From Wikipedia, the free encyclopedia
Ubuntu(英文 /uːˈbuːntuː/ [1],祖魯話 [ùbúntú])係一個 Linux 操作系統同發行版,桌面應用為主,亦都有伺服器版本。係以 Debian Linux 基礎改寫嚟嘅。
Ubuntu 有唔同嘅版本。啲版本用唔同嘅套件同圖形介面(GUI),譬如話 Ubuntu 用 Unity; Kubuntu 用較似 Windows 介面嘅 KDE; Edubuntu 啱做教學,適合畀細路同家長用;而 Xubuntu 就 Xfce 做 GUI 介面,慳硬體資源;重有好少人用嘅 Ubuntu Studio(用做多媒體編輯工作站嘅版本);只須 2G 儲存空間就可以安裝嘅 Goubuntu,畀流動裝置用,但近排推出嘅 Ubuntu Netbook Remix,支援 Tounch Screen 同 HSPDA 網絡,重好用過 Goubuntu。Ubuntu Netbook Remix 重係喺開發階段。
Ubuntu 隔半年出一個新版,版本編號係用年、月標識,好似 8.04 版就係喺 2008 年 4 月出嘅版本。而每個版本都至少會提供一年半嘅更新支援;長期支援版(LTS,Long Time Support)會提供五年更新支援,好似 6.06 LTS 版、8.04 LTS 版。LTS版隔兩年出一個。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.