廣福邨

廣福邨（Kwong Fuk Estate）係香港大埔一公共屋邨，響林村河同大埔河匯流同大埔海之間。廣福邨八棟樓1983年落成，全邨響大埔海填地之上。邨中間有廣福邨商場。

廣福邨

地理

廣福邨喺大埔新市鎮東側，林村河南岸，太埔河東岸。隔元洲仔公園到大埔海西岸。邨東南係已連地嘅元洲仔，西南係運頭角。

邨南有大埔公路，係南面入大埔市區主要道路，直入廣福道，而廣福邨亦由此而名。

廣福邨東南隔廣宏街係宏福苑。廣福邨同宏福苑自成一角，畀河與道隔開大埔新市鎮其他部份。

歷史

廣福邨所在，原為大埔海。運頭角同元洲仔係最近陸地。兩地之間，係大埔河口。英國1898年入主新界之後，1900年代起九廣鐵路同大埔公路。其中大埔公路近黃宜坳落山之後，起堤駁住元洲仔同運頭角，通去大埔太和市。

條堤令大埔河口積沙成地，河口推遠至元洲仔附近出海。之後大埔響香港政府規劃之下，變成大埔新市鎮，一方面大幅填海，另一方面改變河道，同時道路網路亦大幅改變。

因為堤外大埔海邊，大幅填地，大埔河改向北走，同受填地影響嘅林村河匯合再向東出海。1983年，呢笪地，起好廣福邨。同邨有中小學同社區會堂。

樓

廣福邨1983年起好，一共有八棟，其中廣仁樓同廣惠樓都係新舊型。而廣禮樓 ，廣義樓，廣祐樓同廣平樓係雙塔型。同埋廣智樓同廣崇樓皆係Y2型。

出面網頁

• 〈房屋署廣福邨簡介〉。