越秀山

越秀山（粵拼：jyut6 sau3 saan1）係廣州嘅一座山，海拔70米。北面有白雲山，南面對住中山紀念堂同廣州市政府。好耐以前，越秀山又叫做粵秀山、越王山。明朝永樂年間，山上曾經有座觀音閣，所以又叫觀音山。由主峰越井崗同埋周圍嘅桂花崗、木殼崗、鯉魚崗等等七個山崗同三個人工湖（東秀湖、南秀湖、北秀湖）組成。面積一共有86萬平方米。

而家越秀山主要部分係一個公園，裏面包括咗好多遊覽景點同體育場地。