沈君山

沈君山（1932年8月29號—2018年9月12號）^[1]係國立清華大學前校長、圍棋棋士、物理學家，籍貫浙江省餘姚市。

沈君山
中華民國（台灣）學者
個人資料
性別	男
出世	(1932-08-29)1932年8月29號 中華民國
死	2018年9月12號(2018-09-12)（86歲） 中華民國臺灣省新竹市馬偕醫院
籍貫	浙江省餘姚
政黨	—
配偶	曾麗華
學歷 金陵大學附屬中學 （1946年-1948年） 美國馬里蘭大學物理學博士 （1961年） 國立臺灣大學物理系學士 （1955年）
經歷 美國普林斯頓大學博士後研究員 （1961年-1962年） 美國太空總署副研究員 （1962年-1964年） 國立清華大學理學院院長 （1973年-1979年） 國立清華大學理學院院長 （1984年-1987年） 行政院政務委員 （1988年7月20號-1989年5月31號） 國立清華大學校長 （1994年1月28號-1997年6月） 臺灣省選舉委員會委員 （1980年-1989年） 中央選舉委員會委員 （1989年-1995年7月16號） 行政院教育改革審議委員會委員 （1994年-1996年） 國家統一委員會研究委員 （1990年1月-1996年） 中國天文學會理事長 （1974年-1984年） 中國物理學會常務理事 （1977年-1981年） 中國圍棋會副會長 （1987年-） 中華民國橋牌協會常務理事 （1989年-1996年） 中華民國橋牌協會名譽理事長 （1998年-） 吳健雄學術基金會董事長 （1997年-） 中央研究院評議員 （1991年-）

簡介

沈君山嘅老豆係中華民國農業專家沈宗瀚，有一個細佬沈君月。沈君山1950年原就讀廣州嶺南大學，之後逃離中國大陸，由廣州轉道澳門住咗約一年，再經香港去咗台灣；1955年自國立臺灣大學取得物理學士學位之後，走到美國於1961年取得馬里蘭大學物理博士學位。返回台灣任教於國立清華大學物理學系，爾後接任理學院院長。返國任教後嘅第十一年，1994年擔任國立清華大學校長至1997年為止^[2]。

1999年6月及2005年8月^[3]曾經兩度缺血性中風，2007年7月傳出第三次中風嘅消息^[4]。經過治療之後，於2008年1月，有啲好轉^[5]，之後仍然處於昏迷狀態，後來醒返。

沈君山於2018年9月12號上晝10點因腸道破裂引發感染喺新竹馬偕醫院離世，終年86歲。^[6]妻子曾麗華同細路仔沈曉津（醫師）陪伴在側。^[1][7]

家庭

沈君山有兩段婚姻，第一段婚姻喺美國。1973年，沈君山返到台灣，同喺美國嘅妻子離婚。第二任妻子係曾麗華，兩個人喺1989年結婚，生咗個仔沈曉津（醫師）。

逸事

沈君山係圍棋業餘六段棋士^[8][9]同橋牌嘅高手，曾經連續三屆榮獲美國本因坊冠軍，亦曾經獲兩屆世界橋牌大賽百慕達盃亞軍，係著名嘅旅日圍棋棋士張栩嘅義父^[10][11]；素與吳清源^[12]、木谷實、林海峰、曹薰鉉同聶衛平相識且有交誼。

沈君山嘅父母都係著名嘅農學專家；阿爸沈宗瀚係前農復會主委，曾經改良一小麥品種，命名「驪英一號」嚟追念於研究中因故辭世嘅沈君山阿媽—沈驪英。由於學經歷出眾、家長對國家社會貢獻良多，沈君山有台灣政壇四公子之一嘅美稱^[13]。

1980年美麗島事件中，國民黨內曾經有人主張要強硬處理，將主謀判處死刑。沈君山參與審判過程之後，面見蔣經國，希望佢唔好採取極端手段，並講：「不宜流血，第一，流血製造烈士；第二，流血國際視聽一定唔好；第三，我哋終究要喺呢塊土地耽下去，血流入土地，再亦都收唔番。」蔣經國於是決定以寬大方式處理，避免流血事件。^[14]

《永遠向前—紀政的人生長跑》書中提及，沈君山同田徑運動員紀政結識於1978年，紀政令沈君山留下深刻印象。1979年，國際奧會執委會喺日本名古屋召開，為爭取中華民國會籍問題，當時為「中國會籍危機處理小組」成員之一嘅沈君山，堅持要紀政、楊傳廣一齊出席喺名古屋召開嘅記者會。從名古屋返台後，沈君山同紀政嘅感情迅速升溫。兩個人曾經共遊希臘，喺愛琴海邊許下誓言，最後愛情昇華成友情^[15]。2005年沈君山兩度喺新竹中風，半夜打電話畀紀政求救，紀政馬上搵嚟咗沈君山嘅管家同119，先送新竹馬偕醫院急救，紀政自己亦從台北趕嚟。原計畫轉台大醫院，之後台大醫院打電話畀新竹馬偕醫院，講無病床。紀政打電話畀台北市副市長葉金川，亦都係臺灣大學醫學院畢業嘅舊生，至調到病床，救咗沈君山^[16]。

榮譽

• 「沈君山」小行星（小行星202605）：2006年4月18號由國立中央大學鹿林天文台嘅楊庭彰同葉泉志發現，並以佢命名。^[17][18]

註

1. 記者張雅婷╱即時報導，"清華大學前校長沈君山辭世 享壽87歲"，聯合報，2018年9月12號 10:24
2. 沈君山，《浮生三記》
3. 〈沈君山校長身體康復是大家的共同期望〉。中華民國台北市政府新聞處。2005年9月19號。喺2018年9月12號搵到。{{cite news}}: CS1 maint: url-status (link)
4. 黃美珠、車筱慧、謝文華 (2007年7月8號)。〈沈君山三度中風 垂危〉。自由時報。喺2018年9月12號搵到。
5. 林相美 (2008年1月7號)。〈中西並治 沈君山病情稍有進步〉。自由時報。原著喺2009年4月5號歸檔。喺2018年9月12號搵到。
6. Kuan, Rui-ping; Lee, Shu-hua; Hsu, Elizabeth (2018年9月12號). "Former Tsing Hua University president dies aged 86" (英文). 中央通訊社. 原著喺2018年9月12號歸檔. 喺2018年9月12號搵到.
7. 〈清大前校長沈君山辭世 享壽87歲〉。中央社。2018年9月12號。喺2018年9月12號搵到。
8. 根據台灣漢聲出版社出版嘅《沈君山說棋王故事》系列嘅作者簡介，沈君山「擁有日本業餘六段同中國圍棋六段證書。」但未知係邊個機構頒發。原文嚟自漢聲出版社網站，《沈君山說棋王故事2木谷實》介紹 互聯網檔案館嘅歸檔，歸檔日期2015年6月5號，.。比較能確定嘅係中國嘅證書亦都係業餘嘅，因為有其中喺中國參加業餘比賽嘅紀錄，例如台灣國立清華大學數位校史館沈君山校長相關報導 互聯網檔案館嘅歸檔，歸檔日期2013年1月13號，.嘅《沈君山一盤棋為清大募得一千五百萬元》中提到1995年嘅堯舜杯。此外《全美圍棋比賽沈君山博士獲本年冠軍》以及本文稍後提到嘅美國本因坊亦為業餘比賽。
9. 中華民國圍棋協會-升段準則 互聯網檔案館嘅歸檔，歸檔日期2012年6月8號，.中，寫沈君山對棋界有非常重大貢獻，所以授予業餘榮譽九段。
10. 王凌莉 (2003年12月3號)。〈一步步攀向黑白子的高峰 馬西屏出版張栩傳記《天生棋才》〉。自由時報。原著喺2005年4月27號歸檔。喺2018年9月12號搵到。
11. 林英喆、陳宛茜、梁玉芳 (2006年5月2號)。〈張栩拜師 沈君山只敢當乾爹〉。聯合新聞網。原著喺2012年2月26號歸檔。喺2018年9月12號搵到。
12. 王超群 (2002年1月9號)。〈第一盤棋 事隔50年 吳清源、林海峰再會中山堂〉。中國時報。原著喺2009年1月7號歸檔。喺2018年9月12號搵到。
13. 黃驚濤 (2007年10月11號)。〈風流沈君山 兩岸棋翩翩〉。南方周末。喺2018年9月12號搵到。{{cite news}}: CS1 maint: url-status (link)
14. 沈君山 (1980年4月11號)。〈以法制暴,以理釋惑,以德化怨——「高雄事件」審判旁聽有感〉。《聯合報》 (中文)。頁 03版。 {{cite news}}: |access-date= requires |url= (help)
15. 〈李玉玲/過往的美好 被紀政暱稱沈大頭〉。聯合報。2005年10月3號。原著喺2013年12月27號歸檔。喺2018年9月12號搵到。
16. 〈二進宮〉。聯合報 聯合副刊。2005年9月18號。
17. 陳至中 (2009年5月9號)。〈天文研究最高榮耀 小行星命名「沈君山」〉。中國時報。原著喺2020年3月28號歸檔。喺2018年9月12號搵到。
18. 郭淑敏 (2009年5月11號)。〈「沈君山」小行星 3年前發現 台灣目前看不到〉。中國時報。原著喺2020年3月28號歸檔。喺2018年9月12號搵到。

參考

• 中美斷交前… 費浩偉與沈君山的一盤棋

出面網頁

• 70年代國民黨接班梯隊　沈君山曾與連戰等人並稱四公子