From Wikipedia, the free encyclopedia
本號喺孵育場嘅用戶頁:incubator:USER:WKDx417
PQ77wd係WKDx417用緊嘅新號,由于WKDx417本號喺2016年8月中旬時唔可以正常登錄,懷疑個戶口俾第個人偷咗,所以請各位管理員注意,唔好將PQ77wd理解成WKDx417嘅襪公仔。--PQ77wd (傾偈) 2016年8月18號 (四) 01:26 (UTC) |
關於我根據維基討論研究出嚟嘅各種語言讀音,請睇USER:WKDx417/外文讀音。
詳情
Template:User 出世時辰:辰時 Template:User 生肖:龍
|
以下呢度係正式入正题:
我喺2013年12月29號正式加入維基百科嘅,嗰時我係率先入咗中文維基嗰頭[1]。而我第一次正式入粤文维基百科係2014年2月9号[2]
大家都知,粤语係中华人民共和国南边嘅一个语言。主要分布喺廣東省中、西部地区同埋廣西壯族自治區南宁市以东嘅地区,香港、澳門;重有東南亞(喺越南、馬來西亞、新加坡、泰國西南邊、及緬甸南邊嘅比較多)、英美澳加、紐西蘭嘅華人社區入面。喺20世紀90年代尾,由於中國內地喺度劲力推普,搞到有部分粤语城市唔停喺度萎缩(睇吓下面呢啲嘢)。所以我有必要写粤语嘅文章喺呢度嚟宣示我哋粤语人士嘅主權!
喺zh:广西壮族自治区嗰篇嘢转嚟:
喺zh:深圳市嗰篇嘢转嚟:
最近有啲21世紀出世嘅學生同細路,因為受到學校嘅普教中影響(連幼稚園都嚟煲冬瓜教學,你話死唔死得!),搞到部分細路凈識聽而唔識講粵語,甚至有部分唔識聽或唔識講。所以我喺粵維有必要介紹粵語嘅讀音。
首先,我去过粤维睇过吓:得好少介绍广州同广东省嘅嘢,而中文维基同英文维基一搾(睇zh:分类:广州同en:CATEGORY:Guangzhou、zh:分类:广东同en:CATEGORY:Guangdong)。而我喺度介绍咗啲嘢係向中文维基搞反击嘅。
唔係。因为我会向其它嗰啲历史、生活常识、教学同埋娱乐、甚至喺体育、游戏、电影、电视剧、有影响力嘅人物嗰方面介绍。
其实都有啲历史喇。最初嗰时中文维基介绍咗广州嘅地铁站,点解冇粤语嘅文章?加上以前广州地铁、海心沙站嘅报站、3号线体育西路站嘅报站、3号线广州塔站嘅报站都俾市民整蛊过都有(睇吓海心沙站、廣州塔站 (地鐵)同體育西路站)?於是我就開始先向广州地铁落咗剂猛药。最初嗰時凈係簡單介绍吓地铁站喺边度同埋有乜路线经过,后嚟喺香港地鐵車站一覽睇过吓啲车站係点写同发图嘅,同埋喺中文维基同广州地铁6号线嘅车站有关详细介绍(睇吓zh:模板:广州地铁6号线)先至决定,喺2014年3月22号开始向自己屋企附近嘅地铁站搞详细介绍(File:SaiMunHau A.jpg就係我最早喺维基同享入面UP嘅相),之后一直唔停喺度发展。开头我喺手机影嗰啲相都唔係好清嘅(因为我之前用紧NOKIA N96手机影),不过喺2014年6月1号买咗台SAMSUNG GALAXY GRAND 2之后就开始搞高清嘅影相。嗰时中文维基入面讲嘅广州地铁站净係简单几句就搞掂,而我喺粤维就学咗香港嘅地铁站猛咁介绍。喺2014年3月22号——2014年6月30号,嗰时广州地铁站嘅介绍净係得我一家独大。
到咗2014年7月1号,随住Nissangeniss喺江南西站篇嘢开始借鉴我嘅经验介绍之后,格局就开始变化。嗰时唔係净得我一个介绍喇,甚至连Nissangeniss都加入埋阵营。之后到咗2014年9月26号,GZMTR又加入埋我嘅方阵入面猛咁喺度发。不过我搞咗佢哋入面冇嘅站厅全景功能。
而地铁上下一站模,主要係我研发失败咗好多次先至搞。因为我之前睇到香港地铁嘅上下站模(睇吓觀塘站、筲箕灣站、青衣站、或紅磡站呢啲。)先至搞嘅。開頭我喺6月份搞測試版,之後肥佬咗好多次。结果借鉴咗韩文维基入面介绍嘅首尔市入面,各个地铁站嘅介绍讲嘅上下一站模经验嚟整,重加咗好多元素上去。而地铁车站模方面,我係沟咗中文同日文维基嘅嘢搞嘅。
呢个问题我话中立,因为毕竟简繁共存係有嘅。虽然中国内地喺1950年代开始搞咗一系列嘅简化字操作(例如一简字同二简字),但唔可以否认嘅係,呢啲字都係解决咗中国内地啲人书写复杂嘅问题。至于繁體字係从古代一直到而家,虽然中国内地喺1950年代开始搞咗一系列嘅简化字操作一直到而家,但係而家重见到中国内地有部分景区、商舖、广告牌、甚至电子嘅字幕版都出现过繁體字。加上广东地区重有香港嘅本港同翡翠、凤凰、澳亚呢啲繁體字嘅台睇,从而接触咗繁體字。如估简体字用户学过下繁體字,就知佢係边个字演变而嚟嘅。而港澳臺嗰边啲旅游景区一样都有简繁英三语文字喇,既可以体验出简化字嘅政策,又可以體驗到繁體字嘅靚。
至于近排部分激进人士话抵制简体字,呢啲我唔理。虽然简体字从繁體字演变出嚟,而且两者都有千丝万缕嘅联系。而简体字早喺1956年喺中国大陆政府搞出嚟,加上好耐之前,繁體字演變咗好多次,加上边个版嘅繁體字係最早用㗎?即使係古代都演变咗好多次(例如「囧」、「烎」、「㸃」、「囍」,重有好多好多……)。更何况,撑边个就话唔要边个,已经违背咗文化方式。唔信去中国大陆睇下啲和尚庙?有冇试过废除过繁體?有冇试过废除过啲文言文?古建筑有冇试过夹硬将上边啲甲骨文、篆书改成简体字?问下1980年代同1990年代,广东地区早期播出TVB、ATV、凤凰卫视、澳亚卫视节目时,有冇试过夹硬将当地啲字改成二简字?其实汉字存在论早喺1915年已经提出,加上全球各地都关注CJKV汉字嘅发展。虽然喺充分肯定简体字嘅功劳同地位嘅同时,大家重可以鼓励去识、学、睇繁體字。连台湾政府都话“书简识繁”,简体字同繁体字其实冇边个係老窦,边个係仔噉讲嘅。
另外,中国大陆出版嘅新華字典已经列入咗健力士世界纪录,话係世界上卖得数量最多嘅字典同工具书,入面有好多解放出嘅简体字,你够唔夠膽话佢係垃圾啊?之前有人话恢复返用繁體字,结果咪一样有好多人话唔同意,毕竟用咗至少半个世纪有多。如估话恢复,你话边个繁體字最正宗?最原始嘅甲骨文、定係篆書、隸書啊?笑壞肚。唔係各个繁體字都係万能,例如:
重有好多好多:有啲字喺好細隻時,睇落去好似擗黑格噉(例如「臺」、「壽」、「鬱」呢啲)
冇,其实冇乜所谓嘅懒中立。净係话你哋嘅制度唔健全,迟啲我帮粤文维基发展一套完整嘅规则方案。
大佬,百科还百科,辞典啲嘢都唔啱写落维基。除非搵到典故或可以扩写成其他有用嘅文章。大家都唔想将百科变成辞典嘅乱葬岗啩?唔想嘅话,请乖乖噉将一个词嘅解释写落维基辞典入面!(传送门:粤语维基辞典嘅位置)今次俾我捉到一大堆文章,有啲辞典类根本唔啱出现喺维基百科。所以见一个沦陷一个。
從2016年2月13號開始,我嘅所有譯名討論將會搬到維基學院一帶作出研究同討論,維基百科入面唔再搞任何譯名研究,有意見嘅請去維基學院入面。
唔係所有馬路都應該列出或者內連,尤其係偏遠地方,唔夠知名度嘅根本唔使寫入嚟---瓜皮仔 (傾偈) 2014年5月30號 (五) 02:54 (UTC)
廣州係一個出名嘅大都市,應該先將馬路寫入嚟。跟住其它嗰啲就用【XXX (搞清楚)】嘅嘢。---WikiCantona (傾偈)
回應:WikiCantona話用【XXX (搞清楚)】嘅嘢我絕對反對!因為冇邊條馬路係特別出名嘅,加上我寫嘅馬路係照顧咗全漢字界地區。例如光孝路 (廣州)同光孝路 (韶關);重有先烈路 (廣州)同先烈路 (珠海),雖然話呢兩個城市都有佢一样名嘅马路,但係都有歷史響度,所以我絕對係反對;不過執信南路同梯雲東路嘅例外,因為佢哋喺全中華地區凈係得1條。而瓜皮仔所講嘅雖然話都有啲道理吓,但係我唔係冚唪唥嘅马路都写上去嘅。具体究竟係點,睇埋User:CRCHF/家吓全中華地區凈係得佢城市入面嘅1條馬路或街名嘅地方。
百度百科、互動百科等可以由用家自由編輯嘅網站都唔係可信網站,唔應該作為外部參考,咩情況下都應該避免使用。--瓜皮仔 (傾偈) 2014年8月7號 (四) 04:12 (UTC)
其實冇乜唔係可信嘅網站,本號對其它百科都係話中立。凈係本號可以講,唔係將百度百科、互動百科等可以由用家自由編輯嘅網站都全部收錄。有時重喺其它百科嗰度收錄。
:你以為自己係邊個?無錯,成個粵文維基百科你最活躍,但唔代表你可以有最大權。上面個討論,明明XXX提過『跟***嘅做法,常用名行頭,再喺XXXX(講嘅係邊個位)講清楚「***」個音似「**」,總好過將啲好多人熟悉嘅事物改到咁生面口』,你就完全唔理,單憑你自己一個人嘅意見就宣佈駁返我嘅訴求,唔想繼續討論落去。--Jason6698 (傾偈) 2015年2月28號 (六) 11:13 (UTC)
呢個唔關邊個活唔活躍嘅事,更加話边个理定唔理嘅问题。由於香港以前係英國嘅殖民地,而香港嘅官方語文係中文同埋英文,所以好多香港媒體(特別係體育臺)凡係見到拉丁字母拼寫嘅人名同地名,就有理無理都按照英文嘅發音規則拼讀(同時忽略晒所有標音符號),而唔係按原文嘅發音規則嚟拼讀。殊不知同樣係拉丁字母,喺唔同語言入面嘅發音差別可以好大。其實呢個問題喺中文維基未將簡繁技術處理好嗰時一樣都出現咗噉嘅大頭佛喇(睇埋zh:中文维基百科#各地中文差异)。--CRCHF (討論站)
佢啲言論我好唔贊同,唔係因爲傷害咗感情,而係佢有啲先決條件實際係虛構嘅,有啲則係唔符合事實,所以根本上個體系唔成立。不過「語言極端分子樂園」嘅警告係切切實實。睇下社群入邊CRCHF呢條傻仔,一腔熱血懵上心口,話佢有錯就會血壓爆頭,知識唔夠,邏輯堪憂,完全就係嗰個人所警告嘅「極端分子」。--S7w4j9
邊個唔係傻仔同警告分子啊?你话嘅「知識唔夠」完全係乱讲,我识嘅植物同广州嘅景区重多过你。重有,我嘅逻辑完全係冇问题嘅,净係你过度理解,唔信嘅畀份证明睇吓。喺粤维同我差唔多版嘅人重有几个(例如WikiCantona同|HenryLi),以前TALK:老撾同TALK:陳楠嗰單就係大頭佛,嗰个HenryLi同WikiCantona就话成係「寮國」,我睇佢哋眞係話佢有錯就會血壓爆頭,知識唔夠,完全未出過香港就見世面嘅,呢啲噉嘅摒人絕對係所警告嘅「極端分子」。因為以前粵維都出現過香港POV嘅嘢,但係廣東省同外省、外國啲嘢入咗嚟呢度之後就馬上改變咗之前嘅香港POV情況(例如以前幾篇嘢:黃大仙祠、中環廣場、李婷、陳曉東、陳家祠、西門口站、石井、東華路、中山路、中山紀念堂,重有好多好多……)。但係同五臺山嘅情況一樣嘅話,嗰個所謂出名條目話搬嘅,我就反對(例如天河城、華師附中、廣州市兒童公園、馬思聰、廣州)。重有,S7w4j9呢位仁兄試過喺印尼文維基封咗佢一次(原因係非法戶口名)。
網典入面話廣東話維基百科亂七八糟,搞到我而家想撥亂反正。下面係我嘅維基原則:
大家都知,校服係种学校嘅文化,由于维基百科有好少或冇人专门搞呢项,加上我唔想令历史失传,今次专门开呢栏嚟讲返下呢个历史。我虽然唔知其它国家嘅学校情况,但广州地区啲中学嘅校服(包括初、高中、中专同技校)我知得最清楚,唔同学校啲校服色品种都唔一样,而佛山同深圳同样都出现呢个情况。所以专门喺指定学校嘅文写返呢个历史同文化。
由于部分文章嘅译名又话拗一餐,所以专门开呢版。
注意:
男
|
中性
|
女
|
我写嘅呢啲嘢,原则上係唔畀抄袭嘅。如估谂住要轉去出面網頁嘅,唔該請寫清楚參攷來源(至少话喺边度出)。不过欢迎你翻译成其它语言嘅维基版。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.