伺服器

伺服器（Server，粵拼：soe1 faa2）亦叫服務器，係指：

• 一個用嚟管理資源，並且提供服務畀用戶嘅電腦軟件，通常可以分為文件伺服器（可以畀用戶讀取其他電腦嘅文件），數據庫伺服器同埋應用程式伺服器。
• 行到以上軟體件嘅電腦，或稱為網絡主機（Host^{[註 1]}）。
• 通常咁講，伺服器通過網絡對外提供服務。可以通過內聯網提供服務，亦可以通過互聯網對外提供服務。

定義

有時呢兩種定義會引起混淆，例如Web伺服器，佢講嘅有可能係存放網站嘅電腦，亦有可能係指好似Apache咁嘅伺服器軟件，喺電腦入邊運行，用嚟管理網頁組建同埋回應網頁瀏覽器嘅請求。

伺服器（硬件）

伺服器作為硬件嚟講，通常係指有好犀利嘅計算能力，可以畀好多用戶用嘅電腦。伺服器有好多同PC機唔同嘅地方，例如PC機喺一個時刻，只係服務一個用戶。伺服器同主機又有分別，主機係通過終端畀用户使用，而伺服器係通過網絡畀客户端嘅用户使用。

同普通嘅PC對比，伺服器要行足7日24個鐘。即係話，伺服器需要更多嘅穩定性技術RAS，比如話用ECC記憶體。

根據唔同嘅計算能力，伺服器又可以分為工作組級伺服器，部門級伺服器同埋企業級伺服器。伺服器作業系統係指伺服器硬件上邊運行嘅作業系統。伺服器作業系統要充分利用伺服器硬件計算能力先至得。

而1家，市面上已經有好多伺服器作業系統。 類Unix作業系統，係Unix嘅後代，大部分可以作為伺服器平臺使用。常見嘅類Unix伺服器作業系統有AIX、HP-UX、IRIX、Linux、FreeBSD、Solaris、Mac OS X Server、OpenBSD、NetBSD、同埋SCO OpenServer。

微軟亦出咗Microsoft Windows嘅伺服器版本，早期嘅Windows NT Server，後嚟嘅Windows 2000 Server、Windows Server 2003同埋Windows Server 2008，而家最新嘅係Windows Server 2016。

伺服器（軟件）

伺服器軟件嘅定義上面已經講過，服務器軟體工作方式一般為客戶端-伺服器或瀏覽器-伺服器，伺服器形式多樣，常用嘅有：

• 文件伺服器（File Server） - 比如話Novell嘅NetWare
• 數據庫伺服器（Database Server） - 比如Oracle數據庫伺服器、MySQL、PostgreSQL、Microsoft SQL Server等
• 郵件伺服器（Mail Server） - Sendmail、Postfix、Qmail、Microsoft Exchange、Lotus Domino等
• 網頁伺服器（Web Server） - 比如Apache、thttpd、微軟嘅IIS等
• FTP伺服器（FTP Server） - Pureftpd、Proftpd、WU-ftpd、Serv-U等
• 域名伺服器（DNS Server） - 比如Bind9等
• 應用程式伺服器（Application Server/AP Server） - 比如Bea公司嘅WebLogic、JBoss、太陽電腦嘅GlassFish
• 代理伺服器（Proxy Server） - 比如Squid cache
• 電腦名稱轉換伺服器 - 比如微軟嘅WINS伺服器

睇埋

• Logging

註

1. 以前用數據機暫時駁起是但兩部電腦嗰陣，host 本來係指 ｢被駁去｣ 嘅一方，駁上去嘅係 guest（客），被駁嘅係 host，客傳去主叫上載，主傳去客叫下載。喺互聯網，所有電腦理論上都係對等，正常情況下亦一定會行一啲伺服器（例如 ICMP ping），喺Unix傳統，任何電腦都係 host。