From Wikipedia, the free encyclopedia
Carousell,花名旋轉拍賣,係一間星加坡跨國企業,佢提供手機同電腦版嘅C2C以及B2C平台畀人賣一手同二手產品,總部設喺星加坡[1][2]。Carousell適合iOS同Android設備。Carousell喺2012年5月推出,並由郭修瑞、吳承翰、陳翊偉都喺星加坡創立。
Carousell有政策禁止違反市場社群準則,非法商品。[3]Carousell新加坡本部或國際情況簡報:2018年時,警部指,超過70%電子商務詐騙出自Carousell。[4] 2020年10月,新加坡政府衛生部下屬健康科學局()接到報告,Carousell上有賣一種減肥類長期禁藥。[5]為協助遏制「COVID-19」,Carousell發布應用程式公告,限制面對面交易、用戶集體交易與取件中心。[6]Channel C資料顯示,懷疑有人將盜用個人資料同埋開電話卡一併放上Carousell度賣。[7]
旋轉拍賣交易評分系統,供買賣兩方互相評分同埋評論,但就無得回應對方評價,得有限度編緝評論,追加「後續評價」。所有評價都無得事後改同埋收返。除非少數情況違規或者官方特殊介入真係稀少性。 缺透明地方係,要互相評分先看到對方評分。 缺公平地方係,只有買家先可以喺評語中加入圖片。賣家就唔可以。
雖然叫旋轉拍賣、旋拍賣,但係佢同香港雅虎個拍賣、ebay或者現實拍賣好大分別。Carousell賣方好多時定好實價,或者貨品價格設置「免費」。買家可透過系統輸入較低價格(壓價)。即係佢未算得上係網上拍賣競價系統,無叫價,拍賣時限,同埋成交價術語同埋玩法。而且買家會留言私下壓價,全無透明度,買家唔知有無其他人參與。
差人話,單就2023年開頭兩個月,已接報31位用戶騙案,涉金額港幣39萬元。[8]Carousell雖然有調解糾紛機制,但係無主動假貨審查,同埋無權下令退貨。[9]
HKEPC讀者買二手硬件受騙,報指2024年1月4號洪生用萬三蚊賣到張零件有缺MSI RTX 4090顯示卡,當中GPU、部份VRAM已拆走,只好報警但無受理。[10]
2024年3月25號至5月23號期間,差人收到12市民報案,指使用Carousell時遭騙走71萬蚊貨物;其中最貴係約18萬幾勞力士手錶一隻。騙徒借銀行過數彈票方法騙走對方財物。詐騙集團得到受害人戶口後,去櫃員機入空頭支票,令受害人即時查數見到佢個假入賬金額,以為真係過數就交貨。[11]IG紅人Foddie「為食小樂」都聲言險中伏。[12]
2023年10月15號。太古城康怡花園入面走廊有一女子黃慧堯遭到襲擊。期後,涉案人係Carousell旋轉拍賣前香港董事總經理葉承浩,而家告一項普通襲擊罪。葉承浩做過Paypal香港行政總裁,2019年先至加入旋轉拍賣,成為香港區董事總經理,負責香港整體業務發展策略。現已離任。[13]
有人網上賣260萬個Carousell用戶資料,當中有香港用戶32萬個。Carousell話自己2022年1月系統遷移過程做出漏洞。[14]私隱公署指責Carousell犯下多個缺失,專員鍾麗玲形容事件嚴重:「揭示咗 Carousell喺保障集團持有個人資料安全方面,係犯咗基本性失誤,實在令人非常失望。」[15]
Carousell指:「賣家嘅回覆限額每個月會喺固定嘅日期更新,具體日期取決於首次使用限額嘅日期。如果首次使用限額嘅日期係任意一個月嘅31日,咁限額將預設喺每個月最後一日更新。」[16]
連登人批評Carousell由2023年12月11號開始,每位賣家每個月回覆數量將設限額。評論指Carousell有好多所謂買家吹水居多,出去面交又多「放飛機」,網站限制未必賺錢,反而會「趕客」。有人直言香港雅虎個雅虎拍賣搞得好地地,就係收錢先至「玩死自己」。[17]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.