濕地

濕地sap1 dei6（英文：Wetland）係水草交雜嘅地方，喺自然學上，陸生生態系統同水生生態系統交界處嘅統稱。佢種類有好多隻，例如有北方苔原沼澤，熱帶泥炭沼澤，所有嘅河流，低窪地區，池塘等。呢度生咗好多濕地植物。濕地全世界好多地方都有，有好多唔同動植物，係個好重要嘅系統。呢度有好多雀仔同唔同嘅野生動物響度繁殖暫住，因此咁就叫做雀鳥天堂。濕地擁有淨化環境嘅作用，所以畀人叫做地球個腎。夾埋森林、海洋就係世界三大生態系統。

日本群馬縣沼澤

印第安中嘅一塊細濕地

響人口爆炸同經濟發展嘅雙重壓力下，20世紀中後期勁多濕地畀人改成農地，加上過度開發資源開發同埋污染，濕地面積大幅度縮細，住喺濕地嘅物種受到嚴重影響。

為咗保護濕地、濕地裏面嘅豐富物種，1971年2月2號全球多個政府間喺拉姆薩爾呢個地方共同制定保護公約《拉姆薩爾公約》。直到2004年10月為止已經有超過141個成員，1387塊濕地列入國際重要濕地名錄，而保育名單亦每年不斷增加。而每年2月2號亦被定為「世界濕地日」。

作用

佛羅里達州一幅濕地

濕地係地球生態環境嘅重要組成部分，同森林、海洋一齊稱為全球三大生態系統。濕地嘅生態作用越嚟越受到重視。

• 濕地有極大嘅沉積同淨化作用：水入濕地之後，水流慢咗，水裏面嘅各種物質沉積，變為咗濕地植物嘅養份，有毒物質好快分解。
• 濕地物種極之豐富，生物多樣性高，遺傳資源豐富，因此有重要科學研究嘅價值。
• 濕地有好大嘅景觀價值：九寨溝、洞庭湖、鳥島等都係著名嘅濕地風景區，自然風景、動植物可作旅遊之用。

• 濕地中有大量水，喺水嘅生態循環中具有重要作用：
  • 濕地參與地下水嘅交流，可以容納地下水、調節地表徑流，對防旱同洪澇有重要影響
  • 濕地能防止海水入侵，減輕沿海土地的鹽碱化同枯水期海水向內河倒灌
  • 濕地可以保護海岸，防止侵蝕。熱帶同亞熱帶嘅紅樹林防止海岸侵蝕同時防風作用
  • 濕地嘅水分可製造微氣候。係乾旱地區中，周邊地區比其他地方氣候濕，有利於生態環境

• 濕地有豐富物產資源，高價值：
  • 濕地富產魚、蝦、藻類、蓮藕、蘆葦、藥材等，為農業、漁業、畜牧業同副業提供重要嘅自然資源。
  • 礦產資源。濕地中嘅泥炭係好嘅燃料；濕地係重要嘅油田分布區域；碱水湖同鹽湖濕地中有各種礦砂同鹽類資源

Info：蜻蜓生態

喺棲息地上，蜻蜓普遍偏好濕地等潮濕嘅環境^[1]：蜻蜓若蟲通常係住喺淡水水體裏面嘅，所以啲蜻蜓乸鍾意去呢啲地方生蛋，而既然啲乸會去呢啲地方生蛋，啲公就自然興响水體左近搵地盤霸；而且呢啲地方成日惹到各種細昆蟲聚集－即係話比較多獵物畀蜻蜓捉^[1]。因為噉，蜻蜓會食走大量嘅害蟲，廣泛噉畀人類覺得係益蟲^[2][3]。

2009 年响法國影到嘅一隻帝王蜻蜓（Anax imperator）若蟲 2009 年响法國影到嘅一隻帝王蜻蜓（Anax imperator）若蟲  2010 年响愛爾蘭影到嘅一幅相；一隻帝王蜻蜓乸喺度生蛋。 2010 年响愛爾蘭影到嘅一幅相；一隻帝王蜻蜓乸喺度生蛋。

定義同分類

由於濕地同水域、陸地之間並無明顯邊界，加上唔同學科對濕地嘅研究重點唔同，造成濕地嘅定義一直有分歧。

《拉姆薩爾公約》採用廣義濕地定義，就指無論係天然或人工、常久或暫時性嘅沼澤地、濕原、泥炭地或水域地帶，帶有或靜止或流動、或為淡水、半鹹水或鹹水水體，包括低潮時水深唔超過 6 米嘅水域。呢個定義包含狹義濕地嘅區域，有利於將狹義濕地及附近嘅水體、陸地形成一個整體，便於保護同管理。

濕地嘅狹義定義。美國魚類同野生生物保護機構於1979年美國嘅「濕地深水棲息地嘅分類」篇文咁定義為：「陸地同水域嘅交滙處，水位接近或處於地表面，或有淺層積水，至少有一至幾個以下特徵：(1) 至少周期性地以水生植物為植物優勢種；(2) 底層土主要係濕土；(3)每年嘅生長季節，底層有時有水。」定義重講湖同濕地以低水位時水深2米處為界，按呢個濕地定義，世界濕地可以分成二十多個類型。

附加資料

• 世界上最大嘅濕地係位於巴西中部馬托格羅索州嘅潘塔納爾沼澤地（Pantanal），面積達2500萬公頃。

• 現時全球濕地主要集中喺4個國家：加拿大（約1.27億公頃，佔全球24%）、美國、俄羅斯同中國。

• 全球有四分之三嘅人口被界定喺濕地上居住。

濕地科學同埋刊物

• 濕地生態學（Wetland Ecology）
• 水體生態學

• 《濕地科學》（雜誌，中國）

國際條約同埋組織

• 國際濕地公約（《拉姆薩爾公約》）
• 世界濕地日（每年2月2號）
• 國際鳥盟保護理事會（International Council for Bird Preservation，ICBP）
• 國際水禽濕地調查局（Inter-national waterfowl and wetland re-search bureau）
• 人同生物圈
• 東北亞地區鶴類保護區網絡
• 東亞-澳洲涉禽保護網絡
• 雁鴨類遷飛網絡

科學研究機構

中國研究機構見中國濕地條目。

• 澳洲
  • 澳洲濕地中心
  • 新南威爾士大學濕地生態研究中心

• 美國
  • 美國國家濕地研究中心（NWRC）
  • 佛羅里達州立大學濕地研究中心

相關術語

• 沼澤
• 泥灘
• 人工濕地
• 城市濕地
• 濕地植被（Wetland Vegetation）
• 濕地生物
• 濕地水鳥
• 紅樹林
• 泥炭
• 濕地園林
• 環境保護
• 生態危機
• 自然保護區

參閱

• 《拉姆薩爾公約》、2012國際重要濕地名錄、世界濕地日
• 米埔自然保護區
• 香港濕地公園
• 倫敦濕地中心

攷

1. Dijkstra, Klaas-Douwe B. (2006). Field Guide to the Dragonflies of Britain and Europe. British Wildlife Publishing. pp. 8-9.
2. Dragonflies. Backyard Buddies.
3. Why Are Dragonflies Important?. Sciencing.