文德路 (廣州)

文德路（粵拼：man4 dak1 lou6）係廣州市越秀區一條南北走向嘅馬路。南邊從沿江中路開始，一直向北去到中山四路嗰頭。其中中間重有條文德東路嘅分岔，去到聚仁坊嗰邊。

文　德　路 WENDE ROAD

性質： 一般馬路 全長： 0.630公里 行車線： 雙向4車道 地區： 廣州市越秀區 起點： 沿江中路 終點： 中山四路 主要建築： 文德路小學 廣州市第十三中學 城隍廟 東方文德廣場 孫中山文獻館 廣州市貿易職業高級中學

史

呢條馬路喺清朝嗰陣，係「廣州府學宮」東邊嘅條街，所以嗌「府學東街」。到咗民國7年（1918年）嗰陣，廣州市政府就將呢條街整闊咗，但係唔叫「府學東路」呢個名，而係攞咗馬路東邊嗰條街「文德里」個名，先至改咗「文德路」。呢個名重一路用到而今。

經過嘅道路

呢度啲路嘅順序係從南去到北來排嘅，其中加粗咗嘅字係主幹道：

• 沿江中路
• 八旗二馬路
• 珠光路
• 萬福路
• 聚仁坊^[a]
• 文明路
• 中山四路

註 a: ：呢度有條嗌文德東路嘅分岔，一直去到嗰度。

特色

呢條馬路沿路有好多古蹟響度。明朝嗰時嘅羊城八景之一，番山雲氣就係喺呢條馬路北邊。而今馬路嘅最北邊重有間城隍廟響度。條路重有好多間出名嘅書檔、古玩、文具檔。

史蹟同歷史建築

• 南園：文德路以東、文德東路同聚仁坊以北、聚賢北街以西一帶。依家消失咗。
• 廣州留法同學會：文德路69號之一大院內，係林克明其中一個畀外國專家稱贊嘅“現代主義建築”作品。^[1]
• 廣州留美同學會：文德路39號^[2]，目前首層出租作餐廳，原來嘅巴洛克風格外觀已面目全非。
• 廣州留東同學會^[b]：曾經喺文德路廣州市第13中學入邊，經已畀人拆咗。
• 廣州世界語學會：文德路60號，1929年由黃尊生、區聲白創立。
• 廣州大學附屬中學（1928年）：文德路19號，今日文德路小學南校區。
• 恒園：文德東路16號，原本係國民革命軍總司令部參謀長李濟深嘅官邸，1937年5月賣畀培正同學會做會所。未還。

註 b: ：東指東洋，即係日本。

文德路字畫文化街

文德路字畫文化街喺唐朝同宋朝嗰時，一直係工作嘅文人雅士、社會名人嘅聚集地。而家係廣州市入面搞書畫藝術品嘅街市。

睇多啲書

• 广东玩全攻略 （广州游-文德路字画文化街） ISBN 978-7-5495-0379-7

參考

1. 〈广州日报：八十年前广州平民也住"宫"〉。www.douban.com。喺2024-03-06搵到。
2. 〈广州欧美同学会〉。原著喺2015年1月6號歸檔。喺2015年8月6號搵到。