From Wikipedia, the free encyclopedia
針鼴科(鼴音「演」),通常又叫有刺食蟻獸,同鴨嘴獸一樣係而家重生存嘅單孔目哺乳動物。呢科有兩個屬四種,全部住喺澳洲同新畿內亞。
針鼴科分為兩個屬,針鼴屬同原針鼴屬。喺針鼴屬中只得一個品種;而原針鼴屬現存有3個品種,另外同屬嘅兩個品種經已絕種,只有化石。
澳洲針鼴(Tachyglossus aculeatus)喺新畿內亞東南部俾人發現,而且喺澳洲接近嘅地方亦發現佢哋嘅蹤跡,包括澳洲阿爾卑斯山脈同內陸沙漠地區,尤其喺螞蟻同白蟻非常多嘅地方。佢哋嘅體形比原針鼴屬動物細,但有長啲嘅刺。
原針鼴屬三個品種都係新畿內亞嘅「土著」,俾人捉嚟食而慢慢減少,蚯蚓同昆蟲係為嘢食,喺森林嘅樹葉堆中搵食。
絕咗種嘅兩個品種係:
針鼴科係細嘅哺乳動物,成身都有毛同刺。外表上,佢哋似南美洲嘅食蟻獸同其他有刺哺乳動物,好似刺猬同豪豬。腳短有大爪,不過四肢強而有力,令佢哋成為強勁嘅挖掘者。
佢哋有細同長嘅「口鼻部」,同時有口同鼻嘅功能,但係冇牙。會撕開軟木或蟻丘,用長同埋有黏性嘅脷,將獵物黐嚟食。澳洲針鼴多食蟻同白蟻,而原針鼴屬鍾意食蚯蚓、昆蟲。
針鼴科動物同鴨嘴獸一樣,係卵生嘅哺乳動物。雌性針鼴科動物會喺交配後第廿二日,生一個有羽毛同軟殼嘅蛋,並將佢放入身上嘅「育兒袋」裏面。孵化約需要十日時間,幼獸會從阿媽嘅乳腺啜食奶。喺育兒袋裏面約 45 - 55 日,BB仔會開始生刺出嚟。呢個時候阿媽會開始挖掘籠安置 BB,約每五日返來餵一次,直至 BB七個月大斷奶為止。
針鼴係一種好難成功繁殖嘅物種,目前全世界只有兩次成功繁殖嘅記錄:第一次喺1908年,喺巴林動物園(Belin Zoo)裏面成功繁殖出一隻,但係過咗3個月度就死咗;另一次喺1955年,Basel Zoo有一隻重83克,有12.5厘米長嘅針鼴出世,剛出世時佢個身好凍,雖然其後為佢保暖,但係都活唔到兩日。
香港動植物公園以前亦有養針鼴。籠係喺含笑樹之下嘅草地裏面,好難睇到佢,之後擺咗落去獅狨猴籠裏面一齊養,近幾年已經唔見公園有養,相信已經死咗。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.