以色列

以色列國; מדינת ישראל
旗	徽
	國歌：הַתִּקְוָה（希望）;
屬地（實轄）
首都	耶路撒冷（好多國家仲未承認）
時區	以色列標準時間：UTC+2; 夏令時：UTC+3
國民
人數	以下係2015年嘅估計數字人數：8,462,000（世界第96名）; 人口密度：388/km2（世界第34名）;
官方語言	希伯來語; 阿拉伯語;
民族	74.9% 猶太裔; 20.7% 阿拉伯裔; 4.3% 其他族裔;
主要宗教	74.7% 猶太教徒; 17.7% 穆斯林; 2.0% 基督徒; 1.6% Druze; 4.0% 第啲;
行車方向	靠右
政制
	主要領袖國家元首（總統）：艾薩克赫爾佐格; 政府首腦（總理）：內塔尼亞胡;
	其他領袖（單一制議會共和國）以色列國會（議長）：Amir Ohana; 以色列最高法院（首席法官）：Esther Hayut;
經濟
	GDP（購買力平價）以下係2016年嘅估計數字總計：2970億美元（第56名）; 人均：3.48萬美元（第34名）;
	GDP（國際匯率）以下係2016年嘅估計數字總計：3120億美元（第35名）; 人均：3.66萬美元（第23名）;
	HDI 以下係2014年嘅估計數字 0.894（第18名）－高;
中央銀行	以色列銀行
貨幣	以色列新謝克爾（ILS，₪‎）
堅尼系數	42.8
資訊
	立國歷史立國日期：1948年5月14號; 立國事件：以色列獨立宣言;
國家代碼	IL
國際域名縮寫	.il
國際電話區號	+972

32°N 34.9°E / 32; 34.9

Quick Facts 以色列國 מדינת ישראל, 屬地（實轄） ...

Close

以色列國（希伯來文：מדינת ישראל‎）通稱以色列（希伯來文：ישראל‎），係西亞一國，喺地中海東南邊。呢個國多數人口係猶太人，仲有一部分阿拉伯人。行議會制民主。國際社會普遍承認以色列嘅首都係特拉維夫。以色列自稱耶路撒冷係佢嘅首都，但多國唔承認呢個講法。

摩洛哥、西撒哈拉、阿爾及利亞、突尼西亞、蘇丹、索馬里、科摩羅、阿拉伯半島、黎巴嫩、敘利亞、約旦、阿富汗、巴基斯坦、孟加拉、不丹、馬來西亞，以及印尼、北韓都唔承認佢係個獨立主權國。古巴同伊朗曾經承認佢係個獨立國，但先後喺1949年4月18號（古巴）同2019年1月20號（伊朗）取消咗。而委內瑞拉、毛里塔尼亞、馬里同尼日爾甚至切斷同佢之間嘅外交關係。

體育運動方面，佢立國之後雖然一直喺亞洲區，代表過以色列國家隊攞過1964年亞足協亞洲盃冠軍^[3]，重參加過1970年FIFA世界盃^[4]；喺1967、1969同1971年嘅亞洲冠軍聯賽（而家係亞洲冠軍盃），特拉維夫馬卡比同特拉維夫夏普爾亦先後攞過冠軍。佢雖然一直都有參加過亞洲運動會，但因佢嘅政治因素而冇參加過1962年^[5]同1978年^[6]亞運，重喺1976年7月份開嘅亞奧理事會入面投票通過，成功將以色列趕出亞洲區^[7]。之後一直都冇再參加亞洲區啲賽事，直到2015年先至加入歐洲運動會而繼續參加賽事^[8]，從此以色列喺體育運動方面脫亞入歐。

喺英國廿八年嘅管治下，成個地區都叫做巴勒斯坦（希伯來話:[פלשתינה [א״י，'Palestine [Eretz Israel]'）。國家喺1948年獨立嗰陣，正式採用咗「以色列國」（State of Israel；希伯來話:מְדִינַת יִשְׂרָאֵל， Medīnat Yisrā'el；阿拉伯話：دَوْلَة إِسْرَائِيل，Dawlat Isrāʼīl）作為國家名。當時曾經考慮嘅第啲國名選項包括「以色列之地」^[9]、錫安同埋猶地亞，都被拒絕咗。喺獨立後頭幾個禮拜，外交部長摩西．夏里特（希伯來話：משה שרת，Moshe Sharett）宣佈政府揀咗用「以色列國公民」呢個詞嚟形容以色列公民^[10]。

歷史上「以色列之地」同埋「以色列嘅孩子」呢啲名分別用嚟指聖經入面嘅以色列王國同整個猶太人。

「以色列」呢個名（希伯來話：ישראל, ישראיל,Yisraʾel, Isrāʾīl；希臘文：Ἰσραήλ，Israēl）係指族長「雅各」。根據希伯來聖經，當雅各成功戰勝主嘅天使之後，上帝畀咗「以色列」呢個名雅各^[11]。雅各嘅十二個仔成為咗猶太人嘅祖先，又叫「以色列嘅十二個支派」同埋「以色列嘅孩子」。雅各同佢啲仔一齊住喺迦南，但由於飢荒被迫移居埃及住咗四代共430年^[12]。直到出埃及記，雅各個玄孫摩西帶領猶太人出埃及返迦南^[13]。最早提及「以色列」呢個詞嘅考古文物，係古埃及嘅麥倫普塔赫石碑（可追溯到公元前13世紀末）^[14]。