罌粟

  呢篇文講鴉片罌粟。想搵第二個意思嘅話，請睇罌粟 (搞清楚)。

罌粟（粵拼：aang1 suk1；學名：Papaver somniferum），又叫鴉片罌粟（aa1 pin2*3 aang1 suk1），係罌粟科罌粟屬嘅1～2年生草本植物，原產小亞細亞半島、印度同伊朗。

How to read a taxobox 罌粟
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 毛茛目 Ranunculales 科 罌粟科 Papaveraceae 屬 罌粟屬 Papaver 種 罌粟 P. somniferum
二元學名
Papaver somniferum L.

罌粟喺全球好多國家被列為毒品。

樣

成樖嘢粉綠色，大多數1m高到。葉個樣似長嘅橢圓形，抱住梗嚟生。花係單生品種，大而靚，花色有4種，分別有藍、紫、白、紅；每年夏天開花，但花期好短。果係蒴果品種，好似個波噉，入面有好多粒細嘅籽。

用途

佢嘅籽可以榨油，殼可以曬乾嚟炒熟或做蜜炙都得。

藥用

果殼可以做藥，入面有嗎啡、可待因、罌粟鹼等30幾種生物鹼，可以做止痛同止瀉藥，用嚟醫肺虛同久咳、胸腹筋骨各種疼痛、因痢成日唔停肚屙、因腎虛而引起嘅遺精或滑精、心絞痛、血栓等病。

毒品

雖然罌粟嘅殼同籽各可以做藥同油，但長期用佢會上癮。因為佢嘅乳汁可以提取，乾燥咗之後可以做鴉片或海洛英。長期用佢會引起呼吸困難而隨時冇命，所以有好多國家被列為毒品。

相

植株 植株  葉 葉  未開花之前 未開花之前  花 花  開咗花之後 開咗花之後  花同果 花同果  果（未熟之前） 果（未熟之前）  果 果  果（熟咗之後） 果（熟咗之後）  籽 籽

罌粟喺各國嘅合法情況

罌粟喺全球大多數國家被列入監管，有國家甚至唔畀種，即使可以入境，都有一定範圍限制。

國家	限制性
英國	冇限制，但凈畀用喺醫療[1]。
加拿大	唔合法[2]
意大利	允許國內種植，但唔畀用嚟生產毒品。
紐西蘭	允許國內種植，但唔畀用嚟生產禁藥[3]。
緬甸	國內北部地區從20世紀初唔畀生產，而果敢同佤邦地區分別喺2002同2005年唔畀生產同種植[4]。
中國	允許國內種植，但凈限喺醫用，絕對唔畀私人種植[5]。
德國	唔合法
阿拉伯聯合酋長國	國內唔准種植，但佢啲籽產油或藥嘅方面，凈限喺至少1個未有入獄案底啲人去整[6]。
美國	私人種植屬違法行為，即使係公家，都唔畀私人去採集[7]。
日本	允許國內種植，但絕對唔畀私人種植。公家種植凈限喺醫療同榨工業用油範圍。
澳洲	唔允許私人種植，即使係公家種植，最多唔可以超過100樖。公家種植而賣出去啲果，最多售量唔可以超過25樖[8]。

冰島虞美人同罌粟、賽牡丹嘅區分

冰島虞美人同罌粟、賽牡丹經常俾人搞亂，因為花型相類似，但三者實情差好遠^[9]。

PK項	冰島虞美人	罌粟	賽牡丹
相
生存幾耐	3～5年	1～2年	1～2年
高度	0.2～0.6m	1m	0.25～0.9m
分枝數量	冇	少	多
毛嘅位置	梗、花柄	梗	梗、花柄
葉	冚唪唥係基生	近梗有柄 近上冇柄	冚唪唥係基生
花色	紅、橙、黃、白、粉紅	紫、紫藍、白、紅	紫、紅、白、藍、粉紅
花期	春夏時節開花且一直維持好耐	夏天開花但多時好快落	夏天開花但凈得2日花期
花徑	細	大	細
果嘥士	細	大	細
英文單詞	Iceland poppy	opium poppy	common poppy
限制性	冇	部分國家被列為毒品	冇
植物學分類	植物界 Plantae 被子植物門 Magnoliophyta 雙子葉植物綱 Magnoliopsida 毛茛目 Ranunculales 罌粟科 Papaveraceae 罌粟屬 Papaver 冰島虞美人 P. nudicaule	植物界 Plantae 被子植物門 Magnoliophyta 雙子葉植物綱 Magnoliopsida 毛茛目 Ranunculales 罌粟科 Papaveraceae 罌粟屬 Papaver 罌粟 P. somniferum	植物界 Plantae 被子植物門 Magnoliophyta 雙子葉植物綱 Magnoliopsida 毛茛目 Ranunculales 罌粟科 Papaveraceae 罌粟屬 Papaver 賽牡丹 P. rhoeas

睇埋

• 嗎啡
• 海洛英
• K仔
• 捹頭丸
• 大麻
• 冰毒
• 巧茶
• 罌粟花