1997年係平年,元旦係禮拜三。 請睇: 丁丑年(牛年) 1997年電影 1997年文學 1997年音樂 1997年運動 1997年電視 1997年死 Quick Facts 世紀: 19世紀 20世紀 21世紀 年代: 1960年代 1970年代1980年代 1990年代 2000年代2010年代 2020年代 年: 1992年 1993年 1994年 1995年1996年 1997年 1998年1999年 2000年 2001年 2002年 干支年: 1月1號到2月6號係丙子年(鼠年)2月7號開始係丁丑年(牛年) 年號: 民國八十六年 Close 下面係維基百科有關年份紀年嘅凡例說明。 凡例 紀年分類中嘅「中國」、「中國週邊」、「越南」、「朝鮮半島」、「日本」等,係地域概念,唔係特指某個國家或者政權,所以會有模糊嘅外延。喺呢啲地域概念之下會分項列出喺呢個地域內嘅各政權同各種紀年,包括年號、以及同創立呢個年號嘅王朝對抗嘅私年號。 「中國週邊」係指廣義上嘅北亞、中亞、以及同中國接壤嘅部分地域,大約相當於亞歐大陸中央地區。 農曆、佛曆、回曆、猶太曆有自己嘅曆法,佢哋嘅新年同西曆唔重合。所以西曆年份唔完全就係呢幾種曆嘅年份。 傳統上東亞地區嘅年號用嘅係農曆,所以年號對應嘅西曆年份係指當年農曆新年過後嘅時期,未過年嘅時期算做呢個年號紀年嘅上一年。 皇紀係日本喺1873年採用西曆嘅同時施行嘅。 檀紀係大韓民國喺1948年到1961年間正式使用嘅。 主體曆係朝鮮民主主義人民共和國自1997年開始正式使用嘅。 佛曆係以西元前543年做元年,呢個係泰國、柬埔寨、老撾佛曆嘅標準。另有斯里蘭卡、緬甸佛曆,佢以西元前544年做元年,喺泰柬老佛曆度加多一年就係。 中國 中華民國:民國八十六年 朝鮮半島 朝鮮:主體八十六年 日本 皇紀:2657年 平成九年 佛曆:2539年~2540年 回曆:1417年8月21號~1418年9月1號 猶太曆:5757年4月22號~5758年4月2號 ※朝鮮民主主義人民共和國喺1997年制定主體曆,喺1912年開始紀元。 1月20號:中山艦沉咗喺長江底59年後被打撈出水。 1月20號:比爾·克林頓宣誓就任美國總統,展開佢第二個總統任期。 2月3號:第7屆巴基斯坦下議院選舉。 2月7號:NeXT(英文:NeXT)同蘋果電腦合併,喬布斯回歸蘋果電腦。 2月22號:一班科學家喺蘇格蘭宣佈世界第一隻複製羊多莉喺1996年出咗世。 2月23號:俄羅斯和平號太空站火燭,14分鐘後救熄,無人傷。 2月:北韓最高人民會議前議長黃長燁喺北京向南韓大使館尋求政治庇護。 3月9號:1997年3月9號日食。 3月13號:美國亞利桑拿州鳳凰城幾百友見到Phoenix Lights(英文:Phoenix Lights)。 3月19號:新疆考古所宣佈喺塔克拉瑪干沙漠地底搵到丹丹烏利克遺址。 3月20號:臺灣爆發嚴重豬隻口蹄疫疫情。 3月20號:皇巴士開始營運,來往深圳皇崗同香港落馬洲。 3月31號:荔園遊樂場最後一日開門。 3月31號:AM621,FM100.9,香港電台普通話台 (香港电台普通话台) 啟播。 4月11號:昂船洲海軍基地閂咗。 4月17號:南韓前總統全斗煥同盧泰愚涉嫌係1979年嘅軍事政變同1980年光州事件嘅主謀,畀法院以「軍事叛亂」、「內亂」同「貪污受賄」等罪分別判終身監禁同17年有期徒刑。 4月18號:深圳何香凝美術館(中文:何香凝美术馆)開幕。 4月22號:日本駐秘魯大使官邸人質危機持續126日之後結束。 4月27號:香港青嶼幹線落成,由前英國首相戴卓爾夫人、總督彭定康主持開幕儀式。 4月:臺灣發生白曉燕命案。 5月1號:英國工黨喺國會選舉中贏咗,結束保守黨18年嘅執政。貝理雅成為英國首相,係185年嚟最後生嘅首相。 5月6號:英倫銀行唔再受政治控制,係呢間銀行300年歷史裏頭最大嘅改變。 5月10號至5月19號:1997年東亞運動會喺南韓釜山舉行。 5月10號:1997年加延地震(英文:1997 Qayen earthquake),最少1567死、2300傷、50000無家可歸。 5月14號:香港秀茂坪童黨燒屍案,16歲少年陸志偉喺秀茂坪邨39座1508室被虐打致死後被燒屍。 5月15號:宏達國際電子(HTC)喺臺灣成立。 5月18號:京九直通車(中文:京九直通車)開行。 5月18號:第2屆蒙古國總統選舉,由那楚克當選。 5月20號:香港導演王家衞憑住執導嘅電影《春光乍洩》喺康城影展成為最佳導演,係首個得呢個榮譽嘅唐人。 5月22號:香港青嶼幹線通車。 5月23號:第7屆伊朗總統選舉,由哈塔米當選。 5月29號:第7屆印尼立法機構選舉。 5月30號:香港公開進修學院改名為香港公開大學。 5月:香港出現全球首宗人類感染禽流感死亡個案。 6月15號:香港主權移交前嘅最後一次賽馬,嗰日三T彩金破咗紀錄,不過因為頻頻爆冷,正獎無人中。 6月16號:恆生香港中資企業指數推出。 6月18號:重慶成為中華人民共和國第四個直轄市。 6月26號:小說《哈利波特:神秘的魔法石》喺倫敦出版。 6月28號:廣州首條地下鐵綫廣州地鐵1號綫(黃沙站至西朗站)通車。 6月28號:荷里菲特(英文:Evander Holyfield)同米克泰臣打拳擊賽,米克泰臣喺第三回合咬咗荷里菲特耳仔一啖(The Bite Fight)。 7月1號:英國結束對香港150幾年殖民地統治,將香港主權移交畀中華人民共和國,成立香港特別行政區。 7月4號:「火星探路者」號同佢嘅「火星車」號登陸火星。 7月8號:北大西洋公約組織啟動向東擴張計劃。 7月19號:愛爾蘭共和軍宣佈停火。 7月20號:第5屆越南國會選舉。 7月22號:紅色高棉領袖波爾布特被判終身監禁。 7月27號:香港當時唯一一份綜合性晚報《新晚報》停刊,令到綜合性晚報一度喺香港消失。 7月:亞洲金融風暴爆發。 8月6號:大韓航空一客機由漢城飛去關島降落時失事(韓文:대한항공 801편 추락 사고),228死25傷。 8月10號:國華航空(1999年合併至華信航空)一客機由臺北飛去馬祖期間失事(中文:國華航空7601號班機空難),機上16人死晒。 9月3號:越南國家航空一客機由越南胡志明市飛去柬埔寨金邊期間失事(越南文:Chuyến bay 815 của Vietnam Airlines),65死1傷。 9月5號:美國太空總署發射嘅航行者一號(Voyager 1)太空探測器,而家係離我哋最遠嘅人造物體。 9月6號:西敏寺舉行戴安娜王妃嘅葬禮,全球最少2500萬人用電視收睇,遺體安葬諾咸頓郡Althorp(英文:Althorp)。 9月12號至9月18號:中國共產黨第十五次全國代表大會喺北京召開。 9月24號:陳德良開始做越南國家主席。 9月26號:印度尼西亞鷹航空一客機由耶加達飛去棉蘭期間失事(印尼文:Garuda Indonesia Penerbangan 152),機上234人咸不剌死晒。 10月10號:阿根廷南方航空(西班牙文:Austral Líneas Aéreas)一內陸客機失事(西班牙文:Vuelo 2553 de Austral Líneas Aéreas),機上74人死晒。 11月8號:長江三峽完成大江截流。 11月14號:「香港弱智人士服務協進會」改名做「匡智會」。 11月29號:1997年中華民國縣市長選舉(中文:1997年中華民國縣市長選舉)。 12月5號:奧爾布賴特(英文:Madeleine Albright)成為首位女性美國國務卿。 12月11號:《聯合國氣候變化框架公約》締約方第三次會議上通過咗《京都議定書》。 12月16號:電視動畫《寵物小精靈》第38集《電腦戰士3D龍》喺東京電視台播出。由於其中幾段畫面閃動太密,有觀眾唔舒服同暈低,685人送院,成為全球一次性引發癲癇症狀最多人數嘅電視節目。(ja:ポケモンショック) 12月19號:第15屆韓國總統選舉(韓文:대한민국 제15대 대통령 선거),由金大中當選。 12月19號:勝安航空一客機由耶加達飛去星加坡期間失事(英文:SilkAir Flight 185),機上104人死晒。 12月21號:第2屆老撾國民議會選舉。 12月31號:日本搖滾組合X JAPAN舉行「THE LAST LIVE」解散演唱會。 1月3號:金東赫,南韓組合iKON成員 1月5號:秦霄賢,中國相聲演員 1月11號:陽光寇弟,澳洲流行歌手 1月11號:邱欣怡,中國偶像團體SNH48成員 1月22號:樊振東,中國乒乓波運動員 1月24號:黃政宇,中國足球員 1月30號:沈錫希,南韓短道速滑運動員 2月11號:Rosé,韓國女團BLACKPINK成員 2月27號:沈月,中國演員同歌手 3月6號:佐藤隼,日本足球員 3月6號:肖燕,中國演員 3月27號:Lisa,韓國女團BLACKPINK成員 4月9號:吳澋滔,香港童星 4月21號:龔翔宇,中國排球員 4月28號:尼古拉斯·費耶拉賓德,德國足球員(2016年死) 4月28號:張丹三,中國演員同歌手 5月4號:崔宇革 (2003年出道),南韓演員 5月24號:劉穎鏇,2016年度香港小姐競選亞軍兼最上鏡小姐 6月17號:劉昱佑,台灣政治人 6月22號:張紫豪(中文:張紫豪),中國歌手 7月12號:馬拉拉,巴基斯坦普什圖族,以爭取婦女權利而出名,巴基斯坦全國青年和平獎、薩哈羅夫獎、諾貝爾和平獎得主,係歷年嚟最後生嘅諾貝爾獎得主 7月22號:邢昭林,中國演員 8月5號:徐嬌,中國演員 8月24號:鴉倫·獲加,英國DJ 9月3號:柯潔,中國圍棋手 9月27號:黃子悅,喺雨傘運動絕食118個鐘頭而出名,做過學民思潮發言人 10月10號:劉昊然,中國演員 10月24號:原島大地,童星,活躍喺中國大陸同香港地區 11月15號:列拿·艾剛,跨性別美國人(2014年死) 11月22號:前島亞美(日文:前島亜美),日本組合SUPER☆GiRLS(日文:SUPER☆GiRLS)成員 11月25號:袁思行,無綫新聞台主播 11月27號:林可悅,香港無綫電視藝員 11月29號:葉秋語,中國網球員 12月4號:鄧月平,香港模特兒 12月27號:張圭里(韓文:장규리),南韓歌手 4月12號:史塔布斯,美國阿拉斯加州鎮仔Talkeetna(英文:Talkeetna, Alaska)嘅前鎮長(2017年死) 維基同享有多媒體嘅嘢: 1997年 内文:1997年死 1月6號:松丸貞一,大日本帝國足球員 1月14號:胡金銓,電影導演 2月19號:鄧小平,中國政治、軍事人物 3月5號:戴斯德,香港輔政司 3月12號:劉紹棠,中國鄉土文學作家 4月11號:王小波,中國作家 4月21號:馬卡帕加爾,菲律賓總統 4月21號:新馬師曾,香港粵劇演員,外號「慈善伶王」 5月7號:葉漢,澳門企業家,外號「鬼王葉」、「賭聖」 5月16號:汪曾祺,中國作家 5月27號:張君秋,中國京劇藝術大師、戲曲教育家 5月:張悅楷,中國一級演員 6月4號:黃秉槐,香港工程師、香港市政局、立法局議員 6月29號:包擬古,美國漢學家 7月2號:占士史超活,美國電影演員,奧斯卡金像獎最佳男主角 7月15號:范思哲,時裝設計師 7月21號:白保羅,美國語言學者 7月23號:南部忠平(日文:南部忠平),日本田徑運動員 7月:阮福晪,又叫保大帝,阮朝末代皇帝 8月31號:戴安娜王妃 9月5號:德蘭修女,諾貝爾和平獎得主 9月8號:于占元,香港動作指導 10月12號:約翰·丹佛,美國鄉土歌手 10月31號:萬毅(中文:万毅),中國人民解放軍中將,原名萬頃波 11月8號:林正英,香港演員、動作指導同導演 11月12號:張雨生,臺灣音樂人、歌手 12月5號:王酩,中國作曲家 12月6號:董竹君(中文:董竹君),上海錦江飯店創辦人 12月11號:白景瑞(中文:白景瑞),臺灣電影導演 12月24號:三船敏郎,日本演員 12月25號:李相碧(韓文:리상벽),北韓播音員