雪蘭莪州（粵拼：syut3 laan4 ngo4；馬來話：Selangor，英語音標：/səˈlæŋə/，馬來語：[s(ə)laŋo(r)]；簡稱雪州，係馬來西亞十三個州嘅其中一個，喺馬來亞半島西海岸中部，首府係沙亞南。雪蘭莪州係一個新興城市，全境環繞吉隆坡同布城呢兩個聯邦直轄區，北部同霹靂州為鄰、東部接彭亨州、南部同森美蘭州為鄰。雪蘭莪同埋吉隆坡經常合稱做「雪隆」。
| 雪蘭莪 | |||
|---|---|---|---|
 馬來西亞州屬 | |||
| 雪蘭莪福利之邦 Selangor Darul Ehsan سلاڠور دار الإحسان | |||
| 其他轉寫 | |||
| • 馬來語 | Selangor سلاڠور （爪夷文） | ||
| • 淡米爾語 | சிலாங்கூர் | ||
| |||
| 格言：誠實與勤奮 （馬來話：Kejujuran Dan Ketekunan）[1] | |||
| 頌歌：《國王陛下》 （馬來話：Duli Yang Maha Mulia） | |||
 雪蘭莪喺 馬來西亞嘅位置。 | |||
| 首府 | 莎阿南 | ||
| 皇城 | 巴生 | ||
| 政府 | |||
| • 蘇丹 | 蘇丹沙拉弗丁 | ||
| • 州務大臣 | 阿米魯丁沙利 | ||
| • 執政黨 | 希望聯盟執政 | ||
| 面積 | |||
| • 總計 | 8,104 平方公里（3,129 平方英里） | ||
| 面積排名 | 第八名 | ||
| 人口 | 7,004,762人(2015年)[2] 5,694,458人(2021年) | ||
| 人類發展指數 | |||
| • HDI（2017年） | 0.853 （極高） | ||
| 郵編 | 40xxx 至 48xxx, 63xxx, 640xx, 68xxx | ||
| 電話號碼 | 03 | ||
| ISO 3166碼 | MY-10 | ||
| 車牌 | B | ||
| 加入馬來聯邦 | 1895年 | ||
| 日軍佔領時期 | 1942年 | ||
| 加入馬來亞聯合邦 | 1948年 | ||
| 以馬來亞聯合邦成員聯合獨立 | 1957年8月31號 | ||
| 參組馬來西亞 | 1963年9月16號 | ||
雪州嘅第一個城市係皇城巴生市。另一個主要城市係喺2006年6月20號被授予大城市地位嘅八打靈再也。雪州係馬來西亞除咗沙撈越以外擁有多個大城市嘅州屬。
雪州喺馬來西亞嘅國內生產總值（GDP）中貢獻2399.68億令吉（大約555億美元），2015年佔國內生產總值22.6％。雪州亦係馬來西亞最發達嘅州屬，擁有良好嘅基礎設施，例如高速公路同交通運輸系統。雪州同時亦係擁有全國最多人口嘅州屬，生活水平較高，貧窮率亦係全國最低。
政區
雪蘭莪一共有9個縣（馬來話：daerah），由12個地方政府管轄，縣署（政府所在地）就係州行政機關嘅分部。
雪蘭莪縣屬
雪蘭莪地方政府
| 縣 | 地方政府 |
|---|---|
| 沙白安南縣 | 沙白安南縣議會 |
| 烏魯雪蘭莪縣 | 烏魯雪蘭莪縣議會 |
| 瓜拉雪蘭莪縣 | 瓜拉雪蘭莪市議會（2021年3月1號） |
| 巴生縣 | 巴生市議會 |
| 莎阿南市政廳 | |
| 八打靈縣 | |
| 八打靈再也市政廳 | |
| 梳邦再也市政廳 | |
| 烏魯冷岳縣 | 加影市議會 |
| 安邦市議會 | |
| 鵝嘜縣 | |
| 士拉央市議會 | |
| 瓜拉冷岳縣 | 瓜拉冷岳市議會 |
| 雪邦縣 | 雪邦市議會 |
主要城市
人口
雪蘭莪州係馬來西亞人口最多嘅州屬，擁有全國最大城市帶——巴生谷。雪州喺馬來西亞半島中心，優越嘅地理位置令佢能夠急速發展，係馬來西亞嘅交通同工業中心，創造好多就業機會，吸引到好多國內其他州屬甚至係海外居民移民去呢度，尤其係印尼、菲律賓、越南、緬甸、孟加拉、印度、巴基斯坦、中國、尼泊爾等地移民。其中有唔少外籍勞工非法入境，特別係嚟自印尼嘅非法移民，令到雪蘭莪人口急速增長（其中士拉央區羅興亞人已經佔多數人口）。
雪蘭莪州係馬來西亞人口最多嘅州屬，近幾十年嚟，由於巴生谷急速發展，好大程度上顯住增加州內人口。1980年嘅人口為1,426,250人[3]。到2000年，就已翻咗一番，達到3,941,316人[3]。截至2015年，雪州人口一共有5,874,100人[2]。
種族
| 種族 | 人口 | |||
|---|---|---|---|---|
| 2010年[4] | 2015[2] | |||
| 馬來人 | 2,814,597 | 51.34% | 3,069,100 | 52.24% |
| 其他土著 | 62,657 | 1.14% | 77,500 | 1.32% |
| 土著總數 | 2,877,254 | 52.48% | 3,146,600 | 53.57% |
| 華人 | 1,441,774 | 28.6% | 1,499,400 | 25.52% |
| 印度人 | 679,130 | 13.5% | 712,000 | 12.12% |
| 其他種族 | 42,163 | 0.8% | 41,400 | 0.70% |
| 馬來西亞公民總數 | 5,040,321 | 98,03% | 5,399,400 | 91.92% |
| 非馬來西亞公民 | 421,820 | 1.87% | 474,700 | 8.08% |
| 總數 | 5,482,141 | 100.00% | 5,874,100 | 100.00% |
雪蘭莪馬來人嘅血統受到布吉人、柔佛、米南佳保、Mandail、爪哇、Banjarese、羅蘭人同本古魯人影響，其中接近全部馬來人係穆斯林。爪哇後裔喺雪州西海岸地區，例如沙白安南縣、瓜拉雪蘭莪縣、巴生縣、瓜拉冷岳縣同雪邦縣佔主導地位。雪州人口亦包括華人同印度人，係州入面主要少數民族。擁有三千人口嘅瑪美里人係半島原住民嘅主要分支，可以喺加厘島（Pulau Carey）揾到，並依然保存住佢哋嘅文化同語言，同時適應現代生活方式。雪蘭莪憑借其先進嘅發展狀況，通過貿易、商業同教育方面同其他相對較落後地區有更多嘅跨國聯係。
宗教信仰
根據2010年人口普查報告，雪州人口其中57.9％為穆斯林、24.4％為佛教徒、11.6％為印度教徒、3.8％為基督徒、0.5％為道教同中國民間信仰、0.4％為其他宗教徒、宗教未明佔1％同埋0.4％為無神論。
市鎮人口
以下為截止2016年雪州十大人口城市：
政治
雪州嘅制度係君主立憲制，其中最高統治者嚟自2001年開始成為蘇丹嘅蘇丹沙拉弗丁（Sultan Sharafuddin Idris Shah）。由2014年9月23號開始，希望聯盟人民公正黨嘅阿茲敏阿里開始擔任州務大臣（地位相同於檳城首長）至今。
憲法
皇室
雪蘭莪嘅「蘇丹」係雪蘭莪嘅憲法統治者。蘇丹嘅作用、權力同義務喺1959年嘅憲法中有所規定。憲法闡明蘇丹理事會擁有州行政權力，係伊斯蘭教州領導以及州嘅象徵。呢個位置只可以由雪蘭莪王室一名成員擔任。現任統治者係由2001年以嚟擔任呢一個職務嘅蘇丹沙拉弗丁殿下。
州內閣
1959年憲法生效後，州內閣同蘇丹成為雪蘭莪州政府行政部門，由州務大臣領導，以及其他10位行政議員。內閣成員由蘇丹任命，而呢啲成員都係由嗰屆州議會成員選出。依家嘅雪州州務大臣係尊敬的拿督斯里阿米魯丁沙利。
州立法議會
雪州仲有一個立法機構，叫做雪蘭莪州議會。佢類似馬來西亞下議院，但僅限於制定同州有關嘅法律。成員喺馬來西亞選舉中由人民選出，通常同下議院選舉同時舉行。每個州議員任期五年。喺任期屆滿之前，州議會將會解散，並進行選舉選出新成員。
經濟
雪蘭莪係馬來西亞經濟最發達嘅州屬，國民生產總值（GDP）同購買力平價（PPP）都高過其他州屬[6]。所以，州政府喺2005年8月27號正式宣佈雪州係馬來西亞第一個先進州屬[7]。雪州嘅人類發展指數亦係全國最高。
商業、工業同服務業
商業、工業同服務業係雪蘭莪州主要經濟活動，佔咗雪蘭莪州58%國民生產總值（GDP）。馬來西亞幾個主要工業區都喺雪蘭莪州入面，主要係生產電子產品、化學品同汽車，包括兩間大型馬來西亞國產車公司寶騰同馬來西亞第二國產車。進口車輛亦喺雪州組裝，例如豐田、日產、福士汽車、寶馬、保時捷、富豪等。
好多外商亦將佢哋嘅馬來西亞分部設喺雪蘭莪。雪蘭莪主要工業城市有梳邦再也、沙亞南、巴生、加影、萬撓、士拉央、安邦同八打靈再也 。巴生港係雪蘭莪工業發展嘅核心，因為佢係馬來西亞最繁忙嘅港口。雪蘭莪亦因此吸引好多外資嚟投資。
服務業佔咗雪蘭莪經濟大約38%。
農業
除咗工業，農業亦貢獻雪州GDP 3.1%，令到雪州經濟蓬勃發展。雪蘭莪主要農作物有楊桃、木瓜、香蕉等。雖然雪州唔係稻米嘅主要生產地，但係瓜拉雪蘭莪縣同沙白安南縣嘅稻田提升咗呢個地區嘅展。其他農業活動包括棕櫚同橡膠種植園。
交通
雪蘭莪擁有航空、道路同鐵路系統，交通係全馬最發達嘅州屬之一。西馬西海岸例如南北大道都經過呢個州，同時雪州擁有超過20條高速公路。呢個州大部分高速公路都需要收費，道路使用者必須使用儲值卡例如一觸即通卡（Touch 'n Go）或者Smart TAG嚟畀錢。
馬來西亞最繁忙機場——吉隆坡國際機場喺雪邦，吉隆坡國際機場由主航站樓建築、衛星航站樓A同klia2（吉隆坡國際機場第二航站樓）組成。另一個國際機場—蘇丹阿都阿茲沙機場就喺梳邦，亦叫梳邦天空花園（Subang Skypark），係東南亞私人航空嘅主要機場樞紐。
巴生港係馬來西亞最繁忙嘅港口，喺雪州西端沿海地帶。
馬來亞鐵路通勤鐵路（KTM通勤鐵路，KTM Komuter）提供前往雪州主要城鎮例如加影、巴生港、沙亞南、梳邦再也、八打靈再也、萬撓等地服務。亦通往吉隆坡中央車站，一個喺市中心嘅現代交通樞紐，可以通過呢度轉乘至其他鐵路路線。雪州境內亦有輕快鐵（俗稱LRT）服務網，由3Ampang Line、4Sri Petaling Line、5Kelana Jaya Line同埋預計將於2020年啟用嘅11Johan Setia Line組成，都係由快捷通軌道營運。
另外，7吉隆坡機場支線（KLIA Transit）亦喺雪州境內設有幾個站。
大城堡同格拉那再也線輕軌延長線
2006年8月29號，馬來西亞政府宣佈格拉那再也線（Kelana Jaya Line）將會延長至雙威鎮、梳邦再也、UEP梳邦再也（USJ）同布特拉高原。呢個計劃總值70億令吉，以擴張巴生谷公交網絡。
呢項計劃亦包括安邦線（依家叫大城堡線，Sri Petaling Line），延長至蒲種同吉隆坡西南部市郊。同時，呢項計劃仲包括雙溪毛糯－加影線（簡稱雙加捷運、捷運1號線或者SBK，Sungai Buloh-Kajang Line），由雙溪毛糯至加影。
2009年9月，馬來西亞基建公司（Prasarana）開始規劃建設延長線，並畀民眾喺3個月展覽期間反饋。呢項計劃令到格拉那再也線同安邦線（大城堡線）增加13個新車站並延長17.7公里。布特拉高原站係呢兩條延長線嘅轉乘站。工程喺2013年中開始至2016年7月正式開通。
捷運線
巴生谷捷運系統被譽為馬來西亞有史以嚟最大型嘅基礎建設工程，計劃投資366億令吉興建3條高運量地鐵線，路線總長度超過150公里，形成連接首都方圓20公里地區嘅軌道交通網絡，預計每日載送乘客量最高可達200萬人次；一號線為連接雙溪毛糯、哥打白沙羅、吉隆坡、蕉賴、加影嘅雙溪毛糯－加影線（MRT SBK Line）；二號線為連接雙溪毛糯、甲洞、吉隆坡、沙登、布城嘅雙溪毛糯－沙登－布城線（MRT SSP Line）；三號線係連接吉隆坡市中心商業地帶嘅環狀線（MRT Circle Line）。
其中9Kajang Line第一階段線路已喺2016年12月開通，剩餘車站亦喺2017年7月正式開通。12Putrajaya Line依家仲起緊，目標係2022年全面開通。而13Circle Line就仲喺規劃階段。
醫療
醫院
政府醫院
- 加影醫院
- 沙登醫院
- 雙溪毛糯醫院
- 巴生醫院（Tengku Ampuan Rahimah Hospital）
- 士拉央醫院
- 安邦醫院
- 萬津醫院
- 沙白安南醫院（Tengku Ampuan Jemaah Hospital）
- 丹絨加弄醫院
- 新古毛醫院
- 莎亞南醫院
- 賽城醫院
私家醫院
- Alpha專科醫院
- Assunta醫院
- 梳邦再也醫藥中心（Subang Jaya Medical Centre）
- Beacon國際專科醫院
- BP專科醫院
- 哥倫比亞亞洲醫院（Columbia Asia Hospital）
- DEMC專科醫院（沙亞南）
- Golden Horses健康庇護所
- Ampang Puteri KPJ專科醫院
- 白沙羅KPJ專科醫院
- 加影KPJ專科醫院
- 巴生KPJ專科醫院
- 雪蘭莪KPJ專科醫院
- Lifecare Diagnostic醫藥中心
- 班台醫院（巴生）
- 森那美醫藥中心（梳邦再也）
- 森那美醫藥中心（阿拉白沙羅(Ara Damansara)）
- Sri Kota 專科醫藥中心（巴生）
- 雙威醫療中心（Sunway Medical Centre）
- 麗陽醫藥中心（哥打白沙羅，Tropicana Medical Centre）
- 敦胡先翁國家眼科醫院（Tun Hussein Onn National Eye Hospital）
- Vista眼科專科（Vista Eye Specialist）
飲食
雪蘭莪嘅傳統馬來飲食受柔佛、布吉人、爪哇、米南佳保人嘅文化影響。
巴生羅惹同巴生Lontong係巴生同莎亞南出名嘅美食。其他美食有Mee Rebus、加影沙爹、Nasi Ambeng、雪蘭莪叻沙、Soto、Sambal Tahun、Bakso、Ketam Darul Ehsan、Ikan Masak Asam Pedas、Ayam Masak Kicap同Sayur Masak Rebung[8][9] [10] [11] [12] [13] [14][15] [16]。
旅遊
_04.jpg)
旅遊業佔雪州經濟比重好多，州入面亦有好多旅遊景點。其中雪州主要旅遊景點有沙亞南嘅i-City，一個智能商業零售樞紐，四周圍畀LED燈光環繞，仲有一個室內冰雪公園。喺安邦嘅國家動物園（Zoo Negara），係馬來西亞最大嘅動物園，擁有超過四千種動物。喺雪邦嘅雪邦國際賽道係馬來西亞唯一一個舉辦好多賽車比賽場地，曾經舉辦一級方程式賽車（F1）多年。喺雙威鎮嘅雙威水上樂園（Sunway Lagoon），係馬來西亞首屈一指嘅主題公園。其他喺雪州嘅主題公園包括喺沙登嘅綠水坊Wonderland（The Mines Wonderland）同喺沙亞南嘅潮濕世界水上樂園（Wet World Water Park）。
其他州入面旅遊景點包括喺士拉央黑風洞鎮嘅黑風洞，沙亞南、巴生、吉膽島等地方。雪州最熱門沙灘喺雪邦縣峇眼拉浪（Bagan Lalang）嘅雪邦黃金海岸（Sepang Gold Coast）、Batu Laut同摩立（Morib）海灘。雪州亦擁有好多生態旅遊景點，例如喺瓜拉雪蘭莪嘅螢火蟲公園、沙亞南嘅馬來西亞農業公園、共和聯邦森林公園、士拉央同甲洞嘅馬來西亞森林研究院（FRIM）、喺安邦嘅安邦森林公園同埋康情（Kanching）森林公園等[17]。
雪蘭莪各大市鎮都擁有好多購物中心，吸引咗好多本地甚至外國旅客嚟購物，包括喺萬達鎮嘅萬達廣場、喺珍珠白沙羅商圈嘅The Curve、e@Curve、IPC 購物中心同宜家、喺白沙羅衛星市（Damansara Utama） 嘅麗陽城購物中心（Tropicana City Mall）、格拉那再也嘅伯樂泰購物中心（Paradigm Mall）、雙威鎮嘅雙威金字塔購物中心、沙登嘅綠水坊（The Mines）、梳邦再也嘅梳邦百利廣場、梳邦帝國同USJ高峰廣場、蒲種嘅IOI商場、巴生嘅武吉丁宜永旺購物中心同武吉拉惹購物中心、沙亞南嘅實達城市廣場（Setia City Mall）、Plaza Alam Sentral同SACC Mall。
雪州亦係Spa愛好者嘅天堂[18]。自從2009年以嚟，當地嘅傳統按摩店有如雨後春筍噉出現。有啲店提供腳底按摩同Spa服務。
媒體
電視
雪州電視服務由7個免費電視台、一個衛星電視同兩個網絡電視組成。其中三個免費電視台由馬來西亞廣播電視（RTM）管理。馬來西亞廣播電台係一個聯邦政府旗下嘅機構，總部喺首都吉隆坡。另外三個商業電視台由首要媒體（Media Prima）管理。首要媒體係一間私營公司，總部喺雪蘭莪州萬達鎮。衛星電視由全國性嘅Astro大馬控股有限公司擁有。而雪蘭莪州政府亦擁有一個網絡電視平台。
| 電視台名稱 | 口號 | 官方網站 | 所屬集團 |
| 免費電視台 | |||
| TV1 RTM第一台 | Mewarnaimu 增添色彩 | 官方網站 | 馬來西亞廣播電視（公營無線電視） |
| TV2 RTM第二台 | Dunia Ria 娛樂世界 | 官方網站 | 馬來西亞廣播電視（公營無線電視） |
| TVi RTM TVi（無線數位電視） | 官方網站 | 馬來西亞廣播電視（公營無線電視） | |
| TVAlhijrah 伊斯蘭台 | Rapatkan Saf | 官方網站 | Al Hijrah媒體集團（公營無線電視） |
| TV3 | Inspirasi Hidupku / My Life's Inspiration | 官方網站 | 首要媒體 |
| ntv7 | 感覺美好feel good | 官方網站 | 首要媒體 |
| 8TV 八度空間 | 我們是不同的We're Different | 官方網站 | 首要媒體 |
| TV9 第九電視 | Dekat di Hati / Close to the heart | 官方網站 | 首要媒體 |
| 衛星電視 | |||
| Astro | 繽紛世界 充實人生 Making Your Life Richer | 官方網站 | Usaha Tegas集團控股 |
| 網絡電視台 | |||
| 雪蘭莪TV | Merakyatkan Informasi 使人民獲得資訊 | 官方網站 | 雪蘭莪州政府 |
| 百格時事 | 官方網站 | 世華多媒體有限公司 | |
電台
雪州入面電台服務分咗兩種，分別係FM同短波廣播（SW）頻率，並通過烏魯加里山同加影嘅發射訊號至全州各地。
雪州可收聽嘅電台有以下：
| 電台名稱 | 電台頻率 | 語言 | 口號 | 官網 |
| 首要媒體旗下電台 | ||||
| One FM | 88.1 | 漢、粵 | ||
| Hot FM | 97.6 | 馬 | ||
| Fly FM | 95.8 | 英 | ||
| Astro電台 | ||||
| Mix FM | 94.5 | 英 | ||
| Hitz FM | 92.9 | 英 | ||
| Sinar FM | 96.7 | 馬 | ||
| Red FM[註 1] | 104.9 | 英 | ||
| THR Raaga | 99.3 | 淡 | ||
| My FM | 101.8 | 漢、粵 | ||
| Melody FM | 103.0 | 漢 | ||
| Era FM | 103.3 | 馬 | ||
| LiteFM | 105.7 | 英 | ||
| Capital FM[註 2] | 88.9 | 英 | ||
| 馬來西亞廣播電視 | ||||
| Selangor FM | 100.9 | 馬 | ||
| KLFM | 97.2 | 馬 | ||
| Pahang FM | 107.5 | 馬 | ||
| Asyik FM | 102.5 FM, 6.050 kHz SW | 馬 | ||
| Muzik FM | 95.3 | 馬 | ||
| Radio Klasik FM | 98.3 FM, 5.965 kHz SW | 馬 | ||
| Minnal FM | 96.3 | 淡 | ||
| TraXX FM | 100.1 FM, 7.295 kHz SW | 英 | ||
| 愛FM | 106.7 | 漢、粵、閩和客 | ||
| 馬來西亞星報 | ||||
| 988電台 | 98.8 | 漢、粵 | ||
| Suria FM | 105.3 | 馬 | ||
其他主要電台有Best104（104.1，柔佛區域電台）、BFM（89.9，英文商業電台）、IKIM.fm（91.5，伊斯蘭電台）、Salam FM（102.5，伊斯蘭電台）、Bernama FM（93.9，馬、英、淡新聞電台，屬於馬新社）。而喺雪霹邊境地區可接收Perak FM（89.6 MHz/95.6 MHz）雪森邊境地區可接收Negeri FM（92.6 MHz）。
地方社區電台包括由瑪拉工藝大學（MARA）[註 3]運作嘅UFM (93.6) 同由博特拉大學[註 4]運作的Putra FM (90.7) ，都係面向該校大學生嘅電台。
新聞出版
雪州主要報刊為：
馬來文
英文
- 《新海峽時報》（New Straits Times）(in English)
- 《星報》（The Star，馬華公會持有四成股份）
- 《馬來郵報》（The Malay Mail）
- 《太陽報》（The Sun，免費發售）
華文
淡米爾文
- 《馬來西亞南班》（Malaysia Nanban）
- 《淡米爾尼申》（Tamil Nesan）
- 《麥卡奧賽》（Makkal Osai）
官方黨報
- 《哈拉卡報》（Harakah，伊黨黨報，亦係依家雪州聯合政府成員黨之一，有巫、英兩種語文）
- 《公正之聲》（Suara Keadilan，希望聯盟公正黨黨報，為雪州聯合政府成員黨之一）
相
武吉美拉華帝嘅銀葉猴
皇家雪蘭莪錫鑞
共和聯邦運動會森林公園
Kanching雨林瀑布
士拉央巴剎
吉膽島
馬來西亞森林研究院 (FRIM)
摩立黃金海岸
.jpg)
註
參考
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
