光復屯門

  提示：呢篇文講嘅唔係光復屯門公園。

光復屯門於2015年2月8號喺香港新界屯門發生嘅社會運動，由熱血公民、本土民主前線、學生前線同屯門人屯門事等激進民主派及本土派政治組織以及社交網絡群組喺網上發起，原因係為咗抗議香港境內水貨客問題及爭取取消港澳個人遊同一簽多行，目標同喺2012年9月起發動嘅光復上水站原因差唔多：來自中華人民共和國嘅水貨客充斥著屯門，從事走私活動，成日霸佔附近通道及巴士站，同時令物價上升，嚴重影響居民生活。大約四百人響應社交網絡號召，集中到屯門水貨客嘅集散範圍示威，事件其後喺屯門時代廣場演變成示威者同差人嘅衝突，差人機動部隊突然放胡椒噴劑同埋用警棍打示威者及企圖鎮壓示威。衝突造成至少兩人受傷，十三人被帶返差館^[1]。

註

1. 〈網路直播：香港「反水貨 光復元朗」行動〉。《大紀元時報》 (香港中文)。2015-03-01。喺2020-04-05搵到。