順峯山公園
From Wikipedia, the free encyclopedia
From Wikipedia, the free encyclopedia
.jpg)
佢係順德新十景嘅其一景區，有「順峯攬勝」個名[1]。入面包括咗「青山、碧水、一寺、兩湖、兩塔」嘅景區特色響度。另外，佢曾經接待過《尋味順德》同《舌尖上的中國》呢啲攝製團隊入去拍攝。
呢間公園嘅核心區有5532畝咁大。根據「兩山兩水」嘅得天獨厚自然環境兼突出山色水韻嘅建設主題，同時充分融入順德大良本土嘅人文歷史底蘊同埋嶺南特色民俗同風俗，而形成自然同人文嘅景觀格局。
健身步道喺公園入面近邊界四圍，全長約21.1km，都係按順德境內現有嘅綠道兼攷半馬拉松賽道嘅標準嚟起。喺主要道路嘅交叉口搞條景觀天橋嚟銜接。將順峰山公園同金鳳凰廣場等多個景點同地標連埋一齊，基本上實現無障礙通行。佢主要嘅路線係：
前廣場（西）→前廣場西綠道→美的體育公園→華海路→龍盤北路→龍盤西路→澄海路（德勝河北岸濱河公園）→德民路東延綫濱河公園→蘇崗水閘→喬岸路→八坊河綠道→前廣場東綠道→前廣場（東）
公園北區東邊（正門近石牌坊東南角）一景。間嘢喺2004年10月起好，建築面積2397m²，後靠神步山麓，屋簷同青雲塔相映成趣。園區以疏空靈巧同透朗輕盈嘅方式兼配合縱橫疊構嘅遊廊而設計。
公園北區西邊（正門近石牌坊西南角）一景。間嘢喺2004年10月起好，建築面積2945m²，入面都係靈活多變同有頓挫規律嘅古園林特色建築。園區內以傳統嶺南庭院嘅風格兼分開南北主題嚟起。
公園北區南邊（正門正對石牌坊南邊嘅湖邊）近青雲湖西北一景。係中國傳統典型嘅對此事結構嘅長亭建築。由左右各兩方亭，中間一座長亭同長廊連埋一齊組成。同五行橋、石牌坊、桂海芳叢、雅正園等景觀一齊，搞出以廣場中軸線做東西對稱嘅佈局。
青雲湖嘅湖心島一景。入面係傳統嘅對稱式結構，風格係金碧同朱色調嘅木柱梁簷嘅亭台樓閣。因為佢喺湖心，所以形成湖光山色嘅樣。
公園南區近青雲湖西南（寶林寺西北）一景。間嘢喺2004年10月起好，建築面積2222m²。建築佈局係因山就勢，疊石連山，亭台依水，流水通湖，縱橫院落。佢亦係構成統領青雲湖區主軸嘅建築。
公園南區近青雲湖西南（寶林寺北）一景。間嘢喺2004年10月起好，佔地1公頃，建築面積2310m²，都係仿明清建築。佢同山上嘅寶林寺一脈相承，喺準備重建寶林寺初期，咁啱撞到熱心人捐高168cm，重37.3kg嘅純金觀音過嚟而喺寶林寺北邊嘅山腳搞返出嚟。
公園南區近青雲湖西南（寶林寺東北）一景。入面種咗卌幾種水生植物，主要有再力花、美人蕉、白蝴蝶花、茨菇、水浮蓮、茭白、水松、慈姑、打火草、蜈蚣萍、滿江紅屬、芡實等植物。
公園南區近青雲湖南（寶林寺東北角）一景。路徑因山就勢而起，入面好多樹林同溪流、山塘、石橋喺度。有「自成天然之趣，不煩人士之功」嘅意境。
青雲湖東南嘅太平山頂一塔，係八角七層樓閣式磚塔。公元1600年起好，家下係佛山市文物之一。
公園東區近青雲湖東一景。總面積7.26公頃，入面有花海、親水木棧道、水車、荷蘭風車、風雨廊、方言牆等設施，重種咗宮粉紫荊、櫻花、黃花風鈴木、木棉花等特色開花植物，入面重有個鴿養殖場。而花海一帶會根據時節而種唔同植物。
公園東區，青雲湖東嘅湖上一景。橋有九個90°彎，將湖心島仔同神步山北麓以橋樑方式連埋一齊。建築結構係用白石整，橋欄望柱冇雕刻，橋面比較窄。
公園北區東邊近八坊河邊一景。喺1988年重陽時節由邑彥——何竹平起好，裝飾係兩層樓嘅金琉璃瓦屋簷，四柱左右對稱式建築。出面有座石雕像，高2.75m，用嘅係福建泉州嘅黑花崗岩石雕刻而成。像座高1.8m；築白石平臺面積100m²，高75cm；四邊白石圍欄，前後石級登臺，廣場開闊而莊嚴。
公園北區東邊，八坊河同青雲湖之間嘅山上一景。佢係八角七層樓閣式嘅磚塔，高45.4m。
公園北區近北門東南角一景。建築面積1663m²，入口清幽曲徑，門坊玲瓏曲雅。園內一衣帶水，引水上山，流水到湖，脈流貫通，點畫做水嘅提出而形式。入面主要係亭臺同樓閣、曲廊嘅建築爲主。
雖然公園全年免費對市民開放，但係公園內搞大型活動、發生自然災害、及出現突發惡性事件，公園管理方會睇情況而搞部份封閉或封園措施。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
