將改革進行到底

《將改革進行到底》（粵拼：zoeng1 goi2 gaak3 zeon3 hang4 dou3 dai2；簡化字：将改革进行到底；英文：To Reform in the End）係由中共中央宣傳部、中央全面深化改革領導小組辦公室組織指導，中國中央電視台整嘅一部10集大型政論專題片，亦係迎接中國共產黨第十九次全國代表大會勝利召開嘅獻禮作品。呢部片主要講述自中共十八大以嚟全面深化改革所攞到嘅成就。2017年7月17號喺中國中央電視台綜合頻道首播^[1]。

將改革進行到底 To Reform in the End
片頭畫面
類型	紀錄片
編劇	崔文華、樊文春、楊禹
總導演	肖振生
旁白	剛強
製作國家／地區	中國大陸
語言	普通話
字幕	簡體中文
集數	10（每集一覽）
每集長度	50分鐘
製作
拍攝／製作年份	2017年
製作人	楊威
拍攝地	中國大陸各地
機位	多機位
製作公司	CCTV
發行公司	CITVC
播映
首播頻道	CCTV-1（計埋港澳版）
圖像制式	SDTV 576i HDTV 1080i
聲音制式	立體聲
播出國家／地區	中國大陸、香港、澳門
播出日期	2017年7月17號 (2017-07-17)—7月26號 (2017-07-26)
播出時間	每日 20:00—20:50
相關節目
續作	法治中國
出面網頁
官方網站

播出時間同平台

2017年7月17號，《將改革進行到底》喺中國中央電視台綜合頻道黃金時段首播。中國中央電視台財經頻道、中文國際頻道同新聞頻道由第二日開始分別喺幾個時段同步播放^[2]。

令外，呢部紀錄片重喺中國大陸上星綜合頻道同地面主頻道播出。新媒體方面，央視網、「央視新聞」新媒體平台同中央主要媒體所屬新聞網站、「兩微一端」同主要商業網站上線播出^[2]。

頻道	所在地	播映日期	播出時間
CCTV-1 （計埋港澳版）	中國大陸  香港 澳門	2017年7月17號	每日 20:00—20:50
CCTV-2	中國大陸	2017年7月18號	每日 12:30—13:20
CCTV-4	世界		每日 18:10—19:00（亞洲版／北京時間）
CCTV-13	中國大陸		每日 13:00—13:50

分集介紹

集數	標題	首播日期
1	《時代之問》	2017年7月17號 (2017-07-17)
呢集係成部專題片嘅總論。以習近平就任中共中央總書記做切入點，講述咗全面深化改革重大戰略部署嘅決策過程，習近平總書記改革理念嘅形成軌跡，全面深化改革嘅基本理念，各領域圍繞全面深化改革推出嘅一系列方針舉措，同埋全面深化改革實施3年以嚟攞到嘅一系列重要成就。
2	《引領經濟發展新常態》	2017年7月18號 (2017-07-18)
呢集聚焦經濟體制改革。以「新常態」做主線，講述以習近平做核心嘅黨中央帶領全國各族人民深化經濟體制改革嘅過程，同埋各領域圍繞深化經濟體制改革推出嘅一系列方針舉措。回答咗對中國經濟「怎麼看」、「怎麼幹」、「幹什麼」嘅一系列現實問題。
3	《人民民主新境界》	2017年7月19號 (2017-07-19)
呢集聚焦政治體制改革。以堅持黨嘅領導、人民當家作主、依法治國作為主線，講述咗全面深化改革對於政治體制改革提出嘅目標、作出嘅部署、展開嘅實踐同得到嘅成就。
4	《維護社會公平正義》	2017年7月20號 (2017-07-20)
呢集聚焦司法體制改革。以司法責任制改革、訴訟制度改革、司法便民利民改革做主線，講述咗司法體制改革點樣實現已提出幾年但冇付諸實踐嘅改革。
5	《延續中華文脈》	2017年7月21號 (2017-07-21)
呢集聚焦文化體制改革。以「四個自信」做切入點，以傳承中華文化、弘揚時代精神、講好中國故事做主線，講述咗全面深化改革對於文化體制改革提出嘅目標、作出嘅部署、展開嘅實踐同得到嘅成就。
6	《守住綠水青山》	2017年7月22號 (2017-07-22)
呢集聚焦生態文明體制改革。以習近平總書記提出嘅「生態興則文明興」、「綠水青山就是金山銀山」等重要論述做出發點，講述咗以習近平做核心嘅黨中央全面推進生態文明體制改革以嚟攞到嘅一系列成就。
7	《強軍之路》（上）	2017年7月23號 (2017-07-23)
呢集聚焦國防同軍隊改革。以紀念中國人民抗日戰爭暨反法西斯戰爭勝利70周年閱兵式做切入點，系統性咁闡述咗習近平主席改革強軍戰略思想，講述咗中國人民解放軍新一輪改革嘅時代背景、戰略考量同重大舉措。
8	《強軍之路》（下）	2017年7月24號 (2017-07-24)
呢集係上一集內容嘅延續。講述咗國防同軍隊改革得到嘅一系列成就，同埋全軍官兵同社會各界人士對新一輪軍隊改革做嘅積極評價同正面反響。
9	《黨的自我革新》	2017年7月25號 (2017-07-25)
呢集聚焦黨嘅建設制度改革同黨嘅紀律檢查體制改革。以焦裕祿做蘭考縣委書記期間種下一棵泡桐樹嘅經歷做切入點，透過全面展現中共十八大以嚟嘅反腐敗工作同埋全面從嚴治黨推出嘅一系列方針舉措，反映咗以習近平做核心嘅黨中央全面從嚴治黨攞到嘅一系列成就。呢集入面有首次公佈嘅落台高官嘅畫面同埋對基層黨員幹部嘅採訪。
10	《人民的獲得感》	2017年7月26號 (2017-07-26)
呢集聚焦民生領域改革。以習近平總書記喺2014年發表嘅新年賀詞做切入點，講述咗全面深化改革對於民生領域改革提出嘅目標、作出嘅部署、展開嘅實踐同得到嘅成就。重喺最尾對全面深化改革所攞到嘅成就做咗總結。

收視率

中國大陸 中央電視台綜合頻道 首播收視率
集數	播出日期	CSM52			CSM全國網			備註
		收視率	收視份額	排名	收視率	收視份額	排名
1	2017年7月17號	0.926	3.035	3	0.83	3.08	2
2	2017年7月18號	0.794	2.598	1	0.79	2.92	3	CSM52數據入面冇濟寧數據
3	2017年7月19號	0.767	2.503	2	0.71	2.54	5
4	2017年7月20號	0.733	2.427	4	0.64	2.32	5
5	2017年7月21號	0.722	2.409	10	0.73	2.64	9
6	2017年7月22號	0.693	2.344	11	0.66	2.48	8
7	2017年7月23號	1.031	3.308	4	0.9	3.33	2
8	2017年7月24號	0.780	2.528	2	0.85	3.07	3
9	2017年7月25號	0.903	2.985	2	0.73	2.68	5
10	2017年7月26號	0.771	2.525	3	—	—	—

1. 數據由央視索福瑞提供，調查範圍係四歲以上觀眾。
2. 以上收視排名包括央視在內。
3. 資料來源：衛視這些事兒、TV未知數。
4. 排名係當晚所有非劇集類節目嘅排名，並唔一定係同時段或同類型。

反響同評價

《將改革進行到底》首播後，全國各地幹部群眾陸續組織集中收睇。根據《人民日報》嘅報導，各地幹部群眾畀呢部片以高度評價，認為呢部片「係對十八大以嚟全面深化改革實踐嘅全面梳理同全景展示，振奮人心」，重表示「喺實現中華民族偉大復興嘅道路上，以習近平做核心嘅黨中央必將帶領全國各族人民，向著深化改革嘅新征程繼續前進」^[3]。

相關產品

呢部片配有5碟裝同名DVD，ISBN係978-7-7998-3645-4。另外，呢部片嘅同名解說書籍由人民出版社、學習出版社一齊出版^[4]。

參考

1. 〈十集大型政論專題片《將改革進行到底》即將開播〉。《人民網》 (中國中文)。2017-07-16。原先內容歸檔喺2019-06-10。喺2017-07-16搵到。
2. 央視新聞 (2017-07-16)。〈央視10集大片來了，明晚8點一套首播！〉。《微信公眾平台》 (中國中文)。原先內容歸檔喺2020-03-28。喺2017-07-16搵到。
3. 〈堅定信念，走好深化改革路——社會各界積極評價大型政論專題片《將改革進行到底》〉 (中國中文)。人民日報。2017-07-28。原先內容歸檔喺2019-06-09。喺2017-08-19搵到。
4. 〈7部重點專題片音像製品和同名書首發〉。《中國社會科學網》 (中國中文)。中國新聞出版廣電報。2017-11-07。原先內容歸檔喺2017-12-25。喺2017-12-25搵到。

出面網頁

• 《將改革進行到底》官方網站
• 《將改革進行到底》喺豆瓣嘅資料（大陸簡體）