蟬 sim4 (英文 : cicada ;學名 :Cicadoidea ),粵語 舊時又叫沙蟬 ,係半翅目 (Hemiptera )下嘅一科 昆蟲 。根據化石 研究,蟬早喺三疊紀 (大約 2.5 億至 2 億年前)嗰陣經已存在喺地球 上,而到咗而家,地球上已知嘅蟬物種 有超過 3,000 種咁多,主要分佈喺溫帶 至熱帶 嘅地區,有啲仲會分佈喺沙漠 地區[3] 。
More information How to read a taxobox沙蟬, 物種分類 ...
How to read a taxobox 沙蟬
一隻公嘅
十七年週期蟬 (
Magicicada cassini )
物種分類
界
動物界 Animalia
門
節足動物門 Arthropoda
綱
昆蟲綱 Insecta
目
半翅目 Hemiptera
亞目 (Subordo):
頸喙亞目 Auchenorrhyncha
科
蟬超科 Cicadoidea
Close
蟬嘅特徵好易認:
外表上,一隻典型嘅蟬有五隻眼,當中兩隻大複眼 位於頭嘅兩邊,淨低三隻細眼喺頭中間(望落似得兩隻眼);觸鬚 短,兩隻前翼好似薄膜噉,身體色水多數暗淡,呈啡或者綠噉嘅色(起到保護色 嘅作用);
喺行為 上,蟬成蟲 多數喺日頭出沒,會住喺樹上面靠食樹汁 維生,而佢哋最出名嘅行為特徵係多數物種 嘅蟬公 都好嘈-喺多數嘅蟬物種當中,啲公會快速噉振動佢哋個腹 發出好響嘅聲 ,蟬乸 鍾意叫聲又大又好聽嘅公,會揀呢啲公嚟交配 ;啲乸交配完之後,興將啲蛋生喺樹皮 嘅罅隙當中;等到蟬蛋孵咗之後,隻若蟲 會跌落地捐入泥土 裏面,若蟲期維持幾耐就視物種而定-週期蟬 一世蟬大多數時間都係以地底若蟲嘅形式生存,要等成 13 至 17 年先會變做成蟲,但又有好多蟬物種係年年都化成蟲一次嘅[4] [5] 。
蟬叫聲好嘈,人好易就留意到佢哋,所以佢哋成日出現喺人嘅意識 入面:早喺公元前 嗰陣,蟬嘅形象經已有出現喺文化產物 裏面,例子有古希臘 詩人 荷馬 嘅《伊利亞德 》(公元前 8 世紀)[6] 或者商朝 (公元前 16 世紀至 11 世紀左右)嘅一啲藝術品 ;喺世界好多地方,蟬公都出嗮名會喺夏天 嗰陣大聲叫求偶,令到喺好多地區嘅文化 入面,蟬叫聲成為咗「夏天到」嘅象徵[7] -例如係粵文化 噉,粵文化不嬲有「夏天係荔枝 最靚嘅季節,所以夏天要食荔枝」嘅習俗,而廣東話入面就有句嘢叫沙蟬叫,荔枝熟 ,意思係「蟬叫就即係夏至 到咗,所以一聽到蟬叫就差唔多係時候食荔枝」噉解[8] 。
希臘 一角樹上嘅蟬叫;喺 2008 年 7 月錄嘅。
德州 某個地方,某一個天熱嘅下晝嘅蟬叫;喺 2012 年 6 月錄嘅
播呢啲檔案有問題?睇吓媒體幫手 。
蟬係種好出名嘅昆蟲,喺多隻主要語言 入面都有通俗名:
... 等等。
啲翼張開嗮嘅婆羅洲巨蟬;蟬嘅翼上面都有好清晰嘅翼脈。
體型
沙蟬通常都唔係好大隻,啲成蟲成個身嘅長度 多數都係喺 2 至 5 厘米 (0.79 至 1.97 英寸 )之間,但係都有啲物種會大過呢個尺寸:出咗名全世界最大隻嘅帝王蟬 (Megapomponia imperatoria ),成隻張開嗮啲翼嘅話就有成 20 厘米(7.9 英寸)咁長,而淨係體長就大約 7 厘米(2.8 英寸)[16] [17] ;棲息喺南亞 嗰頭嘅一種大型蟬婆羅洲巨蟬 (Tacua speciosa )張開嗮啲翼都有成 18 厘米(7.1 英寸),而淨係體長就大約係 4 至 5 厘米(1.6 至 2.0 英寸)[18] 。
近睇一隻蟬個頭
身體結構
蟬嘅身體由好硬淨嘅外骨骼 包住,同其他昆蟲一樣,佢哋嘅身體分做頭 、胸 、同埋腹 三橛,而胸有得再細分做前胸、中胸、同埋後胸。蟬嗰三橛胸各有一對腳,所以總共有 3 對-即係 6 隻-腳,蟬嘅腿 相當粗壯,有啲仲會有刺,等隻蟬可以用嚟掘泥;蟬嘅腹呈長錐噉嘅形,總共有 10 截,而第 9 截腹係尾節,蟬公嘅第 1 同第 2 截腹有可以用嚟叫嘅發音器,第 10 截腹形成咗肛門 ,蟬乸嘅第 10 截腹會形成產卵管,而且比較漲。有一啲分佈喺沙漠地區嘅蟬物種嘅背板 (tergum)有特殊構造,識得喺隻蟲體溫熱得滯嗰陣會排啲多餘水份 出嚟,進而達到冷卻同散熱嘅效果-原理同人類流汗 類似[19] [20] 。
同好多昆蟲一樣,蟬有兩對翼 ,蟬啲翼多數係透明 或者半透明嘅,少數啲翼完全唔透明嘅物種嘅翼面好多時色水都好鮮明,而且多數分佈喺熱帶地區。無論啲翼係唔係透明都好,蟬啲翼上面會有好明顯、黑色一條條嘅翼脈 。
一般嚟講,蟬嘅頭又闊又短,有明顯凸咗出嚟嘅額唇基 (clypeus),觸鬚 短而且呈鬚狀。蟬嘅口器 又細又長,入面有食管同口水管,尖尖地噉,屬於拮吸式-蟬會食樹汁 ,並且用佢哋呢個尖尖地嘅口拮穿樹皮 嚟吸入面啲汁液[21] 。望上少少,蟬有 5 隻眼 ,包括 2 隻複眼 同 3 隻單眼,複眼唔大,喺頭嘅兩側而且分得好開,呢啲眼令到蟬有良好嘅視力。
一隻蟬一世蟲嘅歷程如下[22] :
蟬啲蛋通常都係好似米 噉嘅形狀嘅。啲蟬乸會將啲蛋生喺樹皮下嘅竇入面,等啲蛋受到保護,而且噉做啲蟬仔生咗出嚟之後就即刻有得食樹汁。如果隻蟬乸喺樹枝 入面生蛋嘅話,可能會搞到條樹枝死亡。
蟬仔-呢個階段嘅蟬叫若蟲 (或者叫粵拼 : nim1 )-就噉望落似白蟻 ,當佢哋由蛋嗰度孵咗出嚟之後,會以樹汁做食糧,一路食一路生。等到佢哋準備好,就會由個竇爬出去外面,並且跌落去地面嗰度。佢哋跟住會捐落去地底。
隻蟬若蟲會靠食樹根 嚟維生,一路掘一路慢慢噉食吓食吓愈食愈上,並且可以喺地底住一段好長嘅時間-視乎物種,隻蟬仔會留喺地底 2 至 17 年 不等。由隻蟬仔出世到呢個階段,隻蟬都唔會結蛹 -蟬係一種唔完全變態 嘅昆蟲。
喺嗰段漫長嘅地底生活之後,隻蟬若蟲會由地底嗰度捐返出嚟。隻蟬若蟲會爬上去最近嗰樖樹上面,跟手開始將佢哋個若蟲外骨骼甩出嚟,呢個過程通常要成兩個鐘頭 。等到佢哋由塊舊皮嗰度出咗嚟之後,佢哋嘅翼會開始注滿液體並且漲大,而且佢哋嘅成年外骨骼會變硬-隻蟬就準備好做一隻成蟲。
成蟲嘅蟬最緊要嘅職責就係揾伴侶。啲公嘅會趴喺樹上面叫,吸引啲乸過嚟,而啲乸就睇啲公邊隻叫得最好聽最大聲嚟揀伴侶。揀好伴侶就會交配,交配咗嘅乸就會大肚生蛋-跟住蟬嘅生命循環又會延續落去。
蟬蛋望落似米。
蟬若蟲由地底捐出嚟造成嘅窿
一隻喺度甩緊外骨骼嘅蟬
一隻蟬嘅成蟲;佢準備好去揾伴侶。
叫聲
蟬公發音器嘅構造:Trommelorgan - 鼓室;Schallplatten - 鼓膜;Schallplattenmuskel - 發音肌;Trommelfell - 鏡膜;Stigma - 氣門。
睇埋:求偶呼喚
同一般以摩擦 方式嚟發聲嘅昆蟲(好似係蟋蟀)唔同,蟬公喺腹部第 1 至 2 截嘅兩側有發音器,主要包括咗背瓣、腹瓣、鼓膜、發音肌(鼓膜肌)、腱盤、腱突起、腹面調節肌、鏡膜、褶膜(摺膜)、第三氣門、同共鳴室(氣室)等嘅結構,而蟬乸因為身上冇呢啲結構所以唔識叫。
為咗要叫,啲蟬公好多時會趴喺樹幹 上面,向前或者左右扭佢哋嘅腹嚟到調節佢哋所發出嚟嘅聲,並且透過鬥睇邊個嘅叫聲大聲啲好聽啲嚟到吸引啲乸 飛過嚟同佢哋交配 ,而且每個物種嘅蟬都有佢哋獨特嘅旋律[23] 。蟬嘅呢種叫聲成日俾人話佢哋好似係「唱緊情歌」噉。
蟬同質數
蟬個個物種都有某啲特定嘅週期,而且同質數 有微妙嘅關係。好似係好出名嘅周期蟬 (magicicada)噉,佢哋原產美國 嘅東部地區,呢啲蟬嘅若蟲會匿喺地底成 13 或者 17 年先至破土而出嚟繁殖,令到美國東部有每 13 或者 17 年就一次大規模周期蟬求偶嘅奇景。值得留意嘅係,13 同 17 都係質數-淨係可以俾 1 同佢哋自己整除 嘅數。而事實係,蟬好多時都係噉-「匿埋喺地底嘅時間」以年嚟計會係質數。
呢樣嘢當中查實有蹺妙:蟬嘅天敵 入面好多都會週期性噉樣數量提升,即係每隔幾年就會大量噉出現;一個物種嘅蟬,佢同多數昆蟲唔同,要隔幾年先至可以出嚟繁殖 一次,如果某一年佢繁殖嗰陣咁啱撞正嗰年係佢某個天敵數量提升嘅年份嘅話,噉對嗰個物種嘅蟬嚟講會係一個相當大嘅打擊,於是啲蟬就進化 出一種特技-生命週期以年計要係質數。質數淨係可以俾 1 同佢哋自己整除,例如 12 就唔係一個質數,因為佢可以俾 2 、3 、4 、6 等多個數 整除。如果有種蟬佢每 12 年繁殖一次嘅話,噉佢繁殖親都會撞正每 2 年數量提升一次嘅天敵、每 3 年數量提升一次嘅天敵、每 4 年數量提升一次嘅天敵、同埋每 6 年數量提升一次嘅天敵,咁多天敵一齊獵食 佢哋,恐怕會對呢個物種嘅蟬造成滅絕性嘅打擊。相比之下,如果隻蟬係每 13 年繁殖一次嘅,就可以好容易噉避開天敵數量提升嘅年份,更加幫到個物種 生存同繁衍。將「12」同「13」換做是但一對非質數同質數,上述講嘅嘢都會成立。
Prolystra lithographica 嘅化石 ;古蟬總科 嘅生物都係生活喺中生代 嘅。佢哋個樣同而家嘅蟬極之相似,就連啲翼都有咗現代蟬嘅輪廓。
卡氏十七年蟬 (Magicicada cassini )
狹義上嘅蟬 只係侷限於蟬科嘅昆蟲,廣義上嘅蟬 就包嗮蟬總科所有嘅昆蟲。蟬總科一共有兩個科:蟬科同螽蟬科 (Tettigarctidae)。除咗噉,唔只蟬總科嘅昆蟲,成個蟬下目嘅昆蟲都俾人冠上蟬 呢個名,分類如下(可以睇埋蟬下目 ):
蟬下目 Cicadomorpha
蟬總科 Cicadoidea
沫蟬總科 (沫蟬)Cercopoidea
角蟬總科 (角蟬和葉蟬)Membracoidea
† 古蟬總科 Palaeontinoidea
蝟蟬族(Dundubiini),日本同臺灣嗌做「蜩蟬族」[25]
寒蟬屬 (Meimuna)、長瓣蟬屬 (Platylomia)、大蟬屬 (Macrosemia)
蟪蛄族(Platypleurini)[25]
蟪蛄屬 (Platypleura)、毛蟪蛄屬 (Suisha)
爺蟬族(Polyneurini)
蝦夷蟬族 (Tibicenini)[25] / 熊蟬族 (Cryptotympanini)
蝦夷蟬屬 (Tibicen)
薄翅蟬屬 (Chremistica)
熊蟬屬 (Cryptotympana)
小蟬族(Leptopsaltrini)[25]
姬春蟬屬 (Euterpnosia)
姬蟬屬 (Purana)
暮蟬屬 (Tanna)
幽蟬屬 (Semia)
暗蟬屬 (Taiwanosemia)
細蟬屬 (Leptosemia)
虎翅蟬屬 (Formocicada)
草蟬族(Moganniini)[25]
草蟬屬 (Mogannia)
扶桑蟬屬 (Nipponosemia)
睇埋:炸金蟬
蟬嘅叫聲好嘈,令到人類好容易就留意到佢哋,所以佢哋嘅形象喺人類文化當中間唔中就會出現,好似係:
蟬若蟲嘅殼-叫蟬蛻 -係一種中藥 。除咗噉,蟬嘅蛋、若蟲、同成蟲等受到某啲真菌 等嘅微生物 寄生嗰陣時會產生蟬花 。蟬花喺藥性上類似冬蟲夏草 [26] 。
唐話入面有句俗語叫金蟬脫殼 ,就係建基於蟬甩殼變成成蟲呢種習性嘅。
山東菜 當中有一款出名餸菜-炸金蟬。
暮蟬悲鳴時 (日文 :ひぐらしのなく頃に)同第八日嘅蟬 (日文:八日目の蟬)等多個日本大眾媒體 產品有同蟬相關嘅主題。
用蟬叫嚟代表夏天係日本出嘅創作入面成日都用嘅橋段 [27] 。
山東菜嘅名菜-炸金蟬
蟬若蟲甩皮變成成蟲之後留低嘅殼
一隻蟬
一隻蟬若蟲甩皮,變成成蟲嘅動畫
破殼而出
破緊殼
Allen F. Sanborn. Catalogue of the Cicadoidea (Hemiptera: Auchenorrhyncha) . Elsevier. 31 October 2013 [2013]. ISBN 978-0-12-416638-7 .(英文)
Masayo Katō. Cicadidae: (Insecta) . Biogeographical Society of Japan, National Science Museum. 1961.
陳振祥. 張蕙芬, 編. 《台灣賞蟬圖鑑》. 臺北市: 天下遠見出版. 2007-06-29 [2007]. ISBN 978-986-417-958-9 .(繁體中文)
蟬同蟋蟀喺生物分類 上查實就唔係咁接近嘅,不過兩者都出咗名會好大聲噉叫。
Fontaine, K. M., Cooley, J. R., & Simon, C. (2007). Evidence for paternal leakage in hybrid periodical cicadas (Hemiptera: Magicicada spp.). PloS one , 2(9), e892.
Fontaine, K. M., Cooley, J. R., & Simon, C. (2007). Evidence for paternal leakage in hybrid periodical cicadas (Hemiptera: Magicicada spp.). PloS one , 2(9), e892.
Milne, Lorus; Milne, Margery. North American Insects & Spiders . Knopf Publishing. 1980.
Fitzgerals, Kevin (22 March 2016). "How Do Cicadas Know When to Emerge from the Ground?". Entomology Today .
Stanford, W. B. (1969). The Lily Voice of the Cicadas (" Iliad" 3.152). Phoenix , 23(1), 3-8.
W. G. Aston. A history of Japanese literature , Book 6, CHAPTER IV, 1899.
宋本《廣韻•下平聲•蕭•迢》蜩:大蟬。《大雅》如蜩如螗。《傳》蜩,蟬也。螗,蝘也。《疏》《釋蟲》云:蜩、蜋、蜩、螗,舍人曰:皆蟬也。《爾雅•釋蟲》蜩,蜋蜩。《說苑•雜言》記載《詩》云:『苑彼柳斯,鳴蜩嚖嚖。』《詩經•豳風•七月》:「四月秀葽,五月鳴蜩。」《莊子•逍遙遊》:「蜩與學鳩笑之曰:『我決起而飛,搶榆枋時則不至,而控於地而已矣。』」
中尾舜一 『セミの自然誌 - 鳴き声に聞く種分化のドラマ』 中央公論社〈中公新書〉、1990年。
Rainer Flindt. Amazing Numbers in Biology . 2006: p.10.
Burton, Maurice; Burton, Robert. International Wildlife Encyclopedia . 4, Chickaree - crabs 3rd. Tarrytown, NY: Marshall Cavendish Corporation. 2002: 455.
Neil F. Hadley, Michael C. Quinlan & Michael L. Kennedy. "Evaporative cooling in the desert cicada: thermal efficiency and water / metabolic costs" (PDF). Journal of Experimental Biology . 1991, 159: 269–283.
Toolson, Eric C. "Water Profligacy as an Adaptation to Hot Deserts: Water Loss Rates and Evaporative Cooling in the Sonoran Desert Cicada, Diceroprocta apache (Homoptera: Cicadidae)". Physiological Zoology . 1987, 60 (4): 379–385.
蟬殼、蟬衣,蟬自蛹狀若蟲化為成蟲時所脫下的殼-李時珍《本草綱目》,蟲部。