廣州城牆

廣州城牆（粵拼：gwong2 zau1 sing4 coeng4）係指秦朝到民國初年廣州城嘅城牆。現時可攷歷史最耐嘅廣州城係秦朝嘅番禺城。經歷咗從秦朝到明朝嘅諸多變遷之後，到咗清朝，廣州城逐漸定型，到民國初年到無點變過。1912年3月，主掌粵省嘅陳炯明落令拆正東門城牆開馬路，到1920年代拆清光。

史

秦朝中葉，南海郡尉任囂喺起番禺城並設做郡治。到咗前203年，趙佗喺處建南越國，定都番禺並增築城牆。

魏晉時期，步騭做廣州刺史，喺趙佗城廢墟基礎之上重建城牆。

到咗1037年，由於廣東地方官員開始向朝廷話有部分廣州城牆冧咗，要嗌人維修先至得，收尾朝廷同意。1045年，又進一步整返廣州統治機關入面嘅「子城」^[1]。1068年，就喺子城東面、之前南越趙佗城冧咗嗰度起返座城牆。1071年，起返西城。

1380年，嗰時霸緊廣州嘅永嘉侯朱亮祖就話整大個廣州城，之後將3個城合併。重向北延伸到而家嘅越秀山^[2]。

1565、1566年，喺五羊驛同埋西南角樓起城門；1599年嘅而家文明路嗰邊整咗個門。1640年，擴建北城，就喺而家越秀山上面，近住五層樓嗰處起城墻。

拆城牆

辛亥革命之後，廣州凈得長堤1條可以行車嘅馬路。而長堤嘅馬路都好短，凈係從沙面去到而家嘅仁濟路口嗰度。嗰時為咗發展廣州城嘅交通業，就喺1912年3月正式開始拆城墻，一直到1920年先至拆嗮^[3]。

城門沿革

秦朝

舊時嘅廣州城門

任囂城

城門	而家喺邊個位
東	中山四路嘅舊倉巷交界
南	西湖路
西	中山五路嘅小馬站嗰邊

趙佗城

城門	而家喺邊個位
東	中山路嘅舊倉巷交界西邊
南	北京路同西湖路嘅交界北邊
西	朝天路嘅豔芳影相館嗰邊
北	近住越華路南邊

唐朝

東門同西門、北門嘅位冇乜點變過，而南門就變咗去而家北京路同大南路同文明路交界嗰度。

宋朝

喺宋朝嗰陣，廣州就嘅城門多到16個。

東城

城門	第個名	而家喺邊個位
東	行春門	中山四路同長塘街嘅交界西邊
南	鎮安門	大南路
西	代天門	中山五路入面，舊時黃鸝巷嘅東邊隔籬
東南門	步雲門	文明路同文明門街嘅交界

中城

西城

明清

註

1. 《續資治通鑒長編》：「遂城之，環五里」、「雉堞三百」。
2. 〈廣州投入四千多萬元修繕越秀山古城牆〉。中國民族宗教網。{{cite web}}: CS1 maint: url-status (link)
3. 〈激辯不斷，廣州掀起拆城牆運動〉。廣州市政協門戶-廣州文史。2011年4月14號。原著喺2016年3月5號歸檔。喺2014年10月28號搵到。