英紅鎮

英紅鎮係廣東英德北部一個鎮，面積235.5平方公里，總人口三萬幾，其中非農業人口一萬五千人，歸僑一萬二千人^[1]。

2009年 5月23號晏晝，英紅鎮出咗單大規模群體抗暴事件。當局派出近兩千軍警鎮壓，現場警察見人就打，見人就捉。據英紅鎮歸國僑民話，傷亡數字無法統計，估計被捉同畀人打傷嘅僑民有四百人，有好多人失蹤，生死未卜。當局要求僑民投案自首，唔係就唔放人。嗰陣英紅鎮幾萬僑民人心惶惶，凡係男人都唔敢留喺屋企，重傷嘅就住喺醫院，當局又封鎖醫院，唔准家屬探視。當日武警瘋狂捉人、打人，僑民重畀人追殺到江邊，由於走投無路，好多人跳入北江逃走。幾日之後有好多屍體畀漁民撈起，現場一度畀軍警封鎖。