口腔入面可以郁嘅器官,喺咀嚼、品嚐嘢食同埋講嘢方面起到緊要嘅作用 From Wikipedia, the free encyclopedia
脷(粵拼:lei6)係口腔中嘅一大束肌肉,幫手品嚐、咀嚼、吞食物,同埋發音嘅器官之一。脷係味覺器官之一,表面嘅大部分係味蕾。因為脷係幫助發聲嘅器官之一,喺一啲語言,例如葡文、俄文、波斯文、法文、西班牙文、波蘭文、亞美尼亞文、芬蘭文、愛爾蘭文、拉丁文、土耳其文中,「脷」呢個字都可以解「語言」。
脷 | |
---|---|
![]() | |
生理 | |
屬於 | 口 |
識別碼 | |
UBERON ID | 0001723 |
TA | A05.1.04.001 |
[改維基數據] | |
響中醫入面,可以通過條脷來診斷病情。
味覺始於條脷上邊嗰啲味蕾。味蕾包含咗一拃拃味覺感受器(可以睇睇神經細胞嘅概念),呢啲感受器分做好多款,每一款都會喺接觸到某啲特定嘅化合物嗰陣有反應,射神經訊號上去腦部度,腦部處理咗呢啲訊號,就知道條脷掂到嘅物件由乜嘢化學成份組成[1]。
例如酸味嘅主要來源係嘢食同嘢飲入邊有嘅酸性物質[2]:pH 值可以用嚟表達一種物質「酸性有幾勁」,例如檸檬汁嘅 pH 值估計就係喺大約 2 至 3 之間[3]—有顯著嘅酸性,條脷掂到就會令個人感受到一陣酸味。
一個人講嘢嗰陣發出嘅聲(尤其係元音),好大程度上受制於講嘢嘅人條脷嘅郁動。
|
例如上邊呢幅,係廿一世紀初香港粵語嘅單元音元音圖,當中每個元音都係用國際音標寫[4];啲人要將元音分類嗰陣,多數都係睇
用粵語做母語嘅人,可以試吓先後發出粵拼:i1(/i/)、粵拼:u1(/u/)同粵拼:aa1(/a/)噉嘅聲,再一路感受自己條脷嘅郁動。