喪事

喪事係處理一個人死之後嘅事，因為唐人喪事尚白，所以又叫白事。喪事最重要部份叫喪禮、葬禮或者殯儀，係一種社會儀式，正式標誌一個人嘅死，亦係處理屍體嘅儀式。世界各地都有唔同方式辦喪事。

喪事業界

睇埋：殯儀業

做喪事服務業嘅生意叫做殯儀業。殯儀業包括棺材鋪、殯儀館、紙紮鋪、墳場、骨灰龕、花園撒灰、海上撒灰、中台港同環球跨境運屍服務、寵物善終、非牟利團體善終服務、喪親輔導、骨灰晶石等。

濫收津貼費用爭議

據2019年消費者委員會嘅調查，香港嘅殯儀服務收費落差大，透明度低。殯儀服務費由7980蚊至56800蚊都有。呢啲費用包括唔同嘅套餐服務如道教、佛教、冇宗教儀式等，具體收費因服務內容同儀式嘅繁簡而異，「套餐」只係營銷手段。有啲院出或直出服務，可能10000元已可辦妥，但會按殮葬費津貼嘅最高金額收取服務費。^[1][2]某啲殯儀佬會將最平套餐加價到補助金額上限，收費情況係無分一般私營，或教會中人成立機構，甚至打住慈善團體嘅名義都會噉樣索價。2024年初，社會福利署綜援殮葬津貼已調整到17180元。^[3]

商品化同「風光大葬」宣傳

2018年時有報導指，殯儀服務嘅收費問題存在已久。當年平均殮葬花費約3萬港元，而綜合社會保障援助計劃相關津貼只有14910元，甚至有業界要求家屬借財仔都係必要嘅。^[4]政府會調整綜援計劃下嘅殮葬費津貼，有個港幣16790元嘅記錄。^[5]

睇埋

• 《舒伯特聖母經》，一首喺歐美好受歡迎嘅喪體歌。

參考

1. 〈殯儀服務收費差異大 服務內容及訂價透明度極低〉。《消費者委員會》。2019-08-15。{{cite news}}: CS1 maint: url-status (link)
2. 〈殯儀服務欠透明要問清楚 48個套餐內容收費參差〉。HK Consumer Council。2019-08-01。{{cite news}}: CS1 maint: url-status (link)
3. 〈綜援殮葬津貼套裝 社會福利署綜援殮葬津貼：$17,180〉 (PDF)。《東華三院》。2024-04-01。{{cite web}}: CS1 maint: url-status (link)
4. 宛茜楊 (2018-03-12)。〈不忿行家叫家屬借錢殮葬　殯儀策劃師為基層辦免費喪禮【有片】〉。《經濟日報》。{{cite news}}: CS1 maint: url-status (link)
5. 〈火葬程序〉。《火葬社》。{{cite web}}: CS1 maint: url-status (link)