聖公會阮鄭夢芹銀禧小學

聖公會阮鄭夢芹銀禧小學，簡稱夢芹銀禧或阮鄭銀禧（S.K.H. Yuen Chen Maun Chen Jubilee Primary School，簡稱 YCMCJ），前身係聖公會阮鄭夢芹小學下午校，而喺2009年9月1日由原址香港新界大埔廣福邨搬到同區富亨邨，同香港神託會培賢小學（前身係1966年喺藍田邨創立嘅「培成小學」）合併，並開始全日制辨學。

聖公會阮鄭夢芹銀禧小學 S.K.H. Yuen Chen Maun Chen Jubilee Primary School
非以役人　乃役於人
位置
新界大埔富亨邨
明細
類	津貼小學
校訓	非以役人　乃役於人
宗教聯繫	基督教
成立	1966年（培成小學） 1984年（阮鄭夢芹下午校） 1991年（培賢小學） 2009年（兩校合併）
校區	大埔
校長	鄧依萍女士
校工人數	49人（包括校長）
學生人數	695人，21班（2009-2010年度）
校監/校管會主席	黎乃棚先生
面積	約 4,850 平方米
電話	[phone]
傳真	[phone]
網站	http://www.skhycmcj.edu.hk

辦學宗旨

喺基督教嘅環境提供有優質教育，使佢哋喺靈、德、智、體、羣、美各方面得以均衡發展，為將來服務社會作準備。

校歌同埋校詩

校歌（聖公會小學校歌）

1.美哉我聖公會學校，林立港九，遠近輩聲，本主基督，博愛精神，樂聚羣英。

2.格我以誠，導我以正，仁義為準，道德為繩，良師益友，切磋砥礪，培育心靈。

副：節儉習慣養成，刻苦精神充盈，德、智、體、羣、美應與日俱增。
乃役於人，仰我校訓，學子自當拳拳服膺努力前程，修身立行，榮耀我主名。

校詩（夢芹校詩）

1.主愛夢芹我校，矗立大埔市中心，遠望羣山迎我向前奔。

2.我們活在主恩裏，大家友愛共一心，熱誠合羣勤學兼助人。

3.樂意犧牲自我，同造美好將來，非以役人乃役於人。

副：感謝我主永眷夢芹。

學校設施

藍田邨培成舊址

「夢芹銀禧」前身嘅「培成小學」，係一座典型嘅「火柴盒」小學，連同地下總共有6層，入面有24間課室，而其中一邊樓梯係同舊藍田邨11座走廊連接。嗰座舊校舍已經喺1991年同藍田邨11-14座列咗入重建範圍（而12-13座係危樓，早喺1988年封咗），但校舍一直要到1993年初先拆。依家原址已經重建做啟田邨啟仁樓。

富亨邨現址

「夢芹銀禧」係一間具有標準設備嘅校舍，校舍嘅改善工程亦己完成。學校入面設有26個課室，重有禮堂、中央圖書館、家長資訊室、多用途活動室、電腦室、有蓋操場及籃球場等，設備完善。該校已計劃喺2010年，以接近一百萬港元優化學校嘅環境及設施。

呢座校舍由「培成小學」喺1991年搬入大埔就一直用到今日，曾經喺7樓加建過一層。

學與教嘅特色

• 該校已經喺2007年推行「優質班計劃」，增撥額外資源，增加師生例，以小班形式進行教學，加強對學生嘅照顧。
• 各級發展唔同嘅校本資優課程，包括中文科創意寫作堂，英文科圖書閱讀課程（PLPR）、閱讀寫作課程（PLPR/W）及數學科解難課程等，提升學生嘅學習興趣同效益。
• 推行普通話教中文試驗計劃（2008-2011年度），逐年由小二至小四嘅部分班別以普通話教中文，提升學生嘅普通話聽、講能力。
• 增聘外籍英文老師至兩名，增強學生嘅英文聆聽同表達能力。初小由外籍英文老師同原任英文老師一齊教英文圖書閱讀同寫作課程（PLPR/W）；中高年級由外籍英文老師教授會話課。
• 同教育局合作，喺四年級推行英文科詞彙庫（Vocabulary-Building）計劃。
• 重點培養學生嘅兩文三語溝通能力同態度，營造校內語言環境，增加學生展示嘅機會。
• 喺常識科推行思維課程，培養學生嘅創意及批判性思考能力，並進行專題研習，培養學生嘅各種共通能力。
• 透過語文科同埋學校圖書館嘅資源及活動，啓發學生嘅閱讀興趣。

舊生

• 柯創盛：立法會議員同觀塘區議員（培成時代舊生，後尾轉讀同邨聖公會兆強小學）
• 李綺雯：香港藝人（阮鄭夢芹下午校時代舊生）

相集

• 
  小食部
• 
  五樓

睇埋

• 聖公會阮鄭夢芹小學

出面網頁

• 學校網址
• 聖公會阮鄭夢芹銀禧小學 2017小學概覧