張繼安

張繼安係個香港警察，因為身為藝人張繼聰嘅細佬，而且曾經負責香港警察拍攝一啲對外工作，同埋喺香港反送中運動期間被指濫權而得到公眾關注。

喺香港警察入面嘅工作

佢2006年1月加入香港警察，曾駐守上水分區同埋機場特警組 (ASU)，後來自薦調職去警察公共關係科^[1]。

警察公共關係科

喺2018年5月，當時五月天喺香港迪士尼樂園舉辦演唱會，香港警察喺facebook專頁發佈一段有關去迪士尼樂園觀看五月天演唱會嘅交通須知，當時任職警察公共關係科嘅張繼安就被暱稱阿安，喺片段入面負責講解交通安排。呢段片發佈後，就有網民發現佢係張繼聰嘅細佬^[1]。

佢亦曾經同張繼聰一齊出鏡拍短片，呼籲市民支持警方有份舉辦嘅愛護動物活動^[1]。

2020年4月，佢取代咗有傳被警隊管理層指網上言行唔符合警隊價值觀嘅梁皓妤做電視節目《警訊》主持^[2]。

香港反送中運動期間

喺香港反送中運動期間，香港警察被指對示威者嚴重濫權，甚至強姦同殺害一啲示威者，但親中派就不時發起支持警察嘅集會。張繼安曾經公開答謝佢父母喺落雨嘅前景之下出席呢啲撐警活動，因而受到一啲批評^[3]。

參考

1. 〈【機場特警】傳張繼安接棒當《警訊》主持 張繼聰胞弟「好打得」搏擊大賽亞軍 - 香港經濟日報 - TOPick - 娛樂〉。topick.hket.com。喺2022-07-29搵到。
2. 《警訊》主持梁皓妤被撤換　親證已向警方辭職：自問好畀心機做
3. 張嘉敏 (2019-07-04)。〈張繼聰細佬張繼安IG出post多謝父母冒雨撐警：除了感動還是感動〉。《香港01》 (香港中文)。喺2022-07-29搵到。