鵝頸

  想搵香港區議會選區嘅話，請睇鵝頸 (選區)。

鵝頸（Bowrington），又按英文繙寶靈城，係香港一地，喺香港島上，佢約莫係堅拿道一帶，天樂里同波斯富街之間，摩利臣山之東。今歸入灣仔區。

鵝頸街市同鵝頸熟食中心

跑鵝

香港時代廣場

地理

鵝頸之東爲東角，西爲摩利臣山，南爲跑馬地，北爲填海區。皇后大道東以南，視爲跑馬地，北則視爲鵝頸。

史

鵝頸喺域多利城之中，四環九約第八約。

鵝頸南面嘅跑馬地，原本係黃坭涌，涌水就北流入海，涌口係種米澤地。涌口對出，係利園山同摩利臣山夾出嘅淺灘地。英人收地兼去水，變成跑馬地，而喺灘地開涌直入域多利海口。而入海之處，係當時真正嘅灣仔，喺東角之西。

到十九世紀五十年代末，當時香港總督寶靈，打算喺涌口一帶起城，而城名以佢命名，叫寶靈城（Bowrington）。因填地之故，要將黃坭涌嘅水，開條涌出海，當時人叫鵝頸涌或者鵝澗，英文叫Bowington Canal。由於水道長而窄，似鵝頸。電車路一段，有橋過涌，所以叫鵝頸橋，橋呢條順理成章叫鵝頸橋。

二十世紀初，有香港八景之一，其一係鵝澗榕蔭，就係便鵝澗兩岸同利園山嘅榕樹。

後尾涌成暗渠，渠上有堅拿道天橋。

公共設施

市政局喺鵝頸設街市，名鵝頸街市。另有棟鵝頸熟食中心。二千年時歸食物環境衞生署管。