廉政狙擊

《廉政狙擊》（英文：Mission Run），原名《廉政狙擊·黑幕》，係由香港邵氏兄弟國際影業有限公司拍攝製作、用香港廉政公署做題材嘅時裝電視劇，由黃宗澤、吳卓羲、王浩信、譚俊彥、胡定欣、蔡思貝、林夏薇同黃智雯領銜主演，由陳展鵬、黃智賢、郭政鴻、方力申、高鈞賢、黃子恆同蔡潔聯合演出，導演黃國強同曾敏珊，編審關皓月，監製樂易玲同黃國強。^[2][3][4][5]呢套劇喺2022年12月10日喺大陸優酷獨家首播。

廉政狙擊 Mission Run
類型	時裝紀律部隊
編劇	馮靜雯、關淑芬、李敏慧
編導	黃國強、曾敏珊
主演	黃宗澤、吳卓羲、王浩信、譚俊彥、 胡定欣、蔡思貝、林夏薇、黃智雯、 陳展鵬、黃智賢、郭政鴻、方力申、 高鈞賢、黃子恆、蔡　潔[1]
集數	27
主題曲	友共情（廣東話） 只友情不變（普通話）
作曲	陳光榮
填詞	周禮茂
主唱	吳業坤、胡鴻鈞
製作
拍攝／製作年份	2021年5月－9月
監製	謝　穎（總監製） 樂易玲、黃國強、劉佳莉
編審	關皓月
拍攝地	香港
製作公司	香港邵氏兄弟國際影業有限公司、優酷
無綫電視翡翠台首播
播出日期	2023年2月20號－3月26號
播出時間	逢禮拜一到五 21:30－22:30

故事大綱

故事講述五位主角細個因爲意外失散，大個之後喺執行任務期間重遇。身份懸殊嘅各人喺懷緬過去時，亦秉持公義執行職務，並喺友誼同公義之間掙扎。

演員表

主要演員

演員	角色	暱稱／關係
黃宗澤	洛子峰	洛Sir、豆丁（以前嘅花名） 廉政公署執行處總調查主任 洛子欣嘅細佬 卓以凡、韋繼明同方家晴嘅童年好友，喺25年前唐樓冧咗之後失散，喺廿幾年後重遇 章耀祖嘅下屬 黎曉山、麥兆倫嘅上司 暗戀方家晴 被黎曉山追求
吳卓羲 黃梓賢（童年）	卓以凡	以凡 原名張以凡 廷暉集團律師 卓廷光嘅養子 卓日升無血緣關係嘅哥哥 傅天耀嘅契仔 洛子峰、韋繼明、洛子欣同方家晴嘅童年好友，喺25年前唐樓冧咗之後失散，喺廿幾年後重遇 同屠敏、方家晴有感情線
王浩信	韋繼明	阿明、少爺仔（以前嘅花名） O記高級督察 畢永鏗嘅下屬兼師弟 洛子峰、卓以凡、洛子欣同方家晴嘅童年好友，喺25年前唐樓冧咗之後失散，喺廿幾年後重遇
譚俊彥	章耀祖	章Sir 廉政公署執行處首席調查主任 洛子峰、周佩安、黎曉山、麥兆倫嘅上司
胡定欣	屠　敏	屠老闆、子欣、子欣姐（方家晴專稱） 原名洛子欣 昭強集團主席 陳世邦嘅後母 洛子峰嘅家姐 卓以凡、韋繼明同方家晴嘅童年好友，喺25年前唐樓冧咗之後失散，喺廿幾年後重遇 因為冧樓事件而要截肢 同卓以凡有感情線
蔡思貝	黎曉山	阿山 廉政公署執行處調查主任 章耀祖、洛子峰、周佩安嘅下屬 方家晴嘅好朋友 追求洛子峰
林夏薇	周佩安	Ann 廉政公署執行處總調查主任 章耀祖嘅下屬 黎曉山、麥兆倫嘅上司
黃智雯	方家晴	家晴、阿晴、小肥肥（以前嘅花名） 風華歌廳歌手 洛子峰、卓以凡、韋繼明同洛子欣嘅童年好友，喺25年前唐樓冧咗之後失散，喺廿幾年後重遇 同卓以凡有感情線 洛子峰嘅暗戀對象 黎曉山嘅好朋友

其他演員

演員	角色	暱稱／關係
陳展鵬	畢永鏗	畢Sir O記總警司 韋繼明嘅上司兼師兄
黃智賢	卓廷光	廷輝集團主席 有黑社會背景 卓以凡嘅養父 卓日升嘅爸爸 傅天耀嘅好朋友
郭政鴻	傅天耀	傅爺 聯興大佬 卓廷光嘅好朋友 卓以凡嘅契爺
方力申	陳世邦	Brian 昭強集團非執行董事 屠敏之繼仔，同佢不和
高鈞賢	卓日升	升少 時機公關老闆 卓廷光嘅仔 卓以凡無血緣關係嘅細佬
黃子恆	麥兆倫	阿倫 廉政公署執行處調查主任 章耀祖、洛子峰、周佩安嘅下屬
蔡　潔	韓睿妮	Vani 昭強集團執行總監 屠敏嘅得力助手

軼事

• 邵氏開拍呢套劇嗰陣，咁啱無綫電視亦拍緊《廉政行動2022》，畀傳媒話係「鬧雙胞」，結果《廉政行動2022》喺2022年5月率先喺翡翠台首播，而呢套劇要到2023年2月先至喺翡翠台首播。

參考

1. 根據片尾演員表排名
2. 〈隔離都要見黃宗澤 吳卓羲原來平時唔着底褲？〉。《on.cc東網》。2021-05-25。喺2022-04-11搵到。
3. 〈【廉政狙擊】胡定欣為新劇角色失眠 黃智雯重拾結他廟街獻藝〉。香港經濟日報。喺2022-04-11搵到。
4. 〈《廉政》劇鬧雙胞 兩大視后胡定欣蔡思貝對撼〉。《on.cc東網》。2021-05-22。喺2022-04-11搵到。
5. 〈拍劇鬧雙胞！蔡思貝譚俊彥唔怕角色混淆〉。《on.cc東網》。2021-05-25。喺2022-04-11搵到。