From Wikipedia, the free encyclopedia
蔡若蓮喺香港出世,鄉下福建泉州。佢從事教育工作超過廿年,1988年開始任教中學超過十年,之後任職教育局,負責校本課程及語文教學支援工作。2013年開始任職中學校長,其間亦有參與社會同教育服務工作,包括創立香港教師夢想基金,同埋參與撲滅罪行委員會同青年事務委員會嘅工作。
蔡若蓮喺香港浸會大學畢業,主修中國語言、文學及文化。其後,經持續進修獲授香港中文大學語言學碩士、教育碩士同教育博士、香港浸會大學中國語言及文學碩士學位。
蔡若蓮參加第6屆香港立法會選舉落敗之後,突然之間因被香港政府委任而變得位高權重;得唔到選民支持嘅人被揀嚟做大官一事,引嚟大眾泛民主派反感[1]。
蔡若蓮努力噉改動香港教育制度,推崇普通話,貶損廣東話,話講後者嘅兒童係惡魔,又發表粵語唔係中國法定語言嘅謬論——理論上違反香港基本法及中共憲法,實際上受中共中央力撐[2]。
2017年9月7號中午,佢嘅大仔潘匡仁跳樓自盡,同日晏晝,香港教育大學嘅民主牆有兩個男仔貼咗「恭喜蔡匪若蓮之子魂歸西天」嘅冒犯性標語,呢家嘢隨即引起香港社會各界高度關注,重引發香港教育大學涼薄大字報事件,特首林鄭月娥予以強烈譴責,又因為教大洩露閉路電視片段而惹嚟軒然大波。教大校方响事發後,曾經宣稱張貼者身份唔明確,又以保護張貼者身份為由拒絕報警。校方自行調查三個月後,證實係教大校內學生做嘅。教大校方重話,嗰兩名學生唔係主修教育學科,認為佢哋唔會成為教書先生。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.