港鐵港島綫車站 From Wikipedia, the free encyclopedia
銅鑼灣站(粵拼:tung4 lo4 waan1 zam6或者tung4 lo4 waan4 zam6;英文:Causeway Bay Station)係香港灣仔區東角一個港鐵港島綫嘅鐵路站。值得留意嘅係,呢個站其實喺東角同鵝頸(南大堂),個站起咗之後,東角同鵝頸畀好多人誤叫「銅鑼灣」。
銅鑼灣站1號月台 | |
站名 | |
中文名 | 銅鑼灣站 |
英文名 | Causeway Bay Station |
站代碼 | CAB |
基本資訊 | |
座標 | 22.280210°N 114.183482°E |
車站色 | 淺紫色 |
途經路線 | 港島綫 |
站服務時間 | 0551-0114 尾班車時間 |
接駁交通 | 巴士、小巴、電車 |
車站結構 | |
站類 | 地底 |
月台類 | 側式月台 (分離式月台) |
月台數 | 2 |
出口數 | 9 |
其它設施 | 其它無障礙設施 |
地圖 | |
銅鑼灣站係一個地底車站,喺軒尼詩道同埋記利佐治街地底,設有上下兩個側式月台,都裝有月台幕門,喺1985年5月31號啟用。
G 地面 |
- | 出口 |
閣樓 | 西大堂 (售票層) |
自動售賣機、自動櫃員機 |
L1 大堂 | ||
東大堂 | 客務中心、車站商店 | |
恒生銀行、自動售賣機、自動櫃員機 | ||
「e分鐘著數」機 | ||
西大堂 | 客務中心 | |
自動櫃員機 | ||
「iCentre」互聯網中心 | ||
L2 月台 |
||
往柴灣 | ||
路軌 | ||
L3 大堂 |
南大堂 | 客務中心 |
自動售賣機、自動櫃員機 | ||
「e分鐘著數」機 | ||
L5 月台 |
||
往堅尼地城 | ||
路軌 |
銅鑼灣站一共有三個唔相連嘅車站大堂──位於銅鑼灣廣場一期地底嘅西大堂、位於崇光百貨地底嘅東大堂同位於時代廣場地底嘅南大堂。呢三個部份喺非收費區並唔互通,所以乘客出閘都要非常小心,否則就要離開車站、行一大段路到原來正確嘅出口。
銅鑼灣站內提供唔同類型嘅商店畀乘客買嘢或者食嘢,例如有7-Eleven便利店、餅店、咖啡店、書店、花店、恒生銀行同DHL等零售業同埋其他服務商店。此外,銅鑼灣站亦有唔少自助服務設施,包括恒生銀行及中銀香港嘅自動櫃員機、自動售賣機、自動照相機等。
喺互聯網服務上,大堂同月台都設有免費由電訊盈科提供嘅Wi-Fi熱點,乘客可以喺等車嗰陣透過手提電腦或個人數碼助理(PDA)上網。同時,喺西大堂嘅收費區設有「iCentre」免費上網服務設施,畀乘客瀏覽網上資訊。
另外,港鐵喺南大堂及東大堂嘅非收費區各設有2部「e分鐘著數」機,畀乘客買網上服務同埋享用港鐵友禮會嘅會員優惠。
銅鑼灣站位於軒尼詩道和記利佐治街地底,設有上下兩個側式月台,都裝有月台幕門。1號月台(港島綫往柴灣方向)喺上層,而2號月台(港島綫往堅尼地城方向)喺下層。
港島綫 | ||
堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 |
銅鑼灣站響香港灣仔區銅鑼灣軒尼詩道同記利佐治街地底,係港島區一個大型及重要嘅購物區。鄰近設有多個大型購物商場、緊貼潮流商店同跑馬地住宅區,因此每日有唔少乘客出入該站,係成個鐵路系統第二繁忙嘅車站,僅次於尖沙咀站,亦係港鐵港島綫17個車站中人流最多同最繁忙嘅車站。
喺每年嘅大除夕,由於有眾多人流用呢個站去時代廣場睇倒數,因此會出現車站人流擠逼嘅情況,而需要封閉本站A出口。
另外,該站至灣仔站之間設有一條側綫。每當港島綫灣仔站出現故障時,往堅尼地城方向嘅下行綫列車將會以該站作為臨時終點站。屆時,去灣仔站至堅尼地城站的乘客要轉其他交通工具前往。而過海嘅乘客則必須改用北角站轉車,經東區海底隧道過海前往九龍及新界。
集成中心設有適用於該站嘅港鐵特惠站,為使用成人八達通卡嘅乘客提供港幣2元車費回贈。
銅鑼灣站喺設計嗰時中文名係訂為「鵝頸橋」,後來改以附近另一個地方名銅鑼灣命名。銅鑼灣站喺1985年5月31號同港島綫金鐘至柴灣段一齊啟用。
喺銅鑼灣站起嗰時,其實早已規劃喺車站南面開設另一個車站出口,方便乘客通往跑馬地馬場一帶,但基於興建難度問題,因此喺1985年通車時,車站只設有東大堂同西大堂。直至1994年時代廣場落成之後,A出口同南大堂先正式開放。
根據《鐵路發展策略2000》嘅沙田至中環綫計劃,沙中綫若採用「維園方案」,將會起「維園站」接駁銅鑼灣站。該計劃喺政府決定採用「會展/金鐘方案」嗰時同時取消。九廣鐵路公司喺2004年沙中綫方案亦建議起「銅鑼灣北站」,並以長約240米嘅行人隧道連接銅鑼灣站。運輸及房屋局喺2007年發表嘅沙中綫合併方案決定唔起銅鑼灣北站,有關計劃亦因而取消。
政府同港鐵公司研究緊《銅鑼灣站地下行人通道計劃》,擬擴建並翻新現有嘅東大堂,發展地下商店街,貫穿軒尼詩道以及怡和街一帶地底。同時新大堂會起5個新出入口(E1至E5),藉以疏導銅鑼灣區地面同車站大堂嘅繁忙人流,工程預計喺2012年完工。工程完成之後,原有嘅E出口將會被取消同拆卸。
據《星島日報》報導,政府將喺全長150米嘅勿地臣街地底(A出口),開闢一條行人通道,打通港鐵銅鑼灣站至跑馬地馬場嘅「地下經脈」,以減少跑馬地區市民人車爭路造成嘅傷亡個案。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.