![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Coin_collection.jpg/640px-Coin_collection.jpg&w=640&q=50)
集幣
From Wikipedia, the free encyclopedia
集幣(粵拼:zaap6 bai6)顧名思義就係指緊一個人走去收集各種嘅銀仔(儲銀仔),廣義上可以包埋收集銀紙等嘅其他法定貨幣。集幣可以係純嗜好,亦可以係儲嚟預咗攞去炒賣嘅。玩開集幣嘅人,實會收集一啲限量版或者有紀念價值嘅金幣或者銀幣,佢哋仲會好擏惜(geng6 sek3)自己啲收藏品,務求想自己啲收藏品 kip1 住喺最佳狀態。
![Thumb image](http://upload.wikimedia.org/wikipedia/commons/thumb/1/16/Coin_collection.jpg/640px-Coin_collection.jpg)
![Thumb image](http://upload.wikimedia.org/wikipedia/commons/thumb/5/56/Henri_II_%C3%A0_la_Gallia_piefort_1555.jpg/640px-Henri_II_%C3%A0_la_Gallia_piefort_1555.jpg)
有歷史意義嘅金幣可以好有價值:有唔少金幣都有特製嘅圖案,紀念緊某啲歷史大事或者人物,啲人要賣走手上嘅紀念金幣嗰陣好多時都賺大錢—佢哋嗰個賣價可以係「熔咗個金幣啲金值嗰個價」嘅 1.8 倍咁多[1];而根據紀錄,喺 2021 年嘅美國有人攞咗一個出自 1933 年嘅雙鷹幣去拍賣,最後以 1,890 萬美金咁高嘅價成交,成為咗當時全美國最值錢嘅金幣[2]。