殯儀業

殯儀業，簡稱殯儀ban3 ji4（英文：Funeral Industry，主指以喪事圖利嘅經濟活動，類別係服務行業一種。就人口老化，愈死得人多，愈可以帶動裙帶經濟，將會引申道德問題、法律漏洞、同埋體制議題。

分類

棺材鋪

殯儀館

紙紮鋪

墳場

骨灰龕

撒灰服務

撒灰係種環保嘅殯葬方式，原意令逝者嘅骨灰回歸大自然。香港嘅撒灰服務主要分為「紀念花園撒灰」同埋「海上撒灰」兩種：

• 撒灰落花園——香港有多個紀念花園提供免費撒灰服務，位於哥連臣角、鑽石山、富山、葵涌、曾咀、和合石、長洲、南丫島同埋坪洲等地。撒灰事前最少要2星期向食環署申請，交相關文件包括「領取骨灰許可證」正本，先人嘅身份證副本。

• 撒灰落大海——市民可以選擇搭食環署提供嘅免費渡輪服務去指定海域進行海上撒灰，或者自費出海撒灰。呢啲指定海域包括東龍洲以東，西博寮海峽以南。

• 紀念牌匾——喺紀念花園撒灰，重有得申請設置紀念牌匾嚟紀念先人。而家收行政費90蚊，未連買同裝牌匾費用。

跨境運屍服務

跨境運送屍體可能要特殊文件許可，常見來往地有中國大陸、香港、台灣，同環球。

• 一般法律同程序：
  • 許可證申請：喺香港，申請人要向食物環境衛生署、入境處及衛生署組成嘅聯合辦事處申請「將屍體移離香港許可證」。申請時需要提供死亡證、防腐處理證明、遺體入境文件等。
  • 跨境運輸：中國、香港兩地，遺體可以通過蓮塘口岸，或香園圍口岸進出。運送時要遵循兩地嘅清關同報關流程。而往來唔同國家，遺體可以透過航空或海運方式運送。

• 使用情況：

跨境運送屍體嘅需求主要來自希望將先人葬返鄉下理由。由於文化傳統，中國家庭選擇將遺體運送返大陸或者台灣進行安葬。

寵物善終

團體善終服務

喺香港有好多非牟利團體、各宗教、或者慈善團體名義，提供或援助善終服務。部份基金會只批出殮葬費，唔插手殯儀事項。公共支援有「綜援殮葬津貼」。

特區政府消費者委員會已關注到有好多收費問題：

• 濫收費索公帑——2024年初，社會福利署將有關津貼增加到17180元時，就有殯儀公司將自己最低質服務，標價同公共津貼睇齊。甚至有「慈善基金」名義嘅公司都噉樣索價，客戶可自行向私人基金或綜援申請全數津貼，就會有得「免費午餐」，即義葬之錯覺。消委會指出，個別機構專攻社會福利署綜援殮葬津貼，但事實係個質素唔值呢個價，消費者要留意。

• 殯儀服務，同埋補貼條款要清楚，千祈唔好輕易簽署「授權代理書」。當出現問題要中途換人接手，或者所謂「全包套餐」但儀式中途發現用品唔夠（例如變相有附加費），保證會好麻煩。譬如有陣時啲教友自己做開殯儀，可能不成文幫人講條件如自己友圍威喂限定。未確實自己可得「資助」前，所講嘅津貼都未存在。

喪親輔導

喪親輔導，又叫哀傷輔導，係心理上支援服務一種，旨在幫失去親人嘅人度過悲傷期。呢啲輔導可以幫助喪親者處理複雜嘅情緒，由傷痛、失落、憤怒同罪惡感，並協助佢哋重新適應社會。

輔導嘅形式有個別輔導、團體輔導、同家族治療。即一係一對一嘅會談，專注於喪親者嘅個人經歷同情感表達；或者一班人分享同支持嚟幫助彼此；同埋有約家族各員一齊對話。

骨灰晶石

爭議

壟斷

濫收費，欠透明

據2019年消費者委員會嘅調查，香港嘅殯儀服務收費落差大，透明度低。殯儀服務費由7980蚊至56800蚊都有。呢啲費用包括唔同嘅套餐服務如道教、佛教、冇宗教儀式等，具體收費因服務內容同儀式嘅繁簡而異，「套餐」只係營銷手段。有啲院出或直出服務，可能一萬港元已可辦妥，但會按殮葬費津貼嘅最高金額收取服務費。^[1][2]某啲殯儀佬會將最平套餐加價到補助金額上限，收費情況係無分一般私營，或教會中人成立機構，甚至打住慈善團體嘅名義都會噉樣索價。2024年初，社會福利署綜援殮葬津貼已調整到17180元。^[3]

2018年時有報導指，殯儀服務嘅收費問題存在已久。當年平均殮葬花費約3萬港元，而綜合社會保障援助計劃相關津貼只有14910元，甚至有業界要求家屬借財仔都係必要嘅。^[4]政府會調整綜援計劃下嘅殮葬費津貼，有個港幣16790元嘅記錄。^[5]

睇埋

• 宗教經濟學
• 發死人財
• 發國難財
• 陰德
• 道德
• 生老病死

參考

1. 〈殯儀服務收費差異大 服務內容及訂價透明度極低〉。《消費者委員會》。2019-08-15。{{cite news}}: CS1 maint: url-status (link)
2. 〈殯儀服務欠透明要問清楚 48個套餐內容收費參差〉。HK Consumer Council。2019-08-01。{{cite news}}: CS1 maint: url-status (link)
3. 〈綜援殮葬津貼套裝 社會福利署綜援殮葬津貼：$17,180〉 (PDF)。《東華三院》。2024-04-01。{{cite web}}: CS1 maint: url-status (link)
4. 宛茜楊 (2018-03-12)。〈不忿行家叫家屬借錢殮葬　殯儀策劃師為基層辦免費喪禮【有片】〉。《經濟日報》。{{cite news}}: CS1 maint: url-status (link)
5. 〈火葬程序〉。《火葬社》。{{cite web}}: CS1 maint: url-status (link)