臺灣省（俗字寫作台灣省；臺灣話：Tâi-oân-séng，臺羅：Tâi-uân-síng），簡稱「臺」，係中華民國（下稱「民國」）已虛級化嘅省份，全省劃分為11縣、3市，最早係大清喺臺灣設立嘅省級行政機構，目前由中華民國政府管緊；中華民國臺灣省唔包直轄嘅臺北市同高雄市、台南市、台中市、新北市、桃園市，佢面積佔民國政府目前際管轄全境（即臺、澎、金、馬、東沙、太平島，簡稱台閩地區）面積嘅69.38%，而人口就佔總人口嘅30.68%，係中華民國實際管轄區域嘅主體。
 | 請撳 Wikipedia:翻譯/臺灣省，去整翻譯請求。(翻譯指引) |
1949年國共內戰後，臺灣海峽兩岸劃海而治：民國政府搬咗去台灣，喺1990年代以前將大陸中共政權視為叛亂團體；中華人民共和國（下稱共和國）政府成立，不斷嘗試將臺灣納入佢嘅管治範圍，但未成功，當臺灣係「分離嘅省」。中華民國同中華人民共和國兩者嘅行政區劃都有臺灣省，但意義唔同。
内文：台灣史
台灣原住民係已知最早居住喺台灣嘅現代人類，各部族散居台灣，未有建立統一治理架構。中國古書上，三國時期孫權派兵到夷州嘅記載，最早係由對台灣歷史研究有顯著貢獻嘅日治時期日本學者依能嘉矩，喺著作《台灣文化志》中，推斷佢所描繪嘅「夷州」應該係而家嘅台灣。喺《隋書流求傳》就有流求國記載。但因證據不足，未能證明「夷州」、「流求國」或「琉求國」就係而家嘅台灣，而唔同時代嘅中國政權當時亦未對以上地區進行任何形式嘅統治。自16世紀以嚟，西方列強開始入侵台灣：西班牙人喺淡水、荷蘭人喺台南建立「熱蘭遮城」，進行殖民貿易，更從中國大陸吸納移民。明朝滅亡後，南明將領鄭成功打敗荷蘭人，將台灣改名「東都」，設立「承天府」。鄭經繼位後，改名「東寧王國」。
清朝攻下台灣之後，1684年即康熙年間設立「臺灣府」，台灣正式納入中國版圖，隸屬福建省。到光緒年間因英法列強先後想打臺灣主意，為加強台灣防務，閩浙總督上書朝廷要求閩台兩地「巡撫分駐」、「建省分治」。光緒十一年（1885年）慈禧太后下旨創建海軍同時，亦下詔閩台分治；1885年9月5號，清廷宣布台灣建省。但建省行政工作到光緒十三年（1887年）先至完成，首任台灣巡撫係劉銘傳。當時台灣省下設3府（台北府、台灣府、台南府），11縣（宜蘭、淡水、新竹、苗栗、台灣、彰化、雲林、嘉義、安平、鳳山、恆春），4廳（基隆、南雅、埔里社、澎湖）及1直隸州（台東）。
1895年清廷喺中日甲午戰爭戰敗，中日雙方簽訂馬關條約，將台灣及澎湖割讓日本，兩地成為日本殖民地，進入日治時期。日本將殖民地劃分為五州三廳（台北州、新竹州、台中州、台南州、高雄州、花蓮港廳、台東廳、澎湖廳）。日治時期，台灣亦叫做高砂國、高山國等。日本帝國係第一個有效統治整個台灣島嘅政權。
1945年第二次世界大戰打完之後，依盟軍統帥麥克阿瑟將軍一般命令第一號，要求喺中國、台灣、澎湖及中南半島日軍向「中國戰區」最高統帥蔣介石投降，自此台灣由中華民國接收。1945年8月31日，中華民國國民政府頒布《台灣省行政長官公署組織大綱》；9月1日，台灣省行政長官公署喺重慶成立臨時辦公處；9月20日，正式公布《台灣省行政長官公署組織條例》；10月25日，台灣省行政長官公署開始喺台灣運作。1947年4月22日，行政院會議決議撤銷行政長官公署，改組為台灣省政府。1967年7月1日，台北市升格為直轄市；1979年高雄市升格為直轄市。於2010年12月25日成立新北市（原臺北縣升格改制為直轄市）、臺中市（原臺中縣市合併升格改制為直轄市）、臺南市（原臺南縣市合併升格改制為直轄市）、高雄市（原高雄市縣合併為直轄市）；2014年12月25號原桃園縣升格改制為桃園市，同臺北市俗稱「六都」。
政區
臺灣省係中華民國屬下嘅行政區，範圍包括臺灣島、澎湖列島、釣魚臺（目前實際由日本控制）同佢附屬嘅島。
臺灣省下設新竹縣、苗栗縣、彰化縣、南投縣、雲林縣、嘉義縣、屏東縣、宜蘭縣、花蓮縣、臺東縣、澎湖縣11個縣同埋基隆市、新竹市、嘉義市3個市。雖然新北市、臺北市、高雄市、臺中市、臺南市、桃園市亦喺臺灣境內，但6個都係「直轄市」，並唔隸屬臺灣省。
「省主席」係臺灣省最高行政首長，1991年以前一直負責臺灣省內事務（臺北市同埋高雄市除外），由民國政府任命。1994年，首次舉行臺灣省省長直接民選，由宋楚瑜當選。不過，由於中華民國自由地區同埋臺灣省土地面積同人口高度重疊，有行政區劃同職權過度重疊嘅問題（中文：葉爾辛效應），1997年中華民國憲法修整後，臺灣省政府被虛級化（精省或稱凍省），臺灣省改由中華民國行政院直接管理。雖然依官方講法，噉做目的係整合政府組織，提升行政資源運用，但唔少人[邊個？ ]認為噉做係當時中華民國總統李登輝削減宋楚瑜嘅手段之一。亦有觀點認為，凍省係因為中華民國憲法增修條文嘅相關規定，臺灣省組織被大量精簡，功能亦大幅萎縮。宋楚瑜因為凍省嘅緣故，省長任期屆滿後就無公職，同時省長廢除，改列省主席，由總統指派。
2006年1月24號，新任行政院長蘇貞昌宣佈唔再任命臺灣省主席、副主席、同省府委員，即係話「凍省工程」告一段落，臺灣「省政府」成為歷史[1]。2006年1月25號由省秘書長鄭培富兼任代理省主席。2007年12月7號總統令：任命行政院政務委員林錫耀兼任台灣省政府委員兼任主席。
2018年6月28號，時任行政院院長賴清德宣布自2019年起省級機關預算歸零同去任務化。2018年7月1號，臺灣省政府行政組織同業務移交國家發展委員會辦理。
2019年1月1號，福建省政府行政組織同業務移交行政院金馬聯合服務中心辦理。臺灣省諮議會行政組織同業務移交立法院中南部服務中心辦理，議會相關檔案、公報、議事錄、地方自治事務研究發展等任務就移交國史館臺灣文獻館。
省會
中華民國政府喺民國三十八年（1949年）遷臺後，國家機構及臺灣省省會都設喺臺北市。為防範中國人民解放軍渡海轟炸臺北而癱瘓中樞，民國四十五年（1956年）「中央政府」着手疏遷計畫，規劃將台灣省政府、臺灣省議會同故宮遷移至臺中縣霧峰鄉坑口村，起辦公及宿舍群，作為戰時指揮中樞，並命名為光復新村。因土地徵收作業未趕上中央疏遷嘅期限，政府改喺南投縣虎山山麓營盤口庄起，民國四十六年（1957年）起好，佔地約200公頃，命名為中興新村。同年6月30日，省府正式疏遷至中興新村。
中興新村由美國援助撥款，借鏡英國「花園城市」概念，係規劃完善嘅辦公同住宅合一嘅田園式行政社區。中興新村亦係台灣第一個採用污水同雨水分離下水道設計嘅社區。中興新村營盤口部份，由北至南稱為「光輝」、「光華」、「光榮」、「光明」，營盤口以北稱為「營北」，合稱「中興五里」。地標建築中興會堂係一棟兩層巴洛克式建築，於民國四十八年（1959年）啟用，係省府集會及接待外賓、元首嘅地方。
中華民國臺灣省政府歷任首長
- 省主席時期（1947年4月22號行政長官公署改組為省政府）
- 魏道明（1947年5月16號–1949年1月5號）
- 陳誠 （1949年1月5號–1949年12月21號）
- 吳國楨（1949年12月21號–1953年4月16號）
- 俞鴻鈞（1953年4月16號–1954年6月7號）
- 嚴家淦（1954年6月7號–1957年8月16號）
- 周至柔（1957年8月16號–1962年12月1號）
- 黃杰 （1962年12月1號–1969年7月5號）
- 陳大慶（1969年7月5號–1972年6月6號）
- 謝東閔（1972年6月6號–1978年5月20號）
- 林洋港（1978年6月12號–1981年12月5號）
- 李登輝（1981年12月5號–1984年5月20號）
- 邱創煥（1984年6月9號–1990年6月16號）
- 連戰 （1990年6月16號–1993年2月25號）
- 宋楚瑜（1993年3月20號–1994年12月20號）
- 省長時期（民選）
- 省主席時期（精省後）
精省後嘅省政組織架構
省政府
- 首長：主席、副主席、秘書長、副秘書長（兩人）
- 省府委員：共九人（含正、副主席）
- 行政組室：資料室、秘書室、法規會、人事室、會計室、政風室
- 業務組室：民政組、文教組、經建組、財務組、社會及衛生組、公共事務管理組
- 特殊單位：十二區車輛行車事故鑑定委員會、訴願審議委員會
省諮議會
- 設諮議長一人、諮議會議員二十一人至二十九人（含諮議長）
- 業務編組：議事組、研究組
- 行政編組：行政組、人事室、會計室
- 特殊單位：國立台灣議政博物館籌備處
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
