袁術

袁術（粵拼：jyun4 seot6；？年—199年），字公路gung1 lou6，汝南汝陽（而家嘅河南商水）人^[1]。佢係東漢末年嘅軍閥豪強，亦都係號稱「四世三公」嘅大族汝南袁氏嘅族人，河北軍閥袁紹嘅細佬。袁術最初喺南陽割據，後尾搬咗去淮南。佢之後僭號稱帝，建立仲氏政權，但係得唔到任何支持，反而俾其他勢力圍剿，最後因為抑鬱而嘔血死咗。

袁術
袁術喺後世嘅畫像
仲家 皇帝
生	？年
死	199年
活躍時期	？～199年
仔女	袁曜
遞啲名
字	公路

生平

早年

袁術年輕嗰時曾經被舉為孝廉，做過郎中、河南尹、折衝校尉同埋虎賁中郎將^[2][3]。大將軍何進俾宦官殺咗之後，袁術帶領虎賁軍圍攻南宮，並且燒咗嘉德殿嘅青鎖門，諗住逼宦官段珪出宮^[4]。董卓入咗洛陽之後，諗住將少帝廢咗。佢表袁術做後將軍，點知袁術反而驚到走咗去南陽度避禍。嗰時長沙太守孫堅咁啱好殺咗原本嘅南陽太守張咨，並且帶兵投靠袁術，袁術就咁成為咗南陽嘅新主人，荊州牧劉表見到之後舉薦袁術做南陽太守^[5]。南陽原本有百萬戶人，但係袁術唔制訂法律，仲靠打劫嚟攞物資，佢嘅行為令好多百姓唔鍾意佢^[6]。

逐鹿中原

袁紹諗住立宗室幽州牧劉虞做皇帝，嚟同董卓抗爭，但喺袁術唔願意見到成年嘅漢朝皇帝，於是用正義嘅說詞拒絕咗袁紹嘅提議^[7]，兩兄弟就咁樣翻咗面^[8]。袁術派孫堅進攻董卓嗰時，袁紹搵咗會稽嘅周昕做豫州刺史，諗住搶孫堅嘅地盤，點知周昕畀袁術做低咗^[9][10]。由於豪傑大多都選擇依附袁紹，袁術於是鬧其他人寧願跟「家奴」（指庶出嘅同父亞哥袁紹）都唔跟自己，利寫信畀幽州嘅公孫瓚話袁紹唔喺袁氏子孫，袁紹知道之後十分之嬲^[11]。呢個時候，漢獻帝派劉虞個仔劉和去搵劉虞，叫佢派兵嚟救自己。但係劉和喺經過南陽嗰時俾袁術扣留，袁術趁機向劉虞勒索咗幾千騎兵，公孫瓚見勸唔到劉虞，為咗避免畀袁術怨恨，於是派咗自己嘅堂細佬公孫越去幫袁術，並且勸袁術搶走嗰啲兵馬^[12]。冇耐公孫越喺袁紹引發嘅豫州爭奪戰入面戰死，公孫瓚因此同袁紹結仇，並且出兵攻打袁紹^[13]。袁術同北方嘅公孫瓚、平原相劉備同埋徐州刺史陶謙結盟，袁紹為咗對抗袁術亦都拉攏咗荊州嘅劉表結盟^[14]。之後袁術派孫堅去攻打劉表，但係孫堅戰死咗^[15]。袁術又聯合朝廷任命嘅兗州刺史金尚攻打曹操嘅兗州，但喺匡亭俾袁紹同埋曹操做低咗^[16]。

退守淮南

袁術輸咗之後撤退到雍丘，之後又帶領部下前往九江郡，並且殺咗朝廷任命嘅揚州刺史陳溫^[17]。袁術向南方嘅壽春行軍，但喺佢任命嘅揚州刺史陳瑀唔肯接納佢哋，袁術於是退守陰陵，陳瑀因此冇即刻攻打袁術，袁術於是喺淮北聚集軍隊，準備攻打壽春。陳瑀好驚，派細佬陳琮向袁術求和，點知陳琮反而畀袁術扣留，陳瑀嚇到走咗去下邳^[18]。期間袁術從袁紹嗰度搶嚟嘅沛國畀陶謙搶走咗，而袁術又兼稱徐州伯^[19]，似乎已經同陶謙決裂。李傕攻入長安之後，諗住親近袁術，於是派馬日磾封佢做左將軍、假節，進封陽翟侯，點知袁術居然搶咗馬日磾嘅符節，仲逼馬日磾幫自己做嘢^[20][21]。195年，袁術嘅部曲追擊曹操，曹操匿入秦伯南嘅屋企。袁術嘅士兵問秦伯南曹操喺邊度，秦伯南話自己就係曹操，因此俾追兵殺害^[22]。建安元年（196年），袁術從徐州廣陵郡出兵攻打徐州牧劉備，一開始劉備喺盱眙同埋淮陰抵抗袁術^[23]。後尾劉備嘅手下曹豹反叛，搵咗投靠劉備冇幾耐嘅呂布攻佔下邳，袁術順勢將劉備做低^[24]。袁術之後舉薦吳景做廣陵太守，並且挑動呂布嘅手下郝萌發動叛變，但叛變最後俾呂布鎮壓^[25]。呂布畀兵敗嘅劉備駐守小沛，防止袁術北上嚟打自己。後尾袁術又派紀靈攻打劉備，最後喺呂布嘅調停下，紀靈選擇撤退^[26]。

潛號稱帝

袁術利用五德終始說作為依據，又認為神秘讖緯預言「代漢者當塗高」對應咗自己嘅表字「公路」，加上佢之前從孫堅度勒索返嚟嘅傳國玉璽，都成為咗佢稱帝嘅理由^[27]。197年，袁術喺壽春僭號稱帝，建號仲家。佢喺自己首都九江設置淮南尹，任命自己嘅文武官員，並且喺南北郊起咗自己家族嘅祠堂^[28][29]。但係袁術稱帝並冇得到其他諸侯嘅支持，反而令到其他諸侯感到反感，好快袁術就成為咗眾矢之的，畀孫策、呂布、曹操、劉備等勢力叛盟同埋攻擊。孫策寫信鬧袁術，並且宣布脫離袁術獨立，趕走咗袁術任命嘅丹楊太守袁胤^[30]。孫策嘅舅父廣陵太守吳景同埋堂兄九江太守孫賁亦都脫離袁術加入孫策，袁術就咁失去咗廣陵同埋江東嘅大片土地。呂布拒絕幫助袁術而殺咗袁術派嚟嘅使者韓胤^[31]，並且做低咗諗住報復嘅袁術軍^[32]。之後袁術又派人刺殺咗漢室陳王劉寵同埋陳國相駱俊，併吞咗陳國^[33]，結果俾曹操大軍做低，袁術只好走返去淮南^[34]。

自取滅亡

建安二年（197年）秋天，江淮發生飢荒，周圍都可以見到人食人嘅情況^[35]。但袁術冇改變自己奢侈嘅生活作風，佢嘅後宮着住華麗嘅衫褲、佢食住珍貴嘅肉食，完全唔理喺度挨餓受凍嘅士兵^[36]。建安三年（198年）冬天，呂布俾曹操攻打，佢派許汜同埋王楷搵袁術求救，但袁術由於之前畀呂布叛盟而唔肯幫手，後尾喺許汜同埋王楷嘅勸說下先至肯出兵幫，呂布亦都諗住將個女送到袁術嗰度，但係由於畀曹操阻攔而冇做到^[37]。建安四年（199年），袁術因為食晒所有糧食而諗住投靠喺灊山屯兵嘅部下雷薄同埋陳蘭，畀佢哋拒絕咗。之後表術又諗住將帝號送畀擁有北方四州嘅袁紹，並且去投靠袁紹嘅大仔、時任青州刺史袁譚，但袁術俾曹操派嚟嘅劉備趕走咗，只好返去壽春。到咗江亭之後，袁術只淨低三十斛嘅麥屑。嗰時天氣好熱，佢想飲蜜水，但搵唔到蜂蜜。袁術坐喺床上歎息咗好耐，大聲叫到：「我袁術點解會落得咁樣嘅下場！」冇耐佢就因為抑鬱而嘔血死咗^[38][39][40]。

屋企

袁術係東漢號稱「四世三公」嘅大族汝南袁氏嘅族人，司空袁逢嘅嫡仔。由於佢同父異母嘅庶兄袁紹係伯父袁成嘅嗣仔^[41]，因此大部分史書都將袁術當成袁紹嘅堂細佬，但其實兩人喺血緣上係同父異母嘅親兄弟^[42]。

參攷

引用

1. 《後漢書·卷七十五·劉焉袁術呂布列傳》：袁術字公路，汝南汝陽人
2. 《三國志·魏書六·董二袁劉傳》：舉孝廉，除郎中，歷職內外，後爲折衝校尉、虎賁中郎將。
3. 《後漢書·卷七十五·劉焉袁術呂布列傳》：舉孝廉，累遷至河南尹、虎賁中郎將。
4. 《後漢書·卷六十九·竇何列傳》：袁術與匡共斫攻之，中黃門持兵守閤。會日暮，術因燒南宮九龍門及東西宮，欲以脅出讓等。
5. 《後漢書·卷七十五·劉焉袁術呂布列傳》：會長沙太守孫堅殺南陽太守張諮，引兵從術。劉表上術為南陽太守
6. 《三國志·魏書六·董二袁劉傳》：董卓之將廢帝，以術爲後將軍；術亦畏卓之禍，出奔南陽。會長沙太守孫堅殺南陽太守張咨，術得據其郡。南陽戶口數百萬，而術奢淫肆欲，徵斂無度，百姓苦之。
7. 《吳書》：時議者以靈帝失道，使天下叛亂，少帝幼弱，爲賊臣所立，又不識母氏所出。幽州牧劉虞宿有德望，紹等欲立之以安當時，使人報術。術觀漢室衰陵，陰懷異志，故外託公義以拒紹。紹復與術書曰：「前與韓文節共建永世之道，欲海內見再興之主。今西名有幼君，無血脉之屬，公卿以下皆媚事卓，安可復信！但當使兵往屯關要，皆自蹙死於西。東立聖君，太平可冀，如何有疑！又室家見戮，不念子胥，可復北靣乎？違天不祥，願詳思之。」術荅曰：「聖主聦叡，有周成之質。賊卓因危亂之際，威服百寮，此乃漢家小厄之會。亂尚未厭，復欲興之。乃云今主『無血脉之屬』，豈不誣乎！先人以來，弈世相承，忠義爲先。太傅公仁慈惻隱，雖知賊卓必爲禍害，以信徇義，不忍去也。門戶滅絕，死亡流漫，幸蒙遠近來相赴助，不因此時上討國賊，下刷家恥，而圖於此，非所聞也。又曰『室家見戮，可復北靣』，此卓所爲，豈國家哉？君命，天也，天不可讎，況非君命乎！慺慺赤心，志在滅卓，不識其他。」
8. 《後漢書·卷七十五·劉焉袁術呂布列傳》紹議欲立劉虞為帝，術好放縱，憚立長君，託以公義不肯同，積此釁隙遂成。
9. 《三國志·吳書一·破虜討逆傳》注引《吳錄》、《會稽典録》：袁紹遣會稽周㬂爲豫州刺史，來襲取州……後與堅爭豫州，屢戰失利。會次兄九江太守昂爲袁術所攻，㬂往助之。軍敗
10. 《後漢書·卷七十五·劉焉袁術呂布列傳》:術從兄紹因堅討卓未反，遠，遣其將會稽周昕奪堅豫州。術怒，擊昕走之。
11. 《後漢書·卷七十五·劉焉袁術呂布列傳》:。豪桀多附於紹，術怒曰：「群豎不吾從，而從吾家奴乎！」又與公孫瓚書，雲紹非袁氏子，紹聞大怒。
12. 《三國志·魏書八·二公孫陶四張傳》:天子思東歸，使和偽逃卓，潛出武關詣虞，令將兵來迎。和道經袁術，為說天子意。術利虞為援，留和不遣，許兵至俱西，令和為書與虞。虞得和書，乃遣數千騎詣和。瓚知術有異志，不欲遣兵，止虞，虞不可。瓚懼術聞而怨之，亦遣其從弟越將千騎詣術以自結，而陰教術執和，奪其兵。
13. 《三國志·魏書八·二公孫陶四張傳》:是時，術遣孫堅屯陽城拒卓，紹使周昂奪其處。術遣越與堅攻昂，不勝，越為流矢所中死。瓚怒曰：「余弟死，禍起於紹。」遂出軍屯磐河，將以報紹。
14. 《後漢書·卷七十五·劉焉袁術呂布列傳》:乃各外交黨援，以相圖謀，術結公孫瓚，而紹連劉表。
15. 《後漢書·卷七十五·劉焉袁術呂布列傳》:初平三年，術遣孫堅擊劉表於襄陽，堅戰死。
16. 《三國志·魏書六·董二袁劉傳》:引軍入陳留。太祖與紹合擊，大破術軍。
17. 《三國志·魏書六·董二袁劉傳》：術以餘衆奔九江，殺楊州刺史陳溫，領其州。
18. 《英雄記》：袁術更用陳瑀爲楊州。瑀字公瑋，下邳人。瑀旣領州，而術敗於封丘，南向壽春，瑀拒術不納。術退保陰陵，更合軍攻瑀，瑀懼走歸下邳。
19. 《後漢書·卷七十五·劉焉袁術呂布列傳》：又兼稱徐州伯。
20. 《三國志·魏書六·董二袁劉傳》：李傕入長安，欲結術爲援，以術爲左將軍，封陽翟侯，假節，遣太傅馬日磾因循行拜授。術奪日磾節，拘留不遣。
21. 《獻帝春秋》：術從日磾借節觀之，因奪不還，備軍中千餘人，使促辟之。日磾謂術曰：「卿家先世諸公，辟士云何，而言促之，謂公府掾可劫得乎！」從術求去，而術留之不遣；旣以失節屈辱，憂恚而死。
22. 《魏略》：興平末，袁術部黨與太祖攻劫，太祖出，為寇所追，走入秦氏，伯南開門受之。寇問太祖所在，答云「我是也。」遂害之。
23. 《三國志·先主傳》：袁術來攻先主，先主拒之於盱眙、淮陰。
24. 《英雄記》：陶謙故將曹豹在下邳，張飛欲殺之。豹眾堅營自守，使人招呂布。布取下邳，張飛敗走。備聞之，引兵還，比至下邳，兵潰。收散卒東取廣陵，與袁術戰，又敗。
25. 《英雄記》：建安元年六月夜半時，布將河內郝萌反，將兵入布所治下邳府，詣廳事閤外，同聲大呼攻閤，閤堅不得入。布不知反者爲誰，直牽婦，科頭袒衣，相將從溷上排壁出，詣都督高順營，直排順門入。順問：「將軍有所隱不？」布言「河內兒聲」。順言「此郝萌也」。順即嚴兵入府，弓弩並射萌衆；萌衆亂走，天明還故營。萌將曹性反萌，與對戰，萌刺傷性，性斫萌一臂。順斫萌首，牀輿性，送詣布。布問性，言「萌受袁術謀，謀者悉誰？」性言「陳宮同謀。」時宮在坐上，靣赤，傍人悉覺之。布以宮大將，不問也。性言「萌常以此問，性言呂將軍大將有神，不可擊也，不意萌狂惑不止。」布謂性曰：「卿健兒也！」善養視之。創愈，使安撫萌故營，領其衆。
26. 《三國志·魏書七·呂布臧洪傳》：術遣將紀靈等步騎三萬攻備，備求救於布。布諸將謂布曰：「將軍常欲殺備，今可假手於術。」布曰：「不然。術若破備，則北連太山諸將，吾爲在術圍中，不得不救也。」便嚴步兵千、騎二百，馳往赴備。靈等聞布至，皆斂兵不敢復攻。布於沛西南一里安屯，遣鈴下請靈等，靈等亦請布共飲食。布謂靈等曰：「玄德，布弟也。弟爲諸君所困，故來救之。布性不喜合鬬，但喜解鬬耳。」布令門候於營門中舉一隻戟，布言：「諸君觀布射戟小支，一發中者諸君當解去，不中可留決鬬。」布舉弓射戟，正中小支。諸將皆驚，言「將軍天威也」！明日復歡會，然後各罷。
27. 《資治通鑑.卷六十二.漢紀五十四》：袁術以讖言「代漢者當塗高」，自云名字應之。又以袁氏出陳，為舜後，以黃代赤，德運之次，遂有偕逆之謀。聞孫堅得傳國璽，拘堅妻而奪之。
28. 《三國志·魏書六·董二袁劉傳》：用河內張烱之符命，遂僭號，以九江太守爲淮南尹。置公卿，祠南北郊。
29. 《後漢書·劉焉袁術呂布列傳》：建安二年，因河內張烱符命，遂果僭號，自稱仲家。以九江太守為淮南尹，置公卿百官，郊祀天地
30. 《三國志·吳書二·破虜討逆傳傳》時袁術僭號，策以書責而絶之。
31. 《三國志·魏書七·呂布臧洪傳》：術遣使韓胤以僭號議告布，并求迎婦。沛相陳珪恐術、布成婚，則徐、揚合從，將爲國難，於是往說布曰：「曹公奉迎天子，輔讚國政，威靈命世，將征四海，將軍宜與恊同策謀，圖太山之安。今與術結婚，受天下不義之名，必有累卵之危。」布亦怨術初不己受也，女已在塗，追還絕婚，械送韓胤，梟首許市。
32. 《三國志·魏書七·呂布臧洪傳》：術怒，與韓暹、楊奉等連勢，遣大將張勳攻布。布謂珪曰：「今致術軍，卿之由也，爲之柰何？」珪曰：「暹、奉與術，卒合之軍耳，策謀不素定，不能相維持，子登策之，比之連雞，勢不俱棲，可解離也。」布用珪策，遣人說暹、奉，使與己并力共擊術軍，軍資所有，悉許暹、奉。於是暹、奉從之，勳大破敗。
33. 《資治通鑑.卷六十二.漢紀五十四》：初，陳王寵有勇，善弩射。黃巾賊起，寵治兵自守，國人畏之，不敢離叛。國相會稽駱俊素有威恩，是時王侯無復租祿，而數見虜奪，或并日而食，轉死溝壑，而陳獨富強，鄰郡人多歸之，有眾十餘萬。及州郡兵起，寵率眾屯陽夏，自稱輔漢大將軍。袁術求糧於陳，駱俊拒絕之，術忿恚，遣客詐殺俊及寵，陳由是破敗。
34. 《資治通鑑.卷五十九.漢紀五十一》：秋，九月，司空曹操東征袁術。術聞操來，棄軍走，留其將橋蕤等於蘄陽以拒操；操擊破蕤等，皆斬之。術走渡淮
35. 《後漢書·卷七十五·劉焉袁術呂布列傳》：加天旱歲荒，士民凍餒，江、淮間相食殆盡。
36. 《後漢書·卷七十五·劉焉袁術呂布列傳》：術雖矜名尚奇，而天性驕肆，尊己陵物。及竊偽號，淫侈滋甚，媵禦數百，無不兼羅紈，厭梁肉，自下飢困，莫之簡卹。
37. 《英雄記》：布遣許汜、王楷告急於術。術曰：「布不與我女，理自當敗，何爲復來相聞邪？」汜、楷曰：「明上今不救布，爲自敗耳！布破，明上亦破也。」術時僭號，故呼爲明上。術乃嚴兵爲布作聲援。布恐術爲女不至，故不遣兵救也，以緜纏女身，縛著馬上，夜自送女出與術，與太祖守兵相觸，格射不得過，復還城。
38. 《三國志·魏書六·董二袁劉傳》：奔其部曲雷薄、陳蘭於灊山，復爲所拒，憂懼不知所出。將歸帝號於紹，欲至青州從袁譚，發病道死。
39. 《吳書》：術旣爲雷薄等所拒，留住三日，士衆絕糧，乃還至江亭，去壽春八十里。問廚下，尚有麥屑三十斛。時盛暑，欲得蜜漿，又無蜜。坐櫺牀上，歎息良久，乃大咤曰：「袁術至於此乎！」因頓伏牀下，嘔血斗餘，遂死。
40. 《資治通鑑.卷六十三.漢紀五十五》：袁術既稱帝，淫侈滋甚，媵御數百，無不兼羅紈，厭粱肉，自下饑困，莫之收恤。既而資實空盡，不能自立，乃燒宮室，奔其部曲陳簡、雷薄於灊山，復為簡等所拒，遂大窮，士卒散走，憂懣不知所為。乃遣使歸帝號於從兄紹曰：「祿去漢室久矣！袁氏受命當王，符瑞炳然。今君擁有四州，人戶百萬，謹歸大命，君其興之！」袁譚自青州迎術，欲從下邳北過。曹操遣劉備及將軍清河朱靈邀之，術不得過，復走壽春。六月，至江亭，坐簀床而歎曰：「袁術乃至是乎！」因憤慨結病，歐血死。
41. 《魏書》：紹即逢之庶子，術異母兄也，出後成爲子。
42. 《三國志·魏書六·董二袁劉傳》：司空逢子，紹之從弟也。