食嘢都可以挨一個月。
粵語原本無「嘢飲」爾個詞,而今爾個詞亦未喺香港以外嘅地區廣泛使用。爾個詞係近年香港地區部分人對「買嘢飲」等謂+賓+補語語法結構進行「重新分析」得到嘅詞語。爾種「重新分析」喺中文發展史上都好常見[1]。