From Wikipedia, the free encyclopedia
燈係指發光來照嘢嘅架生,可以用來幫助照亮黑嘅地方,又或者可以用於裝飾、照X光之類嘅用途。家下用啲燈通常都係電燈,用電來到發光。古代嘅中國靠燒燈油之類嘅燃料,用一條布線捲成嘅燈芯去吸取燈油嘅原理,再用火點着條燈芯嚟照明,稱為油燈。
燈有好多種,但唔係話叫做燈嘅都係用嚟照明,有啲所謂「燈」其實係有第二啲用途;
好似喺中國古時有一種叫孔明燈,係利用熱氣上升嘅原理,喺紙罩入面點火,咁支燈就會慢慢升高(即係熱氣球嘅原理);但係孔明燈主要係用嚟慶祝同埋打訊號用,好少用嚟照明。
又有一種叫本生燈(Bunsen Burner),一邊有條燃氣管接駁,另一邊向上嘅噴咀就將燃氣變成火頭,係用嚟做實驗時嘅燃燒工具;好明顯佢亦都唔係用嚟照明嘅燈。
![]() |