肉臊飯

肉臊飯（又寫做肉燥飯、魯肉飯）係臺灣特色飯餐，大體做法都係飯面鋪用免治豬肉同豉油整嘅「肉臊」，有時會配搭埋其他餸菜。

肉臊飯

酸菜餸滷肉飯

另外，「滷肉飯」有時（主要係臺灣中部到北部）亦等同肉臊飯，有時（主要係臺灣南部）就會用到唔切碎而只嘅切成一塊塊嘅五花腩。

滷肉飯喺臺灣被視為極具台灣特色嘅民眾小食，喺全臺各地都有賣，南北有唔同意義。喺北臺灣，滷肉飯係一種淋上含有煮熟碎豬肉或炒香肉燥（豬絞肉）同醬油滷汁嘅白飯，有時啲醬汁亦會有香菇丁等成份，同炕肉飯唔同，睇落似南臺灣肉燥飯；「滷肉飯」喺臺灣南部係指有滷汁塊狀肉嘅切丁滷肉飯，有店家會配搭筍乾醃蘿蔔乾，同彰化嘅大塊炕肉飯亦不盡相同^[1]。

南臺灣肉燥飯通常係以肥瘦一定比例嘅豬絞肉滷製，但北臺灣滷肉飯通常用含有豬皮嘅肥肉切丁滷製，兩者口感同口味略有不同。喺香港嘅臺式餐館，「滷肉飯」大多係用滷五花腩塊，而「魯肉飯」或「肉燥飯」就大多用滷肉碎^[2]。而中國大陸嘅「台灣滷肉飯」就唔分，使用小塊滷肉或者肉燥都可以稱為「滷肉飯」。