壽桃包

壽桃包係蓮茸包嘅一種，可以分做壽桃同壽包。

• 壽桃：粉紅色嘅包身就好似蟠桃一樣，紅事（喜慶場合，好似生日宴會）用。
• 壽包：喺喪事（白事）後解穢酒用，色白，冇紅印。

典型嘅壽桃

因喪事而宴客嘅壽包係白色，圖中呈粉紅色嘅屬壽宴用嘅生日包，同壽桃功用相同。

而喺傳統嘅稱謂上，用喺壽宴嘅壽桃包叫「壽桃」；用喺白事嘅叫「壽包」，分得好清楚。但時至今日，香港嘅酒家業界，乃至普羅大眾，已經撈亂兩者嘅稱呼，將兩者都簡稱做「壽包」。

點心版

作為香港茶樓點心，壽桃包通常係白色包身，更日益進步似桃形狀（中間佔半長度有微微直紋，包身一邊成尖細狀），頂部表面為淺粉紅色。有啲茶樓嘅版本，除蓮蓉餡外更有咸蛋黃。

有啲點心專門店嘅小壽桃包只有蓮蓉餡而無咸蛋黃，大壽桃包先有咸蛋黃。