許正宇

許正宇，JP^[1]（英文：Christopher Hui Ching-yu，1976年—）係香港政府財經事務及庫務局局長，金融發展局前任行政總監。2008年加入民建聯。籍貫福建省泉州晉江市。

許正宇
出生日	1976年
職業	政治人
[改維基數據]
睇 傾 改

簡歷

許正宇持有英國牛津大學哲學、政治及經濟系榮譽學士同碩士學位、INSEAD（英文：INSEAD）工商管理碩士學位，亦參與史丹福大學行政人員培訓課程。喺1999年至2003年期間出任特區政府政務主任（中文：政務主任），曾經被調派到經濟發展科、香港特區政府駐北京辦事處同民政事務總署服務。喺2003年離開政府後曾任職銀行界，其後喺香港交易所工作長達十幾年，並自2019年開始出任香港金融發展局行政總監。

2020年4月22號畀國務院根據行政長官林鄭月娥嘅提名同建議任命為財經事務及庫務局局長^[2][3]，接替被免職嘅原局長劉怡翔。

屋企

許正宇響一個有錢嘅左派屋企出世，阿爸許宏全1968年喺廈門大學化學系畢業，係一名老師，亦都係文革先鋒，喺左派社團入面好有名氣。響1970至74年間喺福建寧德市工業局做中共幹部，曾經被人懷疑係中共黨員。1974年許宏全放棄咗做中共幹部，去咗香港做生果檔小販。不過《壹週刊》喺2008年訪問過佢五伯許宏點，佢話當年許宏全係「共產黨派佢落嚟香港搞文革、搞政治，佢做小販純粹係為咗生存同掩飾」^[4]。後嚟許正宇轉到貿易公司做嘢，仲先後到廣州同福建設廠。

許正宇阿媽曾敏麗曾經響北角開金舖，都算有錢。

許正宇家姐係民政事務局已故前副局長許曉暉^[5]。

許正宇老婆陳妍妮任職高盛亞洲區董事總經理^[6]。

參考

1. 〈第2228號公告 太平紳士條例 (第510章)〉 (PDF) (新聞稿) (繁體中文)。香港政府憲報。2020年5月8號。
2. 〈国务院任免香港特别行政区政府主要官员〉 (簡體中文)。中華人民共和國國務院。2020年4月22號。
3. 〈政府公布主要官員任免（附圖）〉 (繁體中文)。香港特別行政區政府新聞公報。2020年4月22號。
4. 〈根正苗紅 作風甚左 父為文革先鋒 許曉暉掌管文化局恐赤化〉。《蘋果日報 (香港)》。原著喺2017-03-05歸檔。喺2020-04-30搵到。
5. 鄭寶生 (2020-04-21)。〈傳金發局行政總監許曉暉胞弟掌財庫局〉。《香港01》 (香港中文)。
6. 周偉強, 陳信熙 (2020-04-22)。〈新任財庫局長許正宇身家豐厚 與父擁豪宅 母曾於北角經營金行〉。《香港01》 (香港中文)。喺2020-04-30搵到。

出面網頁

• 〈財經事務及庫務局 : 財經事務及庫務局局長簡歷〉 (繁體中文)。財經事務及庫務局。
• GovHK 香港政府一站通：財經事務及庫務局局長 許正宇
• 行政會議 - 行政會議成員 - 財經事務及庫務局局長 許正宇
• 許正宇嘅Instagram頁